Spiritcorner

Serena ( ငြိမ်းချမ်းရေး )

2008-10-18T14:15:00.000-07:00

ကျွန်မ လူရော စိတ်ရော နည်းနည်းရှုပ်နေလို့ ဘလော့မှာ စာမရေးဖြစ်တာတောင် တော်တော်ကြာသွားပါပြီ။ ဘလော့တစ်ခု ပုံမှန်ရေးဖြစ်ဖို့ဆိုတာ (ကျွန်မအတွက်တော့ ) အချိန်တော်တော်ပေးရတဲ့ ကိစ္စလို့ ထင်ပါတယ်။

သူငယ်ချင်းအတွက် မွေးနေ့ပို့စ်လေး သေသေချာချာ ရေးပေးမယ်လို့ စဉ်းစားထားတာတောင် မရေးဖြစ်လိုက်ပါဘူး။ တောင်းပန်ပါတယ် သယ်ရင်း ရယ်။ နောင်နှစ်မှ အတိုး၊ အရင်းပေါင်းပြီး သေသေချာချာ ရေးပေးပါ့မယ်။ ဒီကြားထဲမှာ ထူးခြားတဲ့ အစီအစဉ်လေးတွေ ရှိရင်လည်း ရေးပေးဖို့ အဆင်သင့်ပါလို့... :)

ဘလော့မှာ စာပုံမှန်မရေးဖြစ်ပေမဲ့ ဘလော့ဖတ်တာ၊ သတင်းဖတ်တာတွေတော့ လုပ်ဖြစ်ပါတယ်။ အခုတလော ကြားရတဲ့ သတင်းလေးကြောင့် ဝမ်းသာစွာ ဒီပို့စ်လေးကို ရေးဖြစ်ပါတယ်။ သတင်းကတော့ ပါလက်စတိုင်း နဲ့ အစ္စရေး ငြိမ်းချမ်းရေး ကိစ္စပါ။ ကမ္ဘာရန် နှစ်ဖက် လက်ဆွဲနှုတ်ဆက်နိုင်မယ့် အခြေအနေဟာ မဝေးတော့တဲ့ ကာလမှာ ရောက်လာတော့မယ် ဆိုတဲ့အတွက် တကယ်ကို ဝမ်းသာမိပါတယ်။

ကျွန်မ ငယ်ငယ်တုန်းထဲက ဂျူးလူမျိုးတွေအများကြီး အစုလိုက် အပြုံလိုက် အသတ်ခံရဖူးတဲ့ သမိုင်းကို ကြားတော့ တကယ်ကို အံသြတုန်လှုပ်ခဲ့ဖူးပါတယ်။ ဘယ်လိုအငြိုးတွေကြောင့် ဒီလို မျိုးတုန်းသတ်ဖြတ်မှုတွေ ဖြစ်ရတာလဲပေါ့..

နောက်တော့ ဂျူးတွေနေထိုင်တဲ့ အစ္စရေး ဆိုတဲ့နယ်မြေမှာလည်း အမြဲတမ်း စစ်ပွဲတွေဖြစ်နေတယ် ဆိုတာ သိလာရတော့ သူတို့အကြောင်းကို ပိုသိချင်လာပါတယ်။

နောက်တခါ ခရစ်ယာန်၊ မွတ်စလင် ၊ ဂျူး ဘာသာကြီး သုံးခု အလေးအမြတ်ထားတဲ့ ဂျေရုစလင်မြို့အကြောင်း ၊ အခုအချိန်ထိ ကိုယ်နေထိုင်တဲ့နေရာကို ကိုယ်နိုင်ငံ ကိုယ်နေရာ အဖြစ် မသတ်မှတ်နိုင်သေးတဲ့ ပါလက်စတိုင်းတွေအကြောင်း ...

ဘာသာရေး အမည်ခံစစ်ပွဲတွေ ၊ စီးပွားရေး နယ်ချဲ့မှုတွေ ၊ အစွန်းရောက် လူတွေရဲ့ အတ္တတွေ...အားလုံး။
အဲဒိကနေ အရှေ့အလယ်ပိုင်း ကိစ္စတွေဟာ ကျွန်မရဲ့ စိတ်ဝင်စားစရာ လေ့လာစရာ တွေ ဖြစ်လာပါတယ်။
သူတို့နဲ့ပတ်သတ်တဲ့ သတင်းတွေ သတိထားကြည့်မိသလို စာအုပ်တွေလည်း ရှာဖွေဖတ်မိပါတယ်။ မြန်မာ စာအုပ်တွေထဲက ဖတ်မိတာဆိုရင်တော့ ဒီနှစ်အုပ်ပါ။

ဒေါက်တာမတင်ဝင်း ---- စစ်မီးမငြိမ်း တောမစိမ်းသည့်မြေ
မောင်ပေါ်ထွန်း ဘာသာပြန်သည့် --------- အကြီးအကဲ ( ပါလက်စတိုင်း ဘက်မှ ရေးထားတာပါ။ )

တကယ်တော့ စစ်ဆိုတာ ဖြစ်မိရင် ဘယ်သူအတွက်မှ မကောင်းပါဘူး။ နှစ်ဘက်စလုံး နာကျင် ခံစားရပါတယ်။ အဲဒိကနေထပ်ဆင့် ပေါက်ဖွားလာတဲ့ အငြိုးတွေ မုန်းတီးနာကြည်းမှုတွေကလည်း ကြောက်စရာ ကောင်းလှပါတယ်။ စေ့စပ်ညှိနှိုင်းမှုကြောင့် ပြုလုပ်ရမဲ့ အပေးအယူတွေက များတယ်ဆိုပေမဲ့ စစ်ဖြစ်တာထက် စာရင် အများကြီး ခံသာပါသေးတယ်လို့ ကျွန်မတော့ ယုံကြည်ပါတယ်။

အယူဝါဒချင်း မတူညီသူတွေ၊ ကမ္ဘာကျော် ငြိုးသူ ရန်ဘက်တွေတောင် ငြိမ်းချမ်းရေးအတွက် ညှိနှိုင်းဆွေးနွေးနိုင်တယ် ဆိုရင် ကျွန်မတို့ တပြည်တည်းသားချင်း မြန်မာပြည်သူ၊ သားတွေဟာ ဘယ်လောက် အာဂတ တွေ ကြီးနေလို့ စေ့စပ် ဆွေးနွေးလို့ မရနိုင်ရတာလဲ။ စည်းလုံးညီညွတ်မှု ဆိုတာ ဘာကြောင့် ဒီလောက် အလှမ်းဝေးနေရသေးတာလဲ ။ ငြိမ်းချမ်းရေး ချိုးဖြူလေးဟာ မြန်မာမြေပေါ် ဘာကြောင့် မပျံဝဲနိုင်သေးတာပါလိမ့် ....လို့ တွေးတောရင်း။

သွေးစွန်းသော ဥပုသ်နေ့မှသည်

2008-10-18T14:13:00.000-07:00

၂၇ ရက် စက်တင်ဘာလ ၂၀၀၇

အဲဒိနေ့ဟာ ဝါတွင်းကာလရဲ့ ဥပုသ်နေ့ တစ်နေ့ပါ။

အဲဒိနေ့ဟာ ဗုဒသာသနာတော်အတွက် အကျည်းတန်စေတဲ့နေ့ပါ။ အဖျက်ဆီးခံရတဲ့နေ့ပါ။ သံဃာတော်တွေ သွေးမြေကျခဲ့ရတဲ့နေ့ပါ။

ဒီဖြစ်ရပ်ဟာ သည်းခံအလျှော့ပေးရမဲ့ လျစ်လျူရှု ဥပေက္ခာပြုရမဲ့အရာ မဟုတ်ပါဘူး။ မြန်မာပြည်သူ ပြည်သားတိုင်း ၊ ဗုဒ္ဓ ဘာသာဝင်တိုင်း ကာကွယ်စောင့်ရှောက်ရမှာပါ။ မိမိအမျိုး၊ ဘာသာ ၊ သာသနာ ကို စောင့်ရှောက် ကာကွယ်ရမဲ့တာဝန်ဟာ လူသားတိုင်းအတွက် ထာဝရမှန်ကန်တဲ့ လောကသစ္စာ တရားပါ။

စစ်အစိုးရဟာ ၁၉၈၈ ခုနှစ် နောက်ပိုင်းမှစ၍ အခြားဘာသာတရားများ နှင့် လူမျိုးစု များကိုလည်း ရိုသေလေးစားခဲ့ခြင်း မရှိသည့်အပြင် နိုင်ငံတော်ဘာသာ ဖြစ်တဲ့ ဗုဒ္ဓဘာသာ ကိုလည်း တဖြည်းဖြည်းချင်း စနစ်တကျ ဖျက်ဆီးခဲ့ပါသည်။ တိုင်းပြည် နှင့် လူမျိုးအတွက် တက်ကြွစွာ ပါဝင်လှုပ်ရှားခဲ့သူ သံဃာတော်များအား ထောင်သွင်း အကျဉ်းခဲ့ပါသည်။ ထို့အပြင် သံဃာတော်များ၏ သိက္ခာ နှင့် သီလ များကိုလည်း ငွေကြေး အာဏာများဖြင့် အရောင်ဆိုးရန် ကြိုးစားခဲ့ပါသည်။ ထို့ထက်ပို၍ မြန်မာလူမျိုးများ အလေးထား ကိုးကွယ်ရသည့် ဗုဒ္ဓဘုရား ကိုပင် အငြိမ့်ထဲတွင် ထည့်၍ ပျက်ရယ်ပြုခြင်းကို လက်ခံခဲ့ပါသည်။ ထို့နောက်တွင်မှ ပိုမိုဆိုးရွားကာ ပြည်သူဒုက္ခကိုစာနာကာ ပြည်သူများအတွက် မေတ္တာသုတ်ရွတ်ပေးသော ပခုက္ကူမှ သံဃာတော်များကို ကြိုးကွင်းစွပ်၍ ဖမ်းကာ ရိုက်နှက်ညှင်းပန်းခဲ့ပါသည်။ ထိုသို့ သံဃာအား စော်ကားနှိပ်စက်မှုများပြုလုပ်ခဲ့ခြင်းကို ဝန်ချတောင်းပန်ရန် အတွက် သံဃာထု မှ တောင်းဆိုခဲ့ရာ စစ်အစိုးရဘက်မှ ပျက်ကွက်ခဲ့သဖြင့် သံဃာထုမှ စစ်အစိုးရအား သပိတ်မှောက် ကံဆောင်ခဲ့ပါသည်။ ထိုသို့ ကံဆောင်ခဲ့သော သံဃာများအား သင်္ကန်းဝတ်များဟု ရင့်သီးစွာ သုံးနှုံး ခေါ်ဆို၍ ဓမ္မစက်နှင့် အင်အားဖြိုခွဲ၍ မရလျှင် အာဏာစက်ဖြင့် ဖြိုခွင်းမည်ဟု ခြိမ်းခြောက်ခဲ့ပါသည်။ ထိုနောက်မှသည် ပြည်သူရှေ့တွင်ပင် သံဃာသွေး ဘုရားမြေပေါ်သို့ ကျခဲ့ရပါသည်။ ထို့နောက် ညဘက်တွင် ဘုန်းတော်ကြီးကျောင်းများသို့ အင်အားသုံး အကြမ်းဖက် ဝင်ရောက်ကာ သံဃာတော်များအား အယုတ်ညံ့ဆုံး နည်းလမ်းများသုံး၍ ဖမ်းဆီးခေါ်ဆောင်သွားပါသည်။

ထိုထိုသော အခြေအနေများတွင် မြန်မာပြည်သူ / သားများအနေဖြင့် အလျှော့ပေးသည်းခံ၍သော်လည်းကောင်း ၊ မိမိနှင့် မဆိုင်သကဲ့သို့ လျစ်လျူရှု ဥပေက္ခာပြုမိပါက နောင် ၅ နှစ်အကြာ မြန်မာနိုင်ငံတွင် ဗုဒ္ဓ နှင့် သံဃာအား ဦးချ ရှစ်ခိုး ရမည့်အစား စစ်အာဏာရှင်များကို ရှစ်ခိုးပူဇော်နေရပါလိမ့်မည်။ နှစ်ပေါင်း ၂၅၀၀ ကျော် သန့်ရှင်း စင်ကြယ်စွာ သယ်ဆောင်လာသော ထေရဝါဒဗုဒ္ဓသာသနာတော် လည်း အရောင်စွန်းထင်းစွာ ညှိုးနွမ်းရပါလိမ့်မည်။ ယခုတောင် မွန်မြတ် သန့်စင်သော ဘုရားကုန်းမြေများသို့ စစ်ဖိနပ်များဖြင့် တက်ရောက်ခြင်း ခံရရုံသာမက ဘုရားများမှာလည်း ရဟန်း၊ရှင်လူများ ပူဇော်ကိုးကွယ်ရန် အထွတ်အမြတ်ထားရာ နေရာမှ စစ်တပ် အခြေစိုက်ရာ ခံတပ်အနေအထား ဖြစ်နေရပါသည်။

ကျွန်မတို့ မြန်မာပြည်သူ ပြည်သားများ တပါးသူ ကျွန်ဘဝ ရောက်နေချိန်မှာတောင် ဘာသာ သာသနာကို ယခု စစ်အစိုးရထက် ပို၍ အရေးပေး လေးစား ခြင်း ခံခဲ့ရပါသည်။ လူမျိုးခြားများ ဘုရားပေါ်သို့ ဖိနပ်စီးတတ်ခြင်းကို အောင်မြင်စွာ တားမြစ်နိုင်ခဲ့ပါသည်။ အင်္ဂလိပ်များ မြို့ကွက်ဖော် ဆောက်လုပ်ပေးခဲ့သည့် ရန်ကုန်မြို့လယ်ခေါင်တွင်ပင် ဆူးလေ ဘုရား ၊ မျက်နှာချင်းဆိုင်တွင် အစ္စလာမ်မော့စ် ထိုမှတဆက်တည်းတွင် ခရစ်ယာန်ချာ့ခ်ျများကို ဆောက်လုပ်ပေးခဲ့၍ လွတ်လပ်စွာ ကိုးကွယ်ခွင့်များလည်း ရခဲ့ပါသည်။

ယခု မြန်မာပြည်သူ၊သားများ ရင်ဆိုင်နေရသော တိုက်ပွဲမှာ အာဏာရှင်စနစ် နှင့် ဒီမိုကရေစီစနစ် ချင်းတိုက်ကြသည့် စနစ်တိုက်ပွဲချင်း ပါတီတိုက်ပွဲချင်းထက် များစွာ ပိုမိုပြင်းထန်သွားပြီ ဖြစ်ပါသည်။ ဘာသာအတွက် သာသနာအတွက် စော်ကားဖျက်ဆီးဝံ့သည့် အဓမ္မဝါဒီရှင်များကို တိုက်ထုတ်ရမည့် တိုက်ပွဲဖြစ်ပါသည်။ တရားသော ဓမ္မ အစဉ်တည်တံ့အောင် ထိန်းသိမ်းစောင့်ရှောက်ယင်း ကာကွယ်ရမည့် တိုက်ပွဲဖြစ်ပါသည်။

ထို့ကြောင့် စစ်အစိုးရ၏ ဘာသာရေး နှိပ်ကွက် ဖျက်ဆီးမှုများကို လက်သင့်မခံဘဲ ကာကွယ်စောင့်ရှောက်ရန်တာဝန်မှာ မြန်မာပြည်သူ/သားများ၏ သမိုင်းပေးတာဝန် ဖြစ်ပါသည်။ သာသနာ ကို လက်ဆင့်ကမ်း သယ်ဆောင်ရန်တာဝန်မှာ ဘာသာဝင်တို့၏ အကြီးမားဆုံး ဝတ္တရားဖြစ်ပါသည်။ သမိုင်းအစဉ်အလာ တာဝန် ဝတ္တရားများကို ဦးလည်မသုန် ကျေပွန်ကြပါစေကြောင်း မြန်မာပြည်သူ / သားများ အထပ်ထပ် တိုက်တွန်းလိုက်ပါရစေလားရှင်။

သာသနာကို စော်ကားသူ

ပြည်သူရန်သူ တို့ရန်သူ

မျိုးနွယ်စုအား နှိပ်စက်သူ

ပြည်သူရန်သူ တို့ရန်သူ

လူအချင်းချင်း ညှင်းပန်းသူ

ပြည်သူရန်သူ တို့ရန်သူ

ပါလီမန်ရှေ့သို့ တစ်ခေါက်

2008-10-18T14:11:00.000-07:00

26 ရက်ညနေ September 2007

အလုပ်က ပြန်လာလာချင်း အင်တာနက်ဖွင့် တီဗွီဖွင့်။
သတင်းတွေက စိတ်မချမ်းသာစရာ အကြမ်းဖက်မှုပေါင်းများစွာနှင့် ခြိမ်းခြောက်မှုများစွာနှင့်။
ဘယ်လောက်တောင် မက်မောဖွယ်ကောင်းတဲ့ အာဏာမို့လို ဒီလိုအထွတ်အမြတ် ထားအပ်တဲ့ သာသနာ နဲ့ သံဃာ ကို တောင် မထောက်ညှာနိုင်အောင် ရက်စက် ရိုင်းပျ ရတာလဲ။

ဒီအချိန်မှာပဲ သူငယ်ချင်းတစ်ယောက်ဆီက ဖုန်းဝင်လာပါတယ်။ ဒီနေ့ည ပါလီမန်ရှေ့မှာ ဆန္ဒပြကြမယ်တဲ့။ ပျံလွန်တော်မူသွားတဲ့ သံဃာတော်များ နဲ့ သူရဲကောင်း ပြည်သူများကို အထူးရည်စူးပါတယ် တဲ့။ အိပ်ရေးပျက်တာရယ် ဥပုသ်စောင့်ရင်း အလုပ်ဆက်တိုက်လုပ်ခဲ့ရတာရယ်ကြောင့် စိတ်ရော ကိုယ်ရော အနည်းငယ် မောပန်းနေပေမဲ့ တိုင်းပြည်အတွက် အရေးကြီးနေတဲ့အချိန်မှာ ကျွန်မတို့ နောက်ဆုတ် လက်ပိုက် မနေနိုင်ပါဘူး။ အားပေးထောက်ခံဖို့အတွက် သွားဖို့ ဆုံးဖြတ်လိုက်ပါတယ်။ ဒီနေ့မှ အင်္ဂလန်နိုင်ငံမှာလည်း ဆောင်းဝင်ခါစ နည်းနည်း ပြန်အေးနေပါတယ်။ ဒီကြားထဲ မိုးကလည်း နည်းနည်း ထပ်ရွာနေပါသေးတယ်။

ဘယ်လိုပဲဖြစ်ဖြစ် ကျွန်မတို့နှစ်ယောက် ပါလီမန်ရှေ့အရောက်မှာတော့ ည 8:15 ရှိနေပါပြီ။ တွေ့လိုက်ရတဲ့ မြင်ကွင်းကတော့ တကယ်ကို စိတ်အား တတ်ကြွစရာပါ။ မိုးထဲလေထဲ အေးအေးချမ်းချမ်း အင်္ဂလန် ဆောင်းညမှာ ပါလီမန်ရှေ့မှာ ဆန္ဒပြသူ အင်းအားသုံးရာကျော်လောက် ရှိပါတယ်။ တကယ်ကို အင်တိုက်အားတိုက် တတ်တတ်ကြွကြွ ဆန္ဒပြနေကြတာပါ။ ကြွေးကြော်သံတွေ ကမ္ဘာမကျေသံတွေ က မရပ်မနားပါ။ အရေးကြီးပြီ သွေးနီးစို့ ဆိုတဲ့ သတိပေးတေး တွေလည်း အထပ်ထပ်ပါ။

ဒီနေရာမှာ အထူးဂုဏ်ပြု ပြောချင်တာကတော့ ကျောင်းသားလူငယ်ထုကိုပါ။ ဆန္ဒပြသူ အများစုဟာ ကျောင်းသားလူငယ်တွေချည်းပါပဲ။ မိန်းကလေးတွေရဲ့ တက်ကြွပါဝင်မှုကလည်း ကျေနပ်အားရစရာပါ။ မိန်းကလေး ဆန္ဒပြသူတွေလည်း တော်တော်လေး များပါတယ်။ မြန်မာစာအုပ် ကိုင်ဆောင်ထားသူများမို့ သံရုံးရှေ့လာဖို့ အနည်းငယ် အခက်အခဲရှိနေသူတွေလည်း ညဘက်မှာ တက်ကြွစွာပါဝင်ကြပါတယ်။ စည်းစည်းရုံးရုံး ညီညီညွတ်ညွတ်နဲ့ 12 နာရီထိုးတဲ့အထိ် ဆန္ဒပြကြပါတယ်။ အထူးခြားဆုံးကတော့ အင်္ဂလန်ဆောင်းကို အံတုပြီး ညအိပ် ဆန္ဒပြမဲ့ 10 ယောက် အုပ်စုပါ။ အဲဒိအထဲမှာ မိန်းကလေး 3 ယောက် ပါ ပါတယ်။ သူတို့တွေကိုတော့ တကယ်ကို လေးစားစွာ ဂုဏ်ပြုပါတယ်။

ကျွန်မ ဂုဏ်ယူစွာ မှတ်တမ်းတင်ချင်တာကတော့ ကျွန်မတို့ လူငယ်တွေရဲ့ ရိုးသားစွာ အမှန်တရားကို ချစ်မြတ်နိုးစိတ် နဲ့ ကာကွယ်လိုစိတ်ပါ။ ကျွန်မတို့ ကျောင်းသားလူငယ် အဆက်ဆက် ဟာ ပါတီနိုင်ငံရေးအတွက် ရှင်သန်ရပ်တည် လှုပ်ရှားသူ တွေ မဟုတ်ကြပါဘူး။ ဒါပေမဲ့ သမိုင်းရဲ့ လိုအပ်တဲ့အချိန်တိုင်းမှာ အမျိုးသားနိုင်ငံရေးအတွက် ခိုင်မာ ပြတ်သားစွာ ရပ်တည် ကြတယ် ဆိုတဲ့အကြောင်းပါပဲ။

နောက်ဆုံး ကျွန်မခံစားနားလည်မိတာလေးကတော့ ပြည်ပရောက် လှုပ်ရှားသူများရဲ့ အနေအထားပါ။ ပြည်တွင်းလှုပ်ရှားသူများက ဦးဆောင်ပါဝင်လှုပ်ရှားသူများလို့ ဆိုရင် ပြည်ပရောက်လှုပ်ရှားသူများကတော့ သူတို့ရဲ့ မိသားစု ဆွေမျိုး အသိုင်းအဝိုင်း ပုံစံဆောင်တယ်လို့ မြင်မိပါတယ်။ လှုပ်ရှားသူများ ရှောင်ပြေးစဉ် အဖမ်းခံရစဉ် ကျန်ရစ်သူမိသားစု ရဲ့ ပူပင်သောက နဲ့ ရုံးကိစ္စ ဆက်သွယ်ဆောင်ရွက် ဖြေရှင်းပုံမျိုးနဲ့ အသွင်တူတယ်လို့ပဲ ဆိုပါရစေတော့ရှင် ။

မှတ်ချက်။ ။ တနင်္လာ မှ သောကြာနေ့တိုင်း မြန်မာသံရုံးရှေ့တွင် နေ့လည် ၁၂ နာရီ မှ ၂ နာရီ အထိ ဆန္ဒပြပွဲများ ရှိနေပြီး ပါလီမန်ရှေ့တွင်လည်း ၂၄ နာရီ ပတ်လုံး ဆန္ဒပြနေကြပါသည်။

သွေးနီးကြပါစို့

2008-10-18T14:10:00.000-07:00

အခု အချိန်အခါဟာ မြန်မာပြည်သူ ပြည်သား များအတွက် သ်ိပ်ကို အရေးကြီးနေတဲ့အချိန် ပါ။ မြန်မာပြည်သူ ပြည်သားများလို့ ဆိုရာမှာ ပြည်တွင်းနေ ရော ပြည်ပရောက်ပါ ပါဝင်ပါတယ်။

ကျွန်မတို့ နှစ်ယောက်လည်း မနေ့က အလုပ်က ပြန်လာထဲက အင်တာနက် ကြည့်တော့ ဓမ္မစက်နဲ့ မရရင် အာဏာစက် နဲ့ ဖြေရှင်းမယ် ဆိုတဲ့ ခြိမ်းခြောက်စကားတွေရယ် တခြားစာမျက်နှာ များ က သတိပေးချက် အမျိုးမျိုးတွေရယ်ကြောင့် 26 ရက်နေ့မှာ ဆန္ဒပြမယ့်သူများအတွက် သိပ်ကို စ်ိတ်ပူသွားမိပါတယ်။

တီဗွီမှာ ကြည့်လိုက်တဲ့အခါမှာ မြန်မာသတင်းတွေကို တော်တော်လေး ဝေဝေဆာဆာ တွေ့ရပါတယ်။ ကုလ သမဂ္ဂမှာ ညီလာခံ ရှိနေတာကလည်း မြန်မာပြည်သူတွေအတွက် အားတတ်စရာ အားသာချက်တစ်ခုပါ။ အမေရိကန်သမ္မတ ရဲ့ သတိပေး စကားတွေ စစ်အစိုးရ ကို ကြဉ်ရှောင်တဲ့ သတင်းတွေရယ်နဲ့ မြန်မာအရေးကို အတော်လေး အရေးပေး ပြောပေးနေကြပါတယ်။ ဘုန်းတော်ကြီး တူတူးရဲ့ သတင်းစကားတွေကလည်း နေရာအနှံ့ပါ။

BBC , Chanel 4, Euro News, CNN အကုန်လုံးမှာ မြန်မာသတင်းတွေ မပြတ်မနားပါ။ ပြည်ပရောက် မြန်မာအရေးလှုပ်ရှားသူတွေကိုလည်း မေးမြန်းမှုတွေ ပြုလုပ်နေတာ အဆက်မပြတ်ပါ။ အခြားနိုင်ငံသား မြန်မာအရေး ကျွမ်းကျင်သူတွေလည်း မကျန်ရပါဘူး။

ကိုနစ်နေမန်း ရဲ့ စီဘောက် ကလည်း အတော်ကြီးကို အားကိုးရပါတယ်။ ကိုသူရ ( ဇာဂနာ ) အဖမ်းခံရတဲ့ သတင်း က စလို့ ကာဗျူးအမိန့်ပါမကျန် တခြားသတင်း များစွာကို တစ်ကယ်ကို အဆက်မပြတ် တင်ပေးနေတာပါ။ ရန်ကုန်ညဘက် 2-3 နာရီ အချိန်မှာ ကိုနစ်ရဲ့ စီဘောက်မှာ လူ 300 ကျော်ရှိပါတယ်။

ကျွန်မတို့ အားပေးရင်း အားပေးရင်း ( အင်္ဂလန်အချိန် ) မနက် 4 နာရီကျော်သွားပါတယ်။ မဖြစ်တော့ဘူး ဆိုပြီး ခဏ အိပ်လိုက်ပြီး မနက် 8 နာရီ ပြန်ထပြီး အင်တာနက် နဲ့ တီဗွီ ပြန်ကြည့်ချိန်မှာတော့ ရန်ကုန်မှာ အပစ်အခတ်တွေနဲ့ အကြမ်းဖက်ကုန်ကြ ပါပြီ။ ဘီဘီစီ ကလည်း အဆက်မပြတ် အကြမ်းဖက်မှုတွေနဲ့ စစ်ကား တွေကို ပြသပေးနေပါတယ်။ ရန်ကုန်အချိန် 1-2 နာရီလောက်မှာ ကိုနစ် စီဘောက်မှာ လူ 1300 ကျော်ရှိနေပါတယ်။

အင်္ဂလန်မှာလည်း မြန်မာသံရုံးရှေ့မှာ နေ့စဉ် ဆန္ဒပြမှုတွေရှိနေပါတယ်။ အလှုငွေတွေလည်း ကောက်ခံနေပါတယ်။

အရေးကြီးပြီ..... သွေးနီးကြပါစို့ ။

အောင်မြင်မှု

2008-10-18T14:08:00.000-07:00

အချို့ကား မွေးဖွားလာကတည်းက အောင်မြင်လာကြသည်။

အချို့ကား အောင်မြင်မှုကိုရအောင် လုပ်ယူခဲ့သူများ ဖြစ်သည်။

အချို့မူကား ဘဝတွင် အောင်မြင်ရန် ဇာတာပါလာသူများ ဖြစ်သည်။

( ရှိတ်စပီးယား )

သို့သော်... အချို့ အချို့ သည်ကား အောင်မြင်ရန် ပေါ်ပေါက်လာသော

အခွင့်အလမ်းကို မလွတ်တမ်းအမိအရ

လှမ်းဆွဲဆုပ်ကိုင် ရယူနိုင်သောသူ ပင် ဖြစ်သည်။

ခေါင်းဆောင်ကမ္ဘာ ရုပ်ပုံလွှာ

2008-10-18T14:05:00.000-07:00

အခုတလော စာရေးဆရာ ထွန်းသစ်ရေးထားတဲ့ ခေါင်းဆောင်ကမ္ဘာ ရုပ်ပုံလွှာ နဲ့ ဇာတ်ခုံကမ္ဘာ ဇာတ်ဆောင်ကမ္ဘာ ဆိုတဲ့ စာအုပ် ၂ အုပ်ကိုဖတ်ပြီး အတွေးတွေ တသီတတန်းကြီး လျှောက်တွေးနေမိတယ်။ နေရာဌာန တိုင်းအတွက် ခေါင်းဆောင် ဆိုတာ အင်မတန် အရေးကြီးတဲ့ သဘောကို ဆောင်ပါတယ်။

အနိမ့်ဆုံး ပြောရရင် ကျွန်မတို့တွေဟာလည်း ကျွန်မတို့ ဘဝတွေကို ဦးဆောင်နေရတဲ့ သူတွေပါ။ ဘဝရဲ့ ခေါင်းဆောင်တွေပါ။ ကျွန်မတို့ ဘဝတွေကို မှန်ကန် တည့်မတ်စွာ ထိန်းကျောင်းနိုင်ဖို့အတွက် လိုအပ်တဲ့ အရည်အချင်းတွေကို အောင်မြင်ကျော်ကြားတဲ့ ပုဂ္ဂိုလ်များဆီက သင်ယူနိုင်ပါတယ်။

ဒီနေရာမှာ အရေးကြီးတာက အောင်မြင် ကျော်ကြားတဲ့ သူတွေဟာ ဘယ်လိုလူမျိုးတွေလဲ။ သူတို့တွေ ဘယ်လိုစံ တွေနဲ့ လူတွေအများကြီးကို အုပ်ချုပ်နေလဲ ဆိုတာ စိတ်ဝင်စားစရာပါ။

မိသားစု အတွင်းမှာလည်း အိမ်ထောင် ဦးစီး ခေါင်းဆောင် ဆိုတာ အရေးပါ အရာရောက် တဲ့ နေရာမှာ တည်ရှိပါတယ်။ သူတို့တွေရဲ့ ပဲ့ပြင် ဆုံးမ ပုံသွင်းမှု တွေဟာ အအုပ်ချုပ်ခံ သားသမီးတွေရဲ့ ဘဝမှာ အတိုင်းအတာ တစ်ခုထိ အကျိုးသက်ရောက်မှုများစွာ ရှိပါတယ်။

အဲထိကနေ တဆင့် တတ်ပြီး စဉ်းစားကြည့်ရင် အုပ်စု၊ အဖွဲ့အစည်း၊ အသင်းအပင်း တွေမှာလည်း ဦးစီးခေါင်းဆောင်လုပ်သူဟာ အင်မတန် အရေးပါ ပါတယ်။ သူ အရည်အချင်း၊ ကြိုးပမ်းမှု၊ စွန့်လွှတ် အနစ်နာခံနိုင်မှု တွေအပေါ် မူတည်ပြီး အသင်းအဖွဲ့အပေါ် အများကြီး အကျိုးသက်ရောက်မှု ရှိစေလို့ပါပဲ။

ဒီလိုဆိုရင် တိုင်းပြည်တစ်ပြည်ကို တာဝန်ယူ အုပ်ချုပ်ရတဲ့၊ နိုင်ငံသားတွေရဲ့ ဘဝ တွေ၊ အနာဂတ် တွေကို ပုံအပ်ထားတဲ့ နိုင်ငံ ခေါင်းဆောင် ဆိုတဲ့ အနေအထား နဲ့ အရည်အချင်း ဟာ သိပ်ကို အရေးကြီးသွားပါပြီ။ သူတို့ရဲ့ ကြိုးပမ်းမှု၊ အရည်အချင်း ရှိမှု တွေဟာ တိုင်းပြည် အနာဂတ်အတွက် သိပ်ကို အရေးပါ သွားပါပြီ။

အရည်အချင်းရှိတဲ့ ၊ ထက်မြက်တဲ့ ခေါင်းဆောင်မျိုး ဟာ ဘယ်လိုမျိုးလဲ။ ရှိသင့်ရှိထိုက်တဲ့ စိတ်ဓာတ် နဲ့ ခံယူချက် ကရော ဘယ်လိုမျိုးလဲ ။ သူတို့ဟာ တိုင်းပြည်အတွက် ဘာတွေ လုပ်ပေးနိုင်သလဲ ဆိုတာ သိပ်ကို အရေးကြီးတဲ့ မေးခွန်းတွေ ဖြစ်သွားပါပြီ။

အုပ်ချုပ်တဲ့ ခေါင်းဆောင် ဟာ အရည်အချင်းရှိဖို့ လိုအပ်သလို အအုပ်ချုပ်ခံ ပြည်သူဟာ မှန်ကန်သင့်တော်တဲ့ ခေါင်းဆောင်ကို ရွေးချယ်ပေးနိုင်ဖို့ အသိပညာ ရှိရမယ်လို့ ကျွန်မ ကြားဖူးပါတယ် ။ ကျွန်မ အနေနဲ့လည်း အဲဒိစကားကို အပြည့်အဝ ထောက်ခံပါတယ်။

ကိုယ်ခေါင်းဆောင်တွေကို မှန်မှန်ကန်ကန် ရွေးချယ်နိုင်ဖို့ ကမ္ဘာတစ်ဝှမ်းမှာ ရှိတဲ့ ခေါင်းဆောင်တွေအကြောင်းလည်း သိထား မှတ်ထားဖို့ လိုတာပေါ့။ သူတို့ရဲ့ သမိုင်းတွေထဲမှာ မှားတာတွေ ပါတယ်။ မှန်တာတွေလည်း ရှိတယ်။ လူတော်တွေ ဆိုပေမဲ့ ကောင်းတဲ့သူ ရှိသလို ရှော်တဲ့ အကြောင်းအရာတွေလည်း အများကြီး ရှိနိုင်ပါတယ်။ တိုင်းပြည်အတွက် အရေးပါတဲ့ ပုဂ္ဂိုလ်များမို့ သူတို့ရဲ့ အမှားတွေအတွက် တိုင်းပြည်ဘက်က ပေးဆပ်ရတာတွေ၊ လျော်ကြေးတွေ ဟာလည်း ကြီးတတ်ပါတယ်။

ပထမ စာအုပ်မှာ ပါဝင်တဲ့ ခေါင်းဆောင်တွေကတော့

1. လစ်ဗျား မှ ကဒါဖီ

2. ထိုင်း မှ ဘုရင် ဘူမီတော အဒူယာဒက်

3. ဘရူနိုင်း မှ ဘုရင် ဟက်ဆန်နာ ဘိုခီးယား

4. စင်ကာပူ မှ ဂိုချောက်ထောင်

5. ကမ္ဘောဒီးယား မှ ဘုရင် သီဟာနု

6. တရုတ် မှ ကျန်ဇီမင်း

7. ဆော်ဒီအာရေဗျ မှ ဘုရင် ဖာဒ့် အီဘင် အဗဒူအဇစ်

8. အင်္ဂလန် မှ တိုနီဘလဲ

9. ဆီးရီးယား မှ ဟာဖက်စ် အယ်လ် အာဆတ်

10. ဂျာမနီ မှ ဟဲလ်မွတ် ခိုးလ်

11. ယူဂိုဆလားဗီးယား မှ မီလိုဆီဗစ်

12. ဘော့စနီးယား မှ ရာဒိုပန် ကာရာဇစ်

13. အစ္စရေး မှ ဘင်ဂျမင် နေတာညာဟူ

14. ဂျော်ဒန် မှ ဘုရင်ဟူစိန်

15. ကုလသမဂ အတွင်းရေးမှုးချုပ် ကိုဖီအာနန်

16.ဟောင်ကောင် မှ ဟုန်ချီဟွာ တို့ပဲ ဖြစ်ပါတယ်။

နောက်တစ်အုပ်မှာတော့

1. ဖိလစ်ပိုင် မှ ဂျိုးဇက် အီရက်ပ် အက်စ်ထရာဒါ

2. ကမ္ဘောဒီးယား မှ ဆမ်ဒက်ခ်ျ ဟွန်ဆန်

3. တောင်ကိုရီးယား မှ ကင်ဒေးဂျုံ

4. မြောက်ကိုရီးယား မှ ကင်ဂျုံအီ

5. ကွန်ဂို မှ လောရင့် ကဘီလာ

6. ကင်ညာ မှ ဒင်နီယယ် အရပ် မွိုင်

7. မလေးရှား မှ ဒေါက်တာ ဓာတု သီရိ မဟာသီ ဘင် မိုဟာမက်

8. တရုတ် မှ ကျူရောင်ဂျိ

9. တောင်အာဖရိက မှ နယ်လ်ဆင် မင်ဒဲလား

10. တောင်အာဖရိက မှ သာဘို ဘမ်ဘီကီ

11. ပါကစ္စတန် မှ ဗိုလ်ချုပ်ကြီး ပါဗက်ဇ် မူရှာရက်ဖ် တို့ ပါဝင်ပါတယ်။

...

အောင်မြင်သော ဘဝပိုင်ရှင် ခေါင်းဆောင်များ အဖြစ်သို့...

ထိုမှတဆင့် အောင်မြင်သော အနာဂတ် တိုင်းပြည် ခေါင်းဆောင်များ ဆီသို့...

စက်ဝိုင်း --- မစန္ဒာ

2008-10-18T14:03:00.000-07:00

“ ပဲပြုတ် တဆယ်သားလည်း တစ်ကျပ်ခွဲ ဖြစ်နေပြီနော်..”
“ ကြာပါပြီ အစ်မရယ် ”
“ ဟိုးအရင်တုန်းက ငါးမူးရယ် ”
“ အရင်ကဈေး လာမပြောနဲ့ အစ်မရေ ၊ ကျွန်မတို့ ဝယ်ရတာကလည်း အရင်ဈေးမဟုတ်ဘူး။ တစ်ပြည်ကို နှစ်ဆယ့်နှစ်ကျပ်ပေးရတယ်။ ပြုတ်လိုက်ရင် နှစ်ပိသာခွဲပဲ ရတာ...”

“ အကောင်လိုက် လေးကျပ် ၊ အခြမ်း လေးကျပ်ခွဲ ”
“ ကြက်ဈေးကလည်း ကြီးလိုက်တာဟယ် ၊ တစ်ပိသာ လေးဆယ် ၊ လေးဆယ့်ငါးကျပ် တဲ့။ ငါ့ယောက်ျား မဟာစာရေးဆရာကြီးရဲ့ တစ်လလုံးရတဲ့ လစာက ကြက် ငါးပိသာ ဖိုးလောက်ပဲ ရှိပါလားဟဲ့ ”
“ ဒိလောက်မှ မရောင်းရင်လည်း မကိုက်ဘူး အစ်မရဲ့ ၊ ကျွန်တော်တို့ယူရတာက သုံးဆယ့်ရှစ်ကျပ်ဈေး ”

“ တစ်ဆယ်သား တစ်ကျပ်ခွဲ ညီမလေးရေ ၊ အစိတ်သား ယူရင်တော့ သုံးကျပ်ခွဲနဲ့ယူ အင်းခရမ်းတွေကွဲ့။ အသားသိပ်များတယ် သိပ်ချိုတယ် ”
“ ခရမ်းချဉ်သီးကလည်း အခုထိ မပေါဘူးနော်။ ခါတိုင်း ဒီချိန်ဆို ပေါလှပြီ ”
“ သြော် အစ်မတို့ ယူရတာကလည်း ခါတိုင်းလို မဟုတ်ဘူး ငါ့ညီမရဲ့။ အခုဈေးက တစ်သေတ္တာကို တစ်ရာ့သုံးဆယ် ၊ ဒါတောင် မနည်း လုယက်ပြီး ယူရတာ ”

“ အဒေါ်ရေ ဟောဒီမှာ ငရုတ်သီးစိမ်း တစ်ပုံယူလိုက်ပြီနော်။ ပိုက်ဆံကို ပစ်ပေးလိုက်မယ် ။ ကန်တော့ ကန်တော့ ”
“ ငရုတ်သီးစိမ်း တစ်ပုံကို ငါးမူး။ တစ်မတ် မဟုတ်ဘူး ”
“ ဟောတော် ဒါလေးတစ်ပုံကို ငါးမူး ဟုတ်လား ”
“ ဟုတ်တယ် ငါးမူးပဲ။ တစ်မတ်ဖိုး ရောင်းလို့ မကိုက်တော့ဘူး။ ကုန်အဝင် ကကို နည်းနေလို့ ”
“ သြော် ”

“ ဟင် ကြက်သွန်က အသစ်လည်းဖြစ် သေးလည်းသေး ဒါတောင် ဆယ့်လေးကျပ်ဈေး ဟုတ်လား ”
“ ဟုတ်တယ် ဟိုဘက် နည်းနည်းကြီးတာက ဆယ့်ခြောက်ကျပ် ”
“ စိတ်ညစ်လိုက်တာ ”
“ စိတ်မညစ်ပါနဲ့ဟယ် ငါတို့လည်းရောင်းရတာ စိတ်ညစ်တာပဲ။ ငါတို့ ဝယ်ရတာကိုက ဈေးကြီးနေတာ ”
“ အင်း ”

--------- -------- -------- ---------

“ ဟယ် နင်ကလည်း လုပ်တော့မယ်။ တစ်ရာကို နှစ်ကျပ်လို့ ။ ဟိုတစ်ခါ ငါဝယ်တုန်းက ငါးမူး ရယ် ”
“ ငါးမူးမရောင်းနိုင်တာ ကြာပါပြီ အန်တီရယ် ”
“ ငါက ခြံထဲ ကျော်ဝင်တဲ့ ခွေးကို ပစ်ချင်လို့သာ ဝယ်ရတာ။ နင့်လောက်စာလုံးကလည်း ဈေးက တတ်ပြီးရင်း တတ်ရင်း ”
“ ဒါကတော့ သူများနည်းတူပေါ့ ခင်ဗျာ ”

“ အံမာ .. ဘာ သူများနည်းတူလဲ။ နင်က ရွှံ့ တစ်ပြည် ဘယ်နှစ်ကျပ်နဲ့ ဝယ်နေရလို့လဲ။ ကုန်တင်ကားတွေ အရောက်နည်းနေလို့ ပစ္စည်းမရှိလို့လား။ ကြက်သွန်လို ရွှံ့သစ် မပေါ်သေးလို့ ရွှံ့ဟောင်းက ဈေးကြီးနေတာလား။ နင်ရွှံ့ခင်း ကရော မိုးဖျက်လို့ ပျက်သွားသလား နှင်းခါးရိုက်လို့ သေသွားသလား ”

“ မဟုတ်ပါဘူး ခင်ဗျာ ”
“ ကဲ ဒါဖြင့် နင်ရွှံ့က ဘာဖြစ်လို့ ဈေးတတ်နေရတာလဲ ပြောစမ်းပါဦး ”
“ ရွှံ့ ကတော့ ဈေးမတတ်ပါဘူးဗျာ
ဒါပေမဲ့ ကျွန်တော် ဆာရင် ရွှံ့ ကို ကိုက်စားလို့မှ မရတာ အန်တီရယ် ”

“ အဲ.. ”

မစန္ဒာ
၁၉၈၇

ကောင်းကျိုး ကိုယ်၌တည်စေသတည်း

2008-10-18T13:58:00.000-07:00

ဒေသ စံတော်ချိန် ည ၁ နာရီ။
မအိပ်ခင် မြန်မာသတင်းတွေ ကြည့်လိုက်ဦးမယ်ဆိုပြီး Mizzima ဆိုဒ်ထဲအဝင်..
စာလုံးအကြီးနဲ့ ရေးထားတဲ့ ကြားဖြတ်သတင်း ..

ကျောင်းသားခေါင်းဆောင် အယောက် ၂၀ ကျော် အဖမ်းခံရ

သူတို့တွေအတွက် စိတ်တွေပူပြီး မြန်မာသတင်းဆိုဒ်တွေ အကုန် ဟိုကြည့် ဒီကြည့်။
DVB က လှမ်းပြီး ဆက်သွယ်မေးမြန်းတဲ့ အသံဖိုင်တွေနားထောင်။
ဘာလုပ်ပေးရပါ့ သူတို့အတွက်....
တခြား Blogger တွေရော.. သိပြီးကြပြီလား
ဟိုဟိုဒီဒီ လျှောက်ကြည့်...
စိတ်မချမ်းသာစွာနဲ့ မနက် သုံးနာရီမှပဲ အိပ်ရာဝင်ဖြစ်တော့တယ်။
မနက်ကျတော့လည်း နိုးနိုးချင်း ကွန်ပြူတာ အမြန်ဖွင့်..
ဘာ သတင်းများ ထပ်ထူးကြသေးလဲ
လမ်းလျှောက်ကျတဲ့ သူတွေရော.. အဆင်မှ ပြေကြရဲ့လား
အလုပ်သွားဖို့ အမြန်ပြင်ဆင်

အလုပ်ထဲထိ သယ်သွားမိတာက အတွေးတစ်ချို့ --- --- ---

သားသမီးတွေအတွက် မိဘများရဲ့ အမြင့်မားဆုံး မျှော်လင့်ချက်က ပညာတတ်ကြီး ဖြစ်စေချင်တာတဲ့...
လူသားတစ်ယောက်အတွက် လောကရဲ့ အတောင့်တဆုံး ဆန္ဒက လူပီသစေချင်တာတဲ့...
လောကပါလ တရားတွေကို လိုက်နာကျင့်သုံးစေချင်တာတဲ့...
မိမိ ကိုယ်ကို ချစ်ဖို့ ၊ မိသားစုကို ချစ်ဖို့ ၊ တိုင်းပြည် နဲ့ လူမျိုး ကိုချစ်ဖို့ ၊ လူသားမျိုးနွယ် တရပ်လုံးကို ထိန်းသိမ်းစောင့်ရှောက်ဖို့ တသက်လုံး သွန်သင်ဆုံးမ ခံခဲ့ရတာ...

အဲဒိလို ဆုံးမစကားတွေနဲ့ ကြီးပြင်းလာတဲ့ ကလေးတစ်ယောက်ဟာ
သမိုင်းရဲ့ အမှန်တရားတွေကို အသိပညာ ဆင်ခြင်တုံတရားနဲ့ တိုင်းတာ ဆုံးဖြတ်မယ်
လောက ရဲ့ အမှန်တရား ကို ရိုးသားမှုတွေနဲ့ တိုင်းထွာမယ်
လောက ရဲ့ သစ္စာကို ပေးဆပ်မှုတွေနဲ့ ရှာဖွေမယ်

သူတို့ရင်ထဲက မျှော်လင့်ခြင်းမီးတောက် ဘယ်သူခြောက်လို့ ပျောက်မှာလဲ

လိုအပ်ရင် မျိူးနွယ်စု ကောင်းစားရေးအတွက်

လောက ဝန်းကျင် သာယာရေးအတွက် သူတို့ကိုယ် သူတို့ ပူဇော်ထားတယ်လေ

သူတို့ဟာ အများကောင်းကျိုး သယ်ပိုးနေသူတွေပါ လို့ ( စိတ်ထဲမှာ ) အကြီမ်ကြိမ် လျှောက်လဲရင်း

နှစ်ခြိုက်စွာ စွဲလမ်းရတဲ့ စာသားလေးကိုပဲ အကြိမ်ကြိမ် ရွတ်လျှက်

ကောင်းမှု မြတ်နိုး
ကောင်းအောင် ကြိုး၍
ကောင်းကျိုး ကိုယ်၌် တည်စေသတည်း။

19 နှစ်တာ အမှတ်တရ

2008-10-18T13:51:00.000-07:00

လွန်ခဲ့သော ၁၉ နှစ်က ဆိုတော့ ကျွန်မ ရှစ်နှစ်သမီးပဲရှိသေးတယ်။ ဘာမှ သိပ်မသိတတ်သေးတော့ ကျောင်းပိတ်တာဟာ ကျွန်မအတွက်တော့ ပျော်စရာကြီးပေါ့။ ကျောင်းပိတ်ရက်တွေမှာလည်း လမ်းထဲမှာ ရုံးစု ရုံးစု၊ လူကြီးတွေလည်း မအားမလပ် ဟိုအိမ်သွား စကားပြောလိုက် ဒီအိမ်သွား ဆွေးနွေးလိုက်နဲ့ မအားလပ်နိုင်အောင်ပါပဲ။
မှတ်မိသလောက်ဆိုရင်ဖြင့် ရပ်ကွက်လုံခြုံရေးအတွက် လမ်းထဲက အစ်ကိုကြီးတွေ ကင်းစောင့်ဖို့အကြောင်း၊ ကျွန်မတို့လမ်းထိပ်ကနေ ဆူးလေဘုရား နှင့် မြို့တော်ခန်းမဆီသို့ ဖြတ်ဖြတ်သွားတဲ့ လူထုကြီးကို ထမင်းထုပ်ဝေဖို့အကြောင်း စုံနေတာပါပဲ ။ လူကြီးတွေအားလုံးလည်း အလုပ်တွေရှုပ်ပေါ့။ ဆန်ပေါများစွာထွက်တဲ့ မြို့လေးဆီကနေ ရန်ကုန်မြို့ကြီင်္းကို ပြောင်းရွှေ့လာတဲ့ ကျွန်မအဖေကတော့ နယ်ကနေ ဆန်အိတ်တွေမှာ သင်္ဘောဆိပ်မှာသွားရွေး ပြီးတော့ လမ်းထဲက ထမင်းချက်တဲ့နေရာမှာ ပြန်လှူနဲ့ အလုပ်ကို ရှုတ်နေတော့တာပါပဲ။ လမ်းထဲမှာ စုပေါင်းပြီး ထမင်းတွေချက်ကြ ဟင်းတွေချက်ကြနဲ့ဆိုတော့ စုပေါင်းအလှူကြီးတစ်ခုလို ကျွန်မတို့ ကလေးတွေကတော့ ပျော်နေတာပါပဲ။

မြို့တော်ခန်းမဘက်ဆီက ပစ်သံ ခတ်သံ ဆူဆူညံတွေ ကြားရပေမဲ့လည်း သိပ်တော့မကြောက်တတ်ခဲ့ပါဘူး။ ဝရုန်းသုန်းကားနိုင်စွာ ထွက်ပြေးလာတဲ့လူအုပ်ကို လုံခြုံရာစီစဉ်ပေးဖို့ လူကြီးတွေအလုပ်ရုတ်ချိန်မှာ ကျွန်မတို့မောင်နှမတစ်စု နဲ့ ဘေးအိမ်ကမောင်နှမတစ်စုကတော့ တိုက်ခေါင်းမိုးပေါ်ရောက်ပြီး ချောင်းကြည့်နေမိပြီ။ နောက်နေ့တွေမှာ လူကြီးတွေက ပြန်ပြောပြတာက မြို့တော်ခန်းမအနီးက နီလာအလှပြင်ဆိုင်ထဲ ကျည်ဆံတွေ ဖြတ်သွားတာ ဒိုးယိုပေါက်ပဲ။ ကလေးတွေ ခေါင်မိုးပေါ်သိပ်မတတ်နဲ့ အန္တရာယ်ရှိတယ်ဆိုပေမဲ့ ကျွန်မတို့ကလေးတစ်စုကတော့ လူကြီးတွေ လစ်ရင်လစ်သလို တတ်ချောင်းမြဲ။
နောက်ပိုင်းကျတော့ ကျွန်မတို့လမ်းထိပ်မှာ လက်နက်ကိုင်စစ်သားလေးတွေ အစောင့်ချထားတာလည်းမှတ်မိတယ်။ လမ်းထဲက အစ်ကိုတွေက အဲဒိစစ်သားလေးတွေနဲ့ စကားသွားပြောကြတော့ သူတို့က ရန်ကုန်နဲ့ နီးနီးနားနား ဒေသတွေက မဟုတ်ပါဘူး။ တော်တော်ခပ်ဝေးဝေးနယ်တွေကပါ။ သူတို့ကို သူပုန်တွေနှိမ်နင်းဖို့ ခေါ်လာတယ်ဆိုပဲ။ ပြီးတော့ ပြောသေးတယ် သူပုန်မလေးတွေက ချောတယ် တဲ့။

နောက်ထပ်မှတ်မိတာကတော့ အရေးအခင်းနောက်ပိုင်းနေ့တွေမှာ လမ်းထဲမှာ တောထုတ်တယ်ဆိုလား။ ည ၈ နာရီထိုးရင် သံချောင်းခေါက်ကြတဲ့ ဓလေ့ပဲ။ လူကြီးတွေက သံချောင်းခေါက်ကြပေမဲ့ ကျွန်မတို့ကလေးတစ်သိုက်ကတော့ family မုန့်ဗုံးခွံတွေကို အပြိုင်လုရင်း သစ်သားပေတံတွေနဲ့ အပြိုင်အဆိုင် ခေါက်တော့တာပါပဲ။ ပြီးတော့ ညဘက်ကျတော့ ဘယ်သူတွေကပ်သွားမှန်းမသိတဲ့ နံရံကပ်စာတွေကို မနက်ကျရင်လိုက်လိုက် ဖတ်ရတာလည်း ပျော်စရာတစ်ခုပါ။ တစ်ချို့စာစောင်တွေမှာ ကားတွန်းပုံလေးတွေလည်း ပါတတ်သေး။ စာဖတ်တတ်ခါစ ကျွန်မအတွက် အချို့အဓိပာယ်တွေ အကုန်မသိပေမဲ့ အဲဒိလိုလိုက်ပေါင်းဖတ်နေရတာကို နှစ်သက်သဘောကျနေတာပါ။

ဒီလိုနဲ့ကျောင်းကြီးလည်းပြန်ဖွင့်။ လူကြီးတွေရဲ့ ပြောင်းလဲမှုတွေအပေါ် မကျေနပ်စကားတွေကို အကြိမ်ကြိမ်နားထောင်ပေမဲ့ ဆိုလိုချက်တွေကို နားလည်တလှည့် မလည်တလှည့်နဲ့ ကြီးပြင်း။ ဖျောက်ဖျက်ထားတဲ့ သမိုင်းခြေရာတွေနဲ့ ကျွန်မတစ်ယောက် အရွယ်ရောက်ခဲ့ပါတယ်။

ကျွန်မအတွက်တော့ မြန်မာပြည်မှာ နေတုန်းက မှုန်ဝါးခဲ့တဲ့ သမိုင်းပုံရိပ်တွေက အခုကျမှ ကြည်လင်လာခဲ့တာ။ ဘာကြောင့် ဘယ်လိုဖြစ်တာလဲဆိုတဲ့ မေးခွန်းတွေရဲ့ အဖြေကို အခု နိုင်ငံခြားရောက်မှ ရိပ်မိတာ။ အခုကျမှ ခံစားနားလည်နိုင်ခဲ့တာ ။

ကျောင်းသားအသင်းဟာ မတရားအသင်း ဖြစ်ရတာ။ ဘူမိနက်သန်လို့ ခေါ်ဆိုလောက်တဲ့ ကျောင်းသားသမဂ္ဂကြီး ဗုံးခွဲ ဖျက်ဆီးခံရတာ။

ပြည်သူပစ္စည်းကို မထောက်မညှာ သိမ်းပိုက်ခဲ့တာ ပြည်သူပိုင်သိမ်းခဲ့တာ။

အစိုးရကိုယ်တိုင် တရားဝင်ထုတ်ဝေထားတဲ့ ၂၅၊ ၃၅၊ ၇၅ ကျပ်တန်တွေကို အဲဒိအစိုးရကိုယ်တိုင် ပြန်လည် ရုပ်သိမ်းတဲ့သတင်းကို မြန်မာသမိုင်းမှာပဲ ကြားဖူးတာ။ ဆုံးရှုံးသွားတဲ့ ငွေတွေနဲ့ ပြည်သူမျက်ရည်တွေက ကျွန်မတို့ မြန်မာနိုင်ငံမှာပဲ ရှိခဲ့တာ။

1987 Oct မှာ UN က မြန်မာနိုင်ငံကို Least Development Country (LDC) အဖြစ်ကြေငြာလို့ အားရပျော်ရွှင်သွားတဲ့ ကျွန်မတို့ မြန်မာအစိုးရ။ ကိုယ်တိုင်းပြည် ဆင်းရဲတွင်းနက်တာကိုမကြည့်ဘဲ အစိုးရအကြွေးတွေ ဒေဝါလီ ခံလို့ရယုံနဲ့ ပျော်ရွှင်နေတဲ့လူတွေဟာ ဒါကိုအောင်ပွဲသတ်မှတ်ပြီး ခမ်းခမ်းနားနားပွဲလုပ်ဖို့ စဉ်းစားသတဲ့လား။ ဒါကို မကျေနပ်လို့ အုံ့ကြွတဲ့ ကျောင်းသားတွေဟာ သူပုန်တွေတဲ့လား။

မကျေမနပ်ချက်တွေ တပုံတပင်နဲ့ ကျောင်းသားတွေဟာ 1988 ကျောင်းသား ကိုဖုန်းမော်အရေးမှာ ထိန်းသိမ်းမရ ပေါက်ကွဲခဲ့ကြတာ။
အဲဒိအတွက် ဖြေရှင်းနည်းက နံပါတ်တုတ်တဲ့လား။ မိုးပေါ်မပစ် တည့်တည့်ပစ်တတ်တဲ့ တပ်မတော်ကျည် တွေတဲ့လား။

ပြည်သူတွေအတွက် ကျင့်သုံးတဲ့လမ်းစဉ်က “ ဖြုတ် ထုတ် သတ် ” တဲ့လား။

မေးခွန်းတွေ အဖြေတွေ စိတ်ထဲမှာ ရှုပ်ပွပေမဲ့ အမြဲတမ်းရှင်းလင်းကြည်လင်တဲ့စိတ်ကတော့ အရှေ့ အရှေ့က နောင်တော် ကျောင်းသား သူရဲကောင်းများကို အစဉ်လေးစားစွာ ဦးညွတ်လျှက်ပါ။

Fair Trading Vs Bank Charges

2008-10-18T13:48:00.000-07:00

Fair Trading ဆိုတဲ့ စကားလုံးလေးကို စတင်ကြားဖူးခဲ့တာ လွန်ခဲ့တဲ့ 4 နှစ်ဝန်းကျင်လောက်တုန်းက ထင်ရဲ့။ အသိတစ်ယောက်နဲ့အတူ ကော်ဖီသောက်ဖို့ ဆိုင်ရွေးတော့ ထုံးစံအတိုင်း ကျွန်မက Starbucks coffee ကို ရွေးချယ်မိတယ်။ ဒါပေမဲ့ ကျွန်မအသိ က ချက်ချင်းကန့်ကွက်ပါတယ်။ Starbucks coffee က Fair trade မဟုတ်လို့ မသောက်ချင်ပါဘူးဆိုလို့ တခြားဆိုင် တစ်ဆိုင် ပြောင်းသောက်ခဲ့ရပါတယ်။ အဲဒိအချိန်မှာ ကျွန်မအတွက် သိပ်အကျွမ်းတဝင် မရှိသေးတဲ့ fair trade ဆိုတဲ့ စကားလုံး နဲ့ အကြောင်းအရာကိုလည်း သူက ရှင်းပြခဲ့သေးတယ်။ ဆိုလိုတာက 25 ပြား လောက်သာ ကုန်ကျစရိတ်ရှိတဲ့ ကော်ဖီတစ်ခွက်ကို 2.50 လောက်နဲ့ ရောင်းတာ မဖြစ်သင့်တဲ့ ကိစ္စတစ်ခုပါတဲ့။ အဲဒိလို အမြတ်ကြီးစားတဲ့ စီးပွားရေးလုပ်ငန်းတွေကို ဆန့်ကျင်တဲ့ လှုပ်ရှားမှုတွေ၊ campaign တွေအကြောင်း ရှင်းပြရုံသာမက သူကိုယ်တိုင်ပါ လုံးဝအားမပေးတဲ့အကြောင်းလည်း ပြောပြခဲ့ဖူးတာ အမှတ်တရပါ။

အခုတလောတော့ Bank charges တွေဟာ fair trading မဟုတ်တဲ့အကြောင်း ဟိုနားဒီနား ကြားရယုံသာမက တီဗွီထဲမှာ သတင်းထဲမှာ တွေ့လာရပြန်ပါတယ်။ အဲဒိ ပိုက်ဆံတွေကို ပြန် claim လို့ရတယ်ဆိုတော့ မျက်လုံးတွေရော၊ နားတွေပါ ပို ပြူးကုန်တာပေါ့။ စိတ်ဝင်တစား လောဘတကြီးကို ရှာဖွေ လေ့လာမိတယ်ဆိုပါတော့တယ်ရှင်။

ဟုတ်ပါတယ်။ ဘဏ်အကောင့်တွေမှာ Agreed overdraft limit ဆိုတာရှိပါတယ်။ အဲဒိထက်ကျော်လွန်အောင် သုံးစွဲမိလို့ရှိရင် ဒဏ်ကြေးအဖြစ် 25-35 ပေါင်အကြား ဘဏ်အပေါ်မူတည်ပြီး သတ်မှတ်ထားတဲ့အတိုင်း ပေးရပါတယ်။ တကယ်တော့ အဲဒိနှုန်းထားတွေဟာ သိပ်ကိုများပြားတဲ့ အတိုးနှုန်းတွေနဲ့ တွက်ထားတာ ဖြစ်ပါတယ်။
2006 Barclays Bank Annual Report အရ သူတို့ရဲ့ အမြတ်ဟာ ကြောက်စရာ လန့်စရာပါ။ စကန့်တိုင်းဟာ ရွှေလို့ဆိုပါရစေတော့။ စကန့်နဲ့အမျှ မိနစ်နဲ့အမျှ အမြတ်အစွန်းတွေဟာ တရိပ်ရိပ် တက်နေပါတယ်။
£2,267 for every second of every day throughout the year, or £136,000 a minute လို့ ဆိုထားပါတယ်။
အဲဒိလို မြတ်နေတဲ့ကြားကတောင် ဘဏ်တွေဟာ unauthorized overdrafts အတွက် ဒဏ်ကြေးငွေကို The Current Bank of England' base rate ထက် လေးဆလောက် ပိုယူထားတယ်လို့ ဆိုပါတယ်။
ဒါဟာ ဘယ်လိုမှကို မတရားတဲ့ကိစ္စ၊ Fair Trading မဟုတ်တဲ့ အဖြစ်ပါလို့ ဆိုကြပါတယ်ရှင်။

What this minority experiences is a succession of hidden charges designed to make up for the fact that the majority receive their “free” banking. It comes in the form of extortionate unauthorised bank charges. For example, Barclays charges 27.5% for anyone who goes over their agreed overdraft limit. A fee of £30 is charged per account per day, up to a maximum of £90 within each monthly charging period.
On top of that, a “paid referral fee” of £30 is charged when Barclays actually pays out for an item that results in your account going overdrawn by more than £5 without an agreed limit, or by more than £5 above an agreed limit.
In addition, this fee is also charged if Barclays pays any further items that increase your unauthorised borrowing by £1 or more. It is easy to see how an inadvertent slip can cost a small fortune in charges.
Logically, this does not make sense. The cost of offering a banking service is fundamentally the same for every customer. Sure, there are additional costs, such as the cost of sending out a letter to someone who is overdrawn. But independent experts commissioned by the BBC have estimated that the “true” cost of doing so works out at no more than about £4.50, while the interest charged on that unauthorised overdraft is more than four times the current Bank of England base rate.
In other words, the way costs are incurred and profits made is skewed dramatically against those less able to pay them. That cannot be right.

အဲထိတော့ (လွန်ခဲ့တဲ့ ခြောက်နှစ်အထိ် ) ကိုယ့်ရဲ့ နစ်နာကြေးတွေအတွက် ဘဏ်တွေမှာ ပြန်တောင်းဆိုနိုင်ပါတယ်။ စာရေးတောင်းဆိုလို့မှ အဆင်မပြေရင် OFT ( The Office of Fair Trading ) ရဲ့ အကူအညီ နဲ့ တရားရင်ဆိုင်နိုင်ပါသေးတယ် လို့ ဆိုထားပါတယ်။
Consumers can claim back up to six years of charges.Involved alongside HSBC, RBS and Barclays in the test case are HBOS, Lloyds TSB, Abbey, Clydesdale and building society Nationwide. Together they provide about 90 percent of UK personal current accounts.

စာရေးတောင်းဆိုနိုင်ဖို့အတွက်လည်း အသင့်သုံးလို့ရအောင် ပုံစံနမူနာပါ တခါတည်း ထည့်ပေး ထားပါတယ်။ လိုအပ်သူများ အသုံးပြုနိုင်အောင် ကျွန်မလည်း အောက်မှာ တစ်ခါတည်း attached လုပ်ပေးထားပါတယ်။

http://primeupload.com/file/128204/bank-charges-claim-form.doc.html

အားလုံးပဲ အဆင်ပြေ နိုင်ကြပါစေ။

အသံမဲ့ စကားသံ

2008-10-18T13:45:00.000-07:00

ငါဟာ စကားတွေ ပြောချင်နေတာပါ
တောက်ပတဲ့ နေရောင်ခြည် နဲ့ ခမ်းနားတဲ့ ရနံ့တွေအကြောင်း
လှပတဲ့ ရောင်စဉ်တွေဖြစ်ဖို့ လှမ်းလျှောက်မဲ့ ခြေလှမ်းတွေအကြောင်း
သာယာတဲ့နေ့သစ်တွေနဲ့ ပုံဖော်တဲ့အနာဂတ်အကြောင်း

ဒါပေမဲ့ ...ငါကြားနေရတာက
လှည့်ဖျားသံ ခပ်ပြင်းပြင်း
မလိုမုန်းပွားသံ ခပ်ညံ့ညံ့

အတ္တသံ တချွင်ချွင်
လောင်မြိုက်သံ တဖြောက်ဖြောက်
ဟောဟိုမှာ မရပ်မနားပြောနေတဲ့ ပါးစပ်ပေါက်

( အား ..တော်ကြပါတော့..)
စိတ်ထဲမှာ.. နှုတ်ခမ်းဖျားမှာ
မပီမသ အကြိမ်ကြိမ် ရေရွတ်

ကြာလာတော့ ငါ့ စကားသံတွေလည်း

အသံမဲ့..............

လွတ်လပ်ရေး ကြိုးပမ်းမှု မှတ်တမ်း

2008-10-18T13:43:00.000-07:00

မန်မာနိုင်ငံရဲ့ လွတ်လပ်ရေး ကြိုးပမ်းမှုသမိုင်းကို ပိုမိုလေ့လာမိလေ....အာဇာနည်ခေါင်းဆောင်ကြီးများရဲ့ ကျဆုံးမှုအတွက် မြန်မာနိုင်ငံ၏ ဆုံးရှုံးနစ်နာမှုတန်ဖိုး ဘယ်လောက်ကြီးမားကြောင်း ပိုမို သဘောပေါက်နားလည်ရပါတယ်။

ဒီစာအုပ်မှာ အပိုင်းနှစ်ပိုင်း ခွဲပြီး တင်ပြထားပါတယ်။ ပထမပိုင်းကတော့ အောင်ဆန်း-အတ်တလီ စာချုပ်ဖြစ်မြောက်ရေးအတွက် ကြိုးပမ်းမှုတွေပါ။ အင်္ဂလန် ခရီးစဉ် နှင့် အကြောင်းအရာတွေကို ဗိုလ်ချုပ်ရဲ့ ကိုယ်ရေးအရာရှိ တက္ကသိုလ်နေဝင်းက သေသေချာချာလေး မှတ်တမ်းတင်ထားပါတယ်။

ဒုတိယပိုင်းရဲ့ မိတ်ဆက်ကိုတော့ ဒီလိုလေး ဆိုထားပါတယ်။

ဖက်ဆစ်တော်လှန်ရေး၏ စစ်ခေါင်းဆောင်ဖြစ်ခဲ့သူ ဗိုလ်ချုပ်အောင်ဆန်းသည် စစ်အတွင်းနှင့် စစ်ပြီးစခေတ်၌ မဟာမိတ်များ ( အင်္ဂလိပ်-အမေရိကန်များ ) အပြင် နိုင်ငံတကာ သတင်းစာဆရာများ၏ အထင်လွဲခြင်း ခံခဲ့ရသည်။

အောင်ဆန်းနှင့် သူ၏တပ်မတော်သည် ပထမတွင် ဂျပန်နှင့် ပူးပေါင်းခဲ့ပြီး 1943 ခုနှစ်နောက်ပိုင်း မဟာမိတ်တို့ဘက်မှ စစ်ရေးသာလာတော့မှ ဗြိတိသျှ(မဟာမိတ်) တို့ဘက် ကူးပြောင်းလာခဲ့သူ “သာယာစီးသမား (ဝါ) ရေသာခိုအချောင်သမားဆန်သည် ” ဟု ဝေဖန်ခြင်းခံရသည်။

ဤသို့အထင်လွဲ ဝေဖန်ခံရခြင်းကို ဗိုလ်ချုပ်အောင်ဆန်း ချေပခဲ့ပုံကတော့ 1945ခုနှစ် သြဂုတ်လ 29 ရက်နေ့က ရန်ကုန်မြို့တော်ခန်းမ၌ ကျင်းပသော “ အရှေ့ နှင့် အနောက် အသင်း” စည်းဝေးပွဲတွင် မဟာမိတ်စစ်ဘက်၊ နယ်ဘက်အရာရှိများ နိုင်ငံခြားသတင်းထောက်များ အတွက် အထူးရည်ရွယ်လျက် The Resistance Movement အမည်ရှိ အင်္ဂလိပ်ဘာသာ စာတမ်းတစောင်ကို ဖတ်ကြားတင်သွင်းခဲ့ပါသည်။

ဖက်ဆစ်တော်လှန်ရေးကို သုံးသပ်ရာတွင် ဗိုလ်ချုပ်သည် 1885ခု သီပေါမင်းပါတော်မူချိန်မှ ဇာတ်လမ်းအစချီကာ တင်ပြသွားပုံမှာ အလွန်ပြည့်စုံလှပါသည်။ ရိုးသားပွင့်လင်းသူပီပီ ဖက်ဆစ်ဂျပန်နှင့် ပူးပေါင်းခဲ့သည့်ကိစ္စတွင် သူကိုယ်သူ မထောက်မညှာ ဝေဖန်သွားပုံကလည်း နိုင်ငံရေးအနှစ်သာရနှင့် ပြည့်စုံလှပါသည်...... ဟုဆိုကာ ဖက်ဆစ်တော်လှန်ရေးသမိုင်း ကို တင်ပြသွားပါသည်။

နိုင်ငံတစ်နိုင်ငံက အခြားတစ်နိုင်ငံအား သိမ်းပိုက်အုပ်စိုးခြင်းသည် မည်သည့်နည်းနှင့်မှ တရားနည်းလမ်း မကျနိုင်

( အေဘရာဟင် လင်ကွန်း )

ကျွန်ုပ်တို့သည် ဖက်ဆစ်ဝါဒကို လိုလားနှစ်သက်မှု လုံးဝမပါဘဲ ကျွန်ုပ်တို့၏အရင်းရှင်ပေါက်စ လူတန်းစားအတွေးအခေါ်၏ မှားယွင်းမှု၊ ကြောက်ရွံ့ တုန်လှုပ်မှု များကြောင့်သာလျှင် ဂျပန်တို့ကို မြန်မာနိုင်ငံသို့ ဖိတ်ခေါ်မိခဲ့ကြခြင်း ဖြစ်သည်။

ကျွန်ုပ်တို့သည် ခရီးလမ်း၏အစတွင် မှားချင်မှားခဲ့ပေမည်။ အတိတ်ကာလအတွင်းက ကျွန်ုပ်တို့သည် မှားယွင်းမှုများကို ပြုမူခဲ့ချင်လည်း ပြုမူခဲ့ကြပေလိမ့်မည်။ သို့သော်လည်း ဘယ်အချိန် ဘယ်အခါကမှ မျိုးချစ်စိတ်ဓာတ်၏ ခရီးလမ်းကြောင်းမှ ရှောင်ဖယ်သွေဖြည်၍ မသွားခဲ့ကြောင်းကိုတော့ ကျွန်ုပ်က ရဲဝံ့စွာ ပြောလိုပါသည်။ ဂျပန်တို့နှင့် ပူးပေါင်းနေခဲ့စဉ်ကလည်း ကျွန်ုပ်တို့သည် မဖွယ်မရာ ရှက်စရာကောင်းသော မျိုးချစ်စိတ်ဓာတ်နှင့် ဆန့်ကျင်သော အလုပ်ဟူသမျှ ဘာမှမလုပ်ခဲ့ကြောင်းကိုပါ ပြောပြလိုပါသည်။

(ဗိုလ်ချုပ်အောင်ဆန်း)

ကြယ်ကြွေတို့ရဲ့ အတောင်ပံ

2008-10-18T13:42:00.000-07:00

...မင်းရဲ့ကလေးတွေဟာ မင်းရဲ့ကလေးတွေမဟုတ်ဘူး

သူတို့ဟာ ဘဝရဲ့ကိုယ်တိုင်မွတ်သိပ်မှုရဲ့ သားသမီးတွေပဲဖြစ်တယ်

မင်းခန္ဒာကိုယ်ထဲကဖြတ်ပြီး သူတို့လူလောကထဲကို ရောက်လာကြတယ်။ ဒါပေမဲ့ အဲဒါ မင်းဆီကနေ ရောက်လာတာမဟုတ်ဘူး

မင်းသူတို့နဲ့ အတူရှိနေပေမဲ့ သူတို့ကို မင်းမပိုင်ဘူး

သင်က သူတို့ကို ချစ်ခြင်းမေတ္တာပေးအပ်နိုင်လိမ့်မယ်။ ဒါပေမဲ့ သင့်အတွေးတွေကို မပေးနိုင်ဘူး။ သူတို့မှာ ကိုယ်ပိုင်အတွေးတွေ ရှိနေလို့

သင်သူတို့၏အိမ်တွေကို ဆောက်ပေးနိုင်လိမ့်မယ်။ သို့သော် သူတို့၏ နာမ်ဝိဥာဉ် တွေကို ဆောက်မပေးနိုင်

မေမေ

လောကကြီးမှာ ကြွေသွားပြီးတဲ့ပန်းတွေ အများကြီး

အဲဒိထဲမှာ ပန်းပြန်ပွင့်တဲ့ပန်း မရှိဘူးထင်လို့လား

တချို့ပန်းတွေက တစ်စစီ ဖဲ့ကျွေခံလိုက်ရပေမဲ့ ပန်းပြန်ပွင့်နိုင်တဲ့ သတ္တိတွေရှိတယ်

ချစ်သော ဝေလွင်

ခါလိဂျီဘရန်က ပြောခဲ့ဖူးတယ်။ နာကျင်မှုတော်တော်များများဟာ တို့တွေကိုယ်တိုင် ရွေးချယ်ယူခဲ့တာဖြစ်တယ် တဲ့။

တို့လူသားတွေရဲ့ စိတ်ဝိဥာဉ်ဆိုတာက မကြာခဏဆိုသလို စစ်တလင်းတစ်ခုဖြစ်နေတတ်တယ်။ ကိုယ်တို့ရဲ့ အလိုရမက်တွေ၊ မွတ်သိပ်မှုတွေကို ဆင်ခြင်တုံတရားတွေ စီရင်ချက်တွေနဲ့ ခုခံတိုက်ခိုက်နေရတဲ့ စစ်မြေပြင်ပေါ့။

ဆင်ခြင်တုံတရားနဲ့ အလိုရမက်ဟာ စိတ်ဝိဥာဉ်ပင်လယ်ပြင်ခရီးမှာ တတ်မနဲ့ ရွက်ပမာ တူတယ်။

တတ်နဲ့ရွက် တစ်ခုခုပျက်ရင် ကိုယ်တို့လွင့်စင်မျောပါသွားမှာပဲ။

ဆင်ခြင်တုံတရားတစ်ခုတည်းနဲ့ဆိုရင် ဒါဟာအတင်းအဓမ္မ အကျဉ်းကျခံနေရသလိုပဲ။ အလိုရမ္မက်နဲ့ချည်းဆိုရင်လဲ ကိုယ့်ကိုယ်ကို ဖျက်ဆီးပစ်မယ့် မီးတောက်မီးလျှံပဲ။ ဒီနှစ်ခုကို ဟန်ချက်ညီအောင် ထိန်းတတ်ဖို့ ကြိုးစားကြရမှာပါပဲ။

ဝေလွင်မရှိတော့တဲ့ ကိုယ်ရဲ့ကမ္ဘာဟာ ငရဲတစ်ခုပါပဲ။ အဲဒိ ငရဲကို ကိုယ်တိုင် ဖန်းဆင်းယူခဲ့တာပါ။

မေတ္တာဖြင့်

မင်းဥာဏ်

ဟိုသတင်း ဒီသတင်း

2008-10-18T13:41:00.001-07:00

အခုတလော နေရထိုင်ရတာ သိပ်အဆင်မပြေလှပါဘူး။ နွေရာသီလို့ သတ်မှတ်ထားတဲ့အချိန်ကာလမှာ ရွာလိုက်တဲ့မိုးတွေက မရပ်မနားပါပဲ။ နေထိုင်ဖူးတဲ့ ခုနှစ် နှစ်တာကာလအတွင်း သိထားတဲ့အင်္ဂလန်မိုးက ဒီလိုမဟုတ်ပါဘူး။ ငိုကြောမရှည်တတ်တဲ့ကလေးတစ်ယောက်လို ပြီးပြီးပျောက်ပျောက်ပါ။ ဘယ်လောက်တောင် ရွာလွယ် တိတ်လွယ်လိုက်သလဲဆိုရင် ကျွန်မမှာ ထီးတစ်လက်မှ မပိုင်ဆိုင်တာသာကြည့်လို့ ဆိုရမလိုဖြစ်နေပါပြီ။ ပုံမှန်အင်္ဂလန်မိုး ဆိုရင် မိုးခဏခိုလိုက်ရုံ၊ rain coatတစ်ထည်ပိုင်ဆိုင်ရုံနဲ့ အဆင်ပြေပါတယ်။ ဒါပေမဲ့ အခုတလော ရွာတဲ့မိုးကတော့ နေ့မတိတ်၊ ညမတိတ် ဗြစ်တောက် ဗြစ်တောက်နဲ့ မြင်းပြင်းကတ်စရာကောင်းလှပါတယ်။ ရွာလိုက်ရင်လည်း သဲကြီးမဲကြီး အငြိုးတကြီးနဲ့ကို ရွာတော့တာပဲ။ အဲသလောက် ရွာပြီးသကာလ တစ်ချို့နယ်တွေမှာ ရေတွေကြီးကုန်ပါတော့တယ်။ ရေကြီးတာကို တစ်ပတ်နီးပါးဖြစ်နေပြီ။ ခုထိ မကျသေးပါဘူး။

မိုးတွေရွာလို့ မကြည်သာဖြစ်နေတဲ့ အင်္ဂလန်တစ်ပြည်လုံးအတွက် နောက်ဆက်တွဲ လက်ဆောင်ကတော့ ဗုံးပေါက်တဲ့သတင်းပါ။ အသိတစ်ယောက်ကို Heathrow မှာသွားကြိုတဲ့ 22 June ထဲက suspect ဆိုပြီးဖြစ်နေတာပါ။ စစ်လိုက် ဆေးလိုက်တာလည်း မပြီးနိုင် မဆီးနိုင်။ အဆုံးမှာတော့ လန်ဒန်မှာ အခြေအနေမကောင်းလို့ Glasgow မှာ June 30 က သွားပေါက်တဲ့ ဗုံးသတင်းပါ။ လေယာဉ်ချိန်တွေလည်း နောက်ကျ။ ခရီးသွားပြည်သူတွေလည်း ကြန့်ကြာ။ suspect ဆိုပြီး ဖမ်းလိုက်တဲ့လူလည်း မနည်းပေါ့။ တော်တော်များများကပညာတတ်တွေဖြစ်ပြီး ဆရာဝန်တွေလည်းပါဝင်နေပါတယ်။

အဲထိလိုသတင်းတွေရဲ့နောက်မှာ အဆင်မပြေတာကတော့ အများပြည်သူပါ။ နေရာတိုင်းမှာ သူမျက်နှာဆိုသလို နေရာအနှံ့ ရဲတွေချည်းပါပဲ။ စစ်ဆေးမှုတွေ၊ ရှာဖွေမှုတွေကလည်း မရပ်မနားပါ။ ထုံးစံအတိုင်း ရှာတာတခြား တွေ့တာတခြား ဆိုတဲ့ ပြသနာတွေလည်း မနည်းမနော။ အထူးအနှောက်အယှက် အဖြစ်ဆုံးကတော့ ကားမောင်းသူတွေပါပဲ။
ကားတွေရဲ့လိုင်စင်၊ အာမခံ၊ အခွန် ၊ ကားကြံ့ခိုင်မှု ရှိမရှိ ..အား.. စစ်လိုက်ဆေးလိုက်တာမပြောပါနဲ့တော့။ အဲဒါတွေ အကုန်ပြည့်စုံရင်တောင် မကျေနပ်ရင် မကျေနပ်သလို ကားတားပြီး စစ်တတ်ပါသေးတယ်။

လွတ်တော်မှာလည်း ပွဲက ကြည့်ကောင်းလှပါတယ်။ ဝန်ကြီးချုပ် အသစ်စက်စက် Gordon Brown လည်း ပြသာနာပေါင်းစုံနဲ့ ဝိုင်းဝန်းမိတ်ဆက်ခံနေရတဲ့အချိန်ပေါ့။ အပြောကောင်းလှပါတယ်ဆိုတဲ့ Tony Blair နဲ့ပဲ ယှဉ်တွဲကြည့်မိနေလို့လားမသိ။ Brown ရဲ့ စကားပြောပုံက တဆိတ် ပျင်းစရာကောင်းနေသလိုပါပဲ။ အသက် လေးဆယ့်နှစ်နှစ်သာရှိတဲ့ အတိုက်အခံပါတီ Conservative ရဲ့ ခေါင်းဆောင် David Cameron ကလည်း စကားပြောအတော်ကောင်း။ နိုင်ငံခြားသားအများစုက Conservative ကိုသိပ်မကြိုက်ကြဘူးဆိုပေမဲ့ David လိုခေါင်းဆောင်တစ်ယောက်ကတော့ သဘောကျစရာကောင်းသား။ တိုင်းပြည်အတွက် တကယ်အလုပ်လုပ်ပေးနိုင်တဲ့ပုံပါ။ ဘယ်လိုလဲဆိုဆို သူတို့တွေ လွှတ်တော်ထဲမှာ စကားစစ်ထိုးနေတာတွေ ကြည့်ရတာ တကယ်ကို နှစ်ခြိုက်စရာပါ။

အင်္ဂလန်ရဲ့ သတင်းပလင်း အစီအစဉ် ဒီတွင် ပြီးဆုံးပါပြီ။

စနစ်တကျ လေ့ကျင့်တည်ဆောက်ထားသော စိတ်၏အစွမ်းသတ္တိများ

2008-10-18T13:38:00.000-07:00

စိတ်သည် အကြီးမားဆုံး စွမ်းအားရှင်ဖြစ်သည်။ လူ့အလိုဆန္ဒအားလုံးကို ဖြည့်ဆည်းဖြေရှင်းပေးသောအရာသည် လူ၏အတွေ့အကြုံနှင့် စိတ်ဓာတ်ပင်ဖြစ်သည်။ သို့သော်ပရမ်းပတာအတွေး၊ ဖရိုဖရဲစိတ်ဓာတ်တို့ဖြင့်ကား ရလာဒ်ရေရာလိမ့်မည်မဟုတ်။ ကြီးမားသော အလိုဆန္ဒ နှင့် ရည်မှန်းချက်များ ထမြောက်အောင်မြင်လိုလျှင် စိတ်ဓာတ် နှင့် အတွေးအကြံများကို ဦးစွာလေ့ကျင့် ပြင်ဆင်ထားရလိမ့်မည် ........လို့ စာအုပ်ဖုံးမှာ ဆိုထားတဲ့ ဆရာဖေမြင့် ရဲ့ဒီစာအုပ်လေးက တော်တော်ဖတ်လို့ကောင်းပါတယ်။

ဒီအထဲကမှ ကျွန်မ ကြိုက်နှစ်သက်တဲ့ ကောင်းနိုးရာရာလေးတွေကို ရွေးချယ်ဖော်ပြထားပါတယ်။ အားလုံး အောင်မြင် ပြည့်စုံသော ဘဝတွေကို တည်ဆောက်နိုင်ကြပါစေ။

မိမိအား တစ်စုံတစ်ယောက်က ထိခိုက်စော်ကား(ပြောဆိုပြုမူ)သည်ဟူသော အနေအထားမျိုးတွင် မည်သို့တုံ့ပြန်သင့်ကြောင်း ရပ်ဆယ်လီယွန်စ် အမည်ရှိပုဂ္ဂိုလ်က ပြောကြားခဲ့ပါသည်။ ၎င်းက “ ထိခိုက်စော်ကားမူတစ်ခုကို အလိမ္မာဆုံး ခံယူနိုင်သည့် တစ်ခုတည်းသောနည်းကား လျစ်လျူရှုခြင်းနည်း ဖြစ်သည်။ အကယ်၍ လျစ်လျူမရှုနိုင်ပါက သည့်ထက်ကျောပြီး ပြောပစ်လိုက်ပါ။ သည်လိုမလုပ်နိုင်က ရယ်မောပစ်လိုက်ပါ။ အကယ်၍ သင်မရယ်နိုင် ဆိုပါက ယင်းသည် သင်ခံသင့်ခံထိုက်သောအရာ ဖြစ်ချင်ဖြစ်နေနိုင်ပါသည် ” ဟူ၍ဆိုပါသည်။

စိတ်ပညာရှင် တွေးခေါ်ရှင်ကြီး ဝီးလျံဂျိမ်းစ် ကမူ “ အရာရာကို ဝေခွဲမရ ဆုံးဖြတ်ချက်မကျ ဖြစ်နေတတ်သည့် အကျင့်ကြီးကလွဲ၍ တခြားဘာအလေ့အကျင့်မှ မရှိသောသူတစ်ဦးထက် ပို၍စိတ်မချမ်းမသာ ဖြစ်ရသူကား ရှိလိမ့်မည်မဟုတ် ” ဟူ၍ ပြောကြားခဲ့ပါသည်။

အသိပညာဟူသည် သူဆင်းရဲအတွက် ဓနဥစ္စာဖြစ်၍ လူချမ်းသာအတွက် ကျက်သရေမင်္ဂလာဖြစ်သည်။ ထို့ပြင် ငယ်ရွယ်သူတို့အတွက် လိုအပ်ချက်ကြီးဖြစ်၍ ကြီးရင့်အိုမင်းသူတို့၌ စိတ်နှလုံး ချမ်းမြေ့စရာ အထောက်အပံ့ ပြုသောအရာ ဖြစ်သည်။

ငါ့အား တစ်ပြိုင်တည်း နှိပ်စက်နေသော အရာနှစ်ခုရှိသည်။ ယင်းကား နားမထောင်သည့်ရောဂါ နှင့် အမှတ်သညာမပြုခြင်း ဝေဒနာတို့ဖြစ်သည်။

ရှိတ်စပီးယား

မကောင်းသူတစ်ယောက်အတွက်နှင့်တော့ သင့်စိတ်ကောင်းစေတနာကောင်းများ ပျက်မသွားပါနှင့်။ စိတ်ကောင်း စေတနာကောင်းဟူသည် ချက်ချင်းလက်ငင်း အကျိုးမပေးလျှင်လည်း တစ်နေ့နေ့တစ်ချိန်ချိန် တစ်နေရာရာတွင် ပြန်၍အကျိုးပေးမည်သာ။ အကျိုးကျေးဇူးတုံ့ပြန်မှုသည် သင်စေတနာထားဖူးသူများထံမှ ဖြစ်ချင်ဖြစ်မည်။ သို့မဟုတ် အခြားသူများထံမှ ဖြစ်ချင်ဖြစ်မည်။ မည်သို့ပင်ဖြစ်စေ ခြုံငုံစုပေါင်းလိုက်လျှင်ကား သင့်စေတနာသည် တူညီသောအကျိုးပေးမှုကို ခံရမည်သာဖြစ်ပါသည်။

စိုးရိမ်ကြောင့်ကြစိတ်တို့ကို အင်အားအဖြစ်ပြောင်းလဲပစ်နိုင်သူများမှာ လောက၌ အောင်မြင်သူများ ဖြစ်လာတတ်ကြသည်။

ရှုံးနိမ့်မှုဟူသည် အောင်မြင်မှုပန်းတိုင်သို့ ချီတတ်ရာ ခရီးလမ်း၌ ကြုံတွေ့ရတတ်သည့် လမ်းကွေ့ကလေးများဖြစ်သည်။

ဤကမ္ဘာရှိကောင်းသော လုပ်ရပ်အများစုတို့သည် ခပ်ညံ့ညံ့လူများ၏ အစွမ်းကုန် အားထုတ်ကြိုးပမ်းမှုဖြင့် ဖြစ်မြောက်ခဲ့ခြင်းဖြစ်သည်။

အချစ်ဖြင့် လောင်ကျွမ်းတောက်ပကြသူများ

2008-10-18T13:36:00.001-07:00

ဆရာ ချစ်ဦးညိုရဲ့စာတွေကို လင်္ကာဒီပချစ်သူ ဖတ်ဖူးပြီးထဲက လေးစားနှစ်သက် သဘောကျခဲ့တာပါ။ ကျွန်တော် သမိုင်းဆရာမဟုတ်ပါဘူး။ ဝတ္ထုရေးသူ ပါဆိုပြီး ခံစားတင်ပြသွားတဲ့ ဆရာပါ။ ဒီစာအုပ်ကတော့ နာမည်လေးနဲ့တင် နှစ်ခြိုက်သဘောကျသွားတယ်။ ဝတ္ထုတစ်ပုဒ်လို့ ထင်လိုက်ပေမဲ့ အချစ်ကြီးကြသူခြောက်ယောက်အကြောင်း ( ဆရာအဆိုအားဖြင့် အချစ်ဖြင့်လောင်ကျွမ်းတောက်ပသူတွေအကြောင်း ) ကို စုစည်းတင်ပြထားတာပါ။ ဘယ်လိုပဲဖြစ်ဖြစ် ဆရာရဲ့ တင်ပြပုံ စိတ်ကူးလေးတွေက အင်မတန်နှစ်သက်စရာကောင်းပါတယ်။

ပြီးတော့ အချစ်ဆိုတာကိုလည်း ဒီလိုအနက်ဖွင့်ပြသေးတယ်။ မေတ္တာကို ချစ်ခြင်းဟု အနက်ပြသကဲ့သို့ ပေမဟူသော ပါဌ် ကိုလည်း ချစ်ခြင်းဟုပင် အနက်ပေးကြသည်။ ပေမအရ ချစ်ခြင်းကို သုံးမျိုး ပိုင်းခြားသည်။

တဏှာပေမ သည် ယောက်ျားနှင့် မိန်းမအချင်းချင်း တဏှာလောဘ၏အစွမ်းဖြင့် ချစ်ခြင်းဖြစ်သည်။ အလင်္ကာကျမ်းက ဒါကို သိင်္ဂါရဟု ခေါ်သည်။

ဂေဟသိတပေမ သည် မိဘနှင့် သားသမီး၊ ညီအစ်ကို၊ မောင်နှင့် နှမ စသည်တို့အကြား အချင်းချင်းခင်တွယ်မှုဖြစ်သည်။

မေတ္တာပေမ အလင်္ကာကျမ်းအရ ဂစ္ဆလမေတ္တာပေမ ကား အခြားတစ်ပါးသူ၏ အကျိုးစီးပွား ဖြစ်ထွန်းမှုကို လိုလားခြင်း၊ မခွာမခွဲ အမြဲအတူနေလိုခြင်းသဘောမရှိဘဲ ဝေးကွာ နေရစေကာမူ ထိုဝေးကွာနေသူမှာ စီးပွားချမ်းသာဖြစ်သည်ဟုသိရလျှင် ကျေနပ်သည်။ အတူမနေရခြင်းအတွက် ခက်ခဲဝန်လေးခြင်းမရှိ။ စင်ကြယ်မွန်မြတ်သော သဘောဖြစ် ဗြဟ္မဝိဟာရ အမည်ကို ရသည်။

အဲသည့်နောက် လောင်ကျွမ်းတောက်ပသူ တစ် အနေဖြင့် နော်မန်သူကောင်းမျိုး တစ်ယောက်ဖြစ်တဲ့ ဆာဘရိုင်ယန် ဒီဘိုးဂီးလ်ဘတ် အကြောင်းဖြင့် စတင်ပါတယ်။ ဂျူးအနွယ်တို့သည် ခရစ်ယာန်သာသနာ၏ ဆူးငြှောက်ခလုပ် ဟုနားလည် ထားလျက်ကမှ ဂျူးမလေး ရေဘက်ခါကိုမှ ချစ်မိသည့်အဖြစ်။ အချစ်အတွက် ကြေကွဲသေပွဲ ဝင်ရသည့်အကြောင်းကို ဆရာက လှလှပပ ဖော်ကျူးတင်ပြထားတာပါ။

လောင်ကျွမ်းတောက်ပသူ နှစ် ကတော့ စူဠသုဘဒ္ဒါမိဖုရား။ ဖန်တရာတေနေပေမဲ့ ဘယ်တော့မှမရိုးတဲ့အဖြစ်။

ပန်းခိုင်လု၍ ကယုကယင် ချစ်တုံ့တင်လျက် ကျင်ကျင်လည်း ပျော်ဖူးခဲ့သည်များကို ကြံသည်စေ့စေ့ တစိမ့််စိမ့် အောက်မေ့၍ တငွေ့ငွေ့ဆင်ခြင် ပူစကိုငင်မိလျှင်.......ဆိုပြီး ကြေကြေကွဲကွဲ အဆုံးသတ်ထားပါတယ်။

လောင်ကျွမ်းတောက်ပသူ သုံး ကတော့ ဂေါ်ကီရဲ့ သစ္စာဖောက်တစ်ဦး၏အမေ ပါ။ ကိုယ်ကြီးပြင်းနေထိုင်ခဲ့တဲ့မြို့ကို အငြိုးတကြီးတိုက်ခိုက်ချေမှုန်းချင်နေတဲ့သားတစ်ယောက်ကို ဆုံးမသုတ်သင်လိုက်တဲ့အမေတစ်ယောက်အကြောင်းပါ။ အဆုံးသတ်လေးက “ မိမိကိုယ်မိမိချစ်သော၊ သားကိုချစ်သော၊ အမျိုးကိုချစ်သော ကိုယ်မြေကိုယ်ရေ ကိုယ်လေကို ချစ်သောအမေ့အချစ်၊ အမေမေတ္တာ ထိုချစ်ခြင်းမေတ္တာတို့၏ လောင်ကျွမ်းမှုဖြင့် သစ္စာဖောက်၏မိခင်သည် အလင်းထိန်ဆုံး တောက်ပနေတော့သည် ” တဲ့။

လောင်ကျွမ်းတောက်ပသူ လေး ကတော့ ရှယ်လီ၏ ပရုိမီးသီးယပ် ပါ။လူသားတွေအတွက် မီးကိုသယ်ဆောင်လာပေးတဲ့ ပရိုမီးသီးယပ်၏ မေတ္တာအင်အားကလည်း ကြီးမားလှပါသည်။ “ ဝိဇ္ဖာအလင်းကို ချစ်ခြင်း၊ လူသားတို့ကို ချစ်ခြင်း၊ ကမ္ဘာလောကကိုချစ်ခြင်းတကာတို့၏ အထွက်အထိပ်ဖြစ်သော မဟာမေတ္တာဝါဒီ ပရိုမီးသီးယပ်နတ်သားသည် အချစ်ကဗျာဆရာ ရှယ်လီထွန်းညှိကူးဖြန့်ပေးလိုက်သော အချစ်တို့ဖြင့် လောင်ကျွမ်းတောက်ပနေတော့မည်သာ” လို့ ဆရာက အဆုံးသတ်ထားပါတယ်။

လောင်ကျွမ်းတောက်ပသူ ငါး ကတော့ နရသီဟပတေ့ ရယ်ပါ။ ထီးနန်းစည်းစိမ်ကို အလိုက်သင့်ပိုင်စိုးခဲ့ပြီးနောက် စည်းစိမ်ယစ်မူးကာ အပျော်အပါးမက်မောစွာ အမျက်စောင်မာန်ကြီးစွာ ရာဂကာမဂုဏ်ထူပြောစွာ အသိဥာဏ်ကင်းပစွာ ရှင်သန်ခဲ့သော နရသီဟပတေ့သည် အဝိဇ္ဖာပိတ်ဖုံးသောအချစ်ဖြင့် လောင်ကျွမ်းတောက်ပနေတဲ့အကြောင်းကို ဖွဲ့နွဲ့ပြထားတာပါ။

လောင်ကျွမ်းတောက်ပသူ ခြောက် ကတော့ သူရဲကောင်း ရာဇာဓိရာဇ် ပါ။ သူဘဝတစ်လျှောက်က စစ်ပွဲ၊ ချစ်ခြင်းမေတ္တာနှင့် ငြိမ်းချမ်းရေးတွေအကြောင်းကို အဝါရောင်မီးတောက်၊ အနီရောင်မီးတောက်၊ အဖြူရောင်မီးတောက်ဆိုပြီး ခွဲခြားတင်ပြသွားပါတယ်။

အားလုံးပဲ ချစ်ခြင်းအားဖြင့် ငြိမ်းချမ်းနိုင်ကြပါစေ။

တက်ကျမ်းဆိုသော စာအုပ်များနှင့်

2008-10-18T13:34:00.000-07:00

အခုတလော ကျွန်မ တတ်ကျမ်းလို့ ဆိုရမဲ့ စာအုပ်တွေ တော်တော်များများ ဖတ်ဖြစ်နေတယ်။ ပုံမှန်အားဖြင့် ကျွန်မနဲ့ အဲလိုစာအုပ်တွေ သိပ်ရင်းနှီးလေ့မရှိပါဘူး။ ကျွန်မက ခံစားချက်ကို ဦးစားပေးတတ်သူ၊ အကြောင်းအရာကို အသားပေးတတ်သူပါ။ ဒါပေမဲ့ ကျွန်မနဲ့ သိပ်ခင်တဲ့ အသိအစ်ကို တစ်ယောက်ကတော့ အဲလိုစာအုပ်တွေကိုမှ အလေးပေးဖတ်တတ်သူရယ်ပါ။ ဘယ်လောက်တောင် ဖတ်ထားသလဲတော့ မသိဘူး။ သူစာအုပ်တွေအကုန်လုံး မှင်နီမှင်ပြာ မျိုးစုံ၊ Highlight တွေ အရောင်စုံနဲ့။ ပြောပုံကလည်း သိပ်ရှင်းပါတယ်။ ပြန်ဖတ်စရာ မလိုတော့အောင် ဖတ်ပြီးပြီဆိုပဲ။ အ်ိမ်အပြောင်းအရွှေ့နဲ့ နေရာအခက်အခဲကြောင့် လိုချင်ရင် စာအုပ်တွေ အကုန်ယူသွားလို့ ရတယ်လို့ပြောပါတယ်။

ဘယ်လိုစာပေမျိုးပဲဖြစ်ဖြစ် စာဖတ်ရရင်ပျော်နေတတ်တဲ့ကျွန်မကတော့ ဝမ်းသာအားရနဲ့ကို စာအုပ်တွေ အကုန်လုံးသယ်လာပါတော့တယ်။ ဖတ်နေကျ မဟုတ်ပေမဲ့ ဖတ်ကြည့်တော့လည်း ကောင်းသား။ တစ်ချို့အကြောင်းအရာတွေက လက်တွေ့ပြသနာတွေကို အနည်းနဲ့အများဆိုသလို ထိရောက်စွာ ကုစားပေးနိုင်တယ်လို့လည်း ယုံကြည်ပါတယ်။ အညွှန်းတွေတော့ များနေပြီ။ ဖတ်ပြီးသလောက်ထဲမှာ သိပ်ကြိုက်တဲ့စာသားလေးတွေ ပြန်ဖောက်သယ်ချပါရစေဦး။

ဝီရိယ စိုက်ထုတ်လုပ်ကိုင်နိုင်လျှင် တိုင်းပြည်လူဦးရေ၏ တစ်ဝက်မျှကို အနိုင်ရပြီဖြစ်ပါသည်။ နောက်ထပ်လေးဆယ်ရာခိုင်နှုန်းကို ကျော်တက်နိုင်ရန်မူ ဖြောင့်မတ်တည်ကြည်သူ၊ ယုံကြည်ချက်၌ စွဲမြဲသူ ဖြစ်ရပါမည်။

ငွေ
ငွေဆိုသည်မှာ စည်းရိုးခြံစပ်၌ သိုဝှက်မြှပ်နှံထားရန်မဟုတ်
ခြွေရံသင်းပင်းနှင့် ဖြုန်းတီးပစ်ခြင်းငှာလည်း မဟုတ်
သီးခြားလွတ်လပ်ရပ်တည်နိုင်ခြင်းတည်း ဟူသော
ကျက်သရေမင်္ဂလာ အလို့ငှာသာ ဖြစ်ချေသည်။
ရောဘတ်ဘန်းစ်

နောက်ဆက်တွဲ ပြန်စာများ

2008-10-18T13:31:00.000-07:00

On 6/11/07, Tin Maung Thet wrote:
Tin Maung Thet has left a new comment on your post "Nationalism (သို့) အမျိုးသားရေးဝါဒ":

သမိုင်း ကို စနစ်တကျဖျက်ဆီး ခဲ့ ဖျက်ဆီးနေတဲ့ အာဏာရှင် တွေကြောင့် သမိုင်း အမှန် ကို လဲ ဒီ ကနေ့ ကလေးတွေ သိဖို့ ခက်နေပါပြီ။ မြန်မာ့အမျိုးသား ခေါင်းဆောင် ဗိုလ်ချုပ်အောင်ဆန်း ကဗျာ မူလတန်း ကလေးတွေ မရွတ်ရတော့ပါ။ ဒီကနေ့ ပြန်လည်တည်ဆောက်ချင်ပါတယ်ဆို တဲ့ အရည်အချင်း ရှိတဲ့ လူငယ်အများ အပြား တိုးတက်နေ တဲ့ နိူင်ငံခြားတိုင်း ပြည်တွေ ကို အလုပ်အကြွေး ပြုနေရတာ ဘာကြောင့်လို့ ထင်ပါသလဲ။ ပညာတတ်မှန်တာပြော မမှန်ရင် ဝေဖန်တတ်တဲ့ ပညာတတ်တွေ လူငယ် တွေ ဒီကနေ့ အာဏာပိုင်စိုး သူတွေကို ဦးမညွှတ်ချင်လို့  တိုင်းပြည်မှာ နေစရာမရှိပါ။ နိုင်ငံခြားမှာ နေ ပြီး ဘယ်လို နည်းနဲ့ စကြမလဲ။ ဆိုကြပါစို့  လူကြီးတွေ ကို ခေါက်ထားပြီး လူငယ်တွေက စပြောင်းလဲမယ်။ အဲဒိ စပြောင်းလဲမယ်ဆို တဲ့ လူငယ်တစ်ယောက် ဟာ အမှားပေါ်လစီတွေအောက်မှာ ဘယ်လို စအလုပ်လုပ်မလဲ။ မှန်တာကစပြောရမှာပါပဲ. ဒါဆို ရင်တော့ ကမ္ဘာ့ အရှည်ဆုံး ထောင်ဒါဏ်တွေ ကလူငယ်တွေကို စောင့်ကြိုနေပါတယ်။ ကျွန်တော်တို့ တိုင်းပြည်မှာ ဆရာဝန်တွေ အင်ဂျင်နီယာတွေအရည်အချင်းပြည့် ဆရာမတွေ အများကြီး လို အပ်နေ လျက် က လူငယ်တွေ ဘာကြောင့် တိုင်းတပါး မှာ Migrate လုပ်နေကြတာပါလဲ။ တိုင်းပြည်တကယ်တန်း ပြန်လည်ထူထောင်ပြီဆိုရင်ကော အဲဒိ လူတွေ အကုန် ပြန်လာမှာ ပါလား
...........

တိုင်းပြည် ပြန်လည်ထူထောင်ရေးဆိုတာ ဘာဖြစ်တော့မှ၊ ဘယ်လိုဖြစ်တော့မှ မဟုတ်ပါဘူး။ အခုချက်ချင်း စတင်လို့ရတဲ့ကိစ္စပါ။ ပြည်တွင်းမှာ ရှိသူတွေကလည်း သူနည်းသူ့ဟန်လုပ်နိုင်တာတွေရှိသလို ပြည်ပရောက်တွေလည်း တနိုင်ထမ်းနိုင်တဲ့ဝန်တွေရှိပါတယ်။ အဓိက ကတော့ စိတ်ဓာတ်တွေ၊ညီညွတ်မှုတွေပဲလိုအပ်တာပါ။ ပြည်ပနိုင်ငံတွေမှာ လူမျိုးပေါင်းစုံရဲ့ community services တွေဟာ အဲဒိနိုင်ငံမှာ ရှိနေတဲ့သူလူမျိုးတွေရဲ့ အရေးကိစ၊္စ ပြသနာများစွာ (သာရေး၊နာရေးမှစလို့ တရားရေးကိစ္စအဆုံး) ကို အတော်လေးထိထိရောက်ရောက် တာဝန်ယူဖြေရှင်းပေးတတ်ကြပါတယ်။ ဒါအပြင် လမ်းမှာ၊ အပြင်မှာ သူလူမျိုးတစ်ယောက်ယောက်ကိုတွေ့ရင်လည်း မျက်နှာလိုက် အကူအညီပေးမှုတွေဟာ အများအပြားပါ။

မြန်မာလူမျိုးတွေမှာ အဲလိုတာဝန်ယူဖြေရှင်းပေးနိုင်မှုတွေ ရှိတယ်ဆိုရင်တောင် အရမ်းကို နည်းနေပါသေးတယ်။ ညီညွတ်မှုအားမှာလည်း အရမ်းကို နည်းနေပါသေးတယ်။ ပြည်ပရောက်မြန်မာတွေကစလို့ ညီညီညွတ်ညွတ်နဲ့ အဲဒိနိုင်ငံမှာရှိတဲ့ မြန်မာအချင်းချင်းစောင့်ရှောက်မယ်၊ လက်ဆင့်ကမ်းထိန်းသိမ်းမယ်ဆိုရင် community အရေးဟာတိုးတတ်လာပါလိမ့်မယ်။ ပြည်ပမှာရှိတဲ့ မြန်မာတစ်ယောက်အဆင်ပြေ အောင်မြင်တာဟာ ပြည်တွင်းမှာကျန်ခဲ့တဲ့သူမိသားစု အဆင်ပြေတာလို့လဲ ဆိုလို့ရပါတယ်။ ပြည်ပမှာရှိတဲ့ မြန်မာတယောက်ရဲ့ စိတ်ဓာတ်တွေ၊ တာဝန်ယူနိုင်မှုတွေပြောင်းလာတာက တဆင့် သူမိသားစု၊သူပတ်ဝန်းကျင်လည်း တစစ တစစ ပြောင်းလဲလာနိုင်ပါတယ်။ အဲဒိလို ပြောင်းလဲလာအောင်လည်း community အရေးအနေနဲ့ အားလုံး ဝိုင်းဝန်းကြိုးစားကြရမှာပါ။

ပညာရေးအနေနဲ့ ပြောရရင်လည်း ကျွန်မတို့အရင်ခေတ်က လူကြီးတွေက ကျွန်မတို့ခေတ်ရဲ့ပညာရေးစနစ်ကို ပျက်ဆီးယိုယွင်းလာတယ်လို့ ပြောပါတယ်။ ကျွန်မတို့ကလည်း အခုခေတ်လူငယ်တွေရဲ့ ပညာရေးဟာ ကျွန်မတို့ခေတ်ထက် ပိုမိုဆိုးရွားလာပြီလို့ ပြောကြပြန်ပါတယ်။
ပျက်ဆီးနေတဲ့ပညာရေးစနစ်မှာ ကြီးပြင်းလာရတဲ့ ကျွန်မတို့ခေတ်လူငယ်တွေဟာ ပြဌာန်းထားတဲ့သင်ရိုးညွှန်းတမ်းတွေအပြင် လက်လှမ်းမီသမျှ ပညာရေးအခွင့်အလမ်းတွေရှာဖွေခဲ့ကြတာပါပဲ။အဲဒိအခွင့်အရေးဟာ ပြည်တွင်းမှာလည်း ဖြစ်ချင်ဖြစ်မယ်၊ ပြည်ပမှာလည်း ဖြစ်ချင်ဖြစ်မယ်။ အခွင့်အရေးတွေရှိတဲ့နေရာကို အရောက်လှမ်းဖို့ ကျွန်မတို့ခေတ်လူငယ်တွေ တတ်နိုင်သလောက် ကြိုးပမ်းခဲ့ကြပါတယ်။ အဲဒိအတွေ့အကြုံကို ကျွန်မတို့သဘောပေါက်သွားရင် အခုခေတ်လူငယ်တွေကို မှန်ကန်တဲ့လမ်းညွှန်မှုတွေ၊ မမှားယွင်းတဲ့ရွေးချယ်မှုတွေဖြစ်အောင် ကူညီပံ့ပိုးပေးနိုင်ကြမှာပါ။

ကျွန်မတို့ခေတ်လူတွေကို မှားယွင်းတဲ့သမိုင်းတွေ အကြီမ်ကြီမ်ပြောယုံနဲ့ မျက်စိမှိတ် မယုံတတ်ကြပါဘူး။ အတွေ့အကြုံ၊ ဥာဏ်ပညာနဲ့ ချင့်ချိန်သုံးသပ်ကြပါတယ်။ အခုခေတ်လူငယ်တွေကိုလည်း အသိဥာဏ်ပညာတွေနဲ့ ဆင်ခြင်တွေးခေါ်တတ်အောင် ကျွန်မတို့ လက်ဆင့်ကမ်းကြရမှာပါ။ ဒါ ကျွန်မဆိုလိုချင်တဲ့ တစ်ယောက်ချင်းစီရဲ့ တာဝန်ယူတတ်မှုပါ။

ပြည်တွင်းနေခြင်း၊ ပြည်ပနေခြင်းဆိုတာကတော့ တဦးချင်းစီရဲ့ ကိုယ်ပိုင်ရွေးချယ်မှုပဲဖြစ်မယ် ထင်တယ်။ ဘယ်ရောက်နေလဲဆိုတာထက် ဘယ်လိုခံယူချက်တွေနဲ့ရပ်တည်နေလဲ ဆိုတာက ပိုအရေးကြီးမယ် ထင်ပါတယ်။ တစ်ဦးတစ်ယောက်ချင်း တာဝန်ကျေမယ်ဆိုရင် ကျွန်မတို့လှမ်းနေတဲ့ ပန်းတိုင် သိပ်မဝေးလောက်ဘူးထင်ပါရဲ့နော်။
ကျွန်မအခုလိုဖြေခွင့်ရအောင် မေးပေးတဲ့ ကိုတင်မောင်သက်ကို ကျေးဇူးပါရှင်။
............................

May Nyane has left a new comment on your post "Nationalism (သို့) အမျိုးသားရေးဝါဒ":
တကယ် ၀န်ခံရရင် ကျမ စိတ်အပျက်ဆုံးက လူမျိုး ရေးအစွဲအလန်းတွေပါပဲ..တကယ်တမ်း တိုင်းပြည်ထူထောင်ရေးကို လူမျိုးရေးဝါဒက ဖျက်ဆီးတယ်လို့ ထင်ပါတယ်..

ဂျစ်တူး - gyit_tu has left a new comment on your post "ပုံပြင်များနှင့် ခဏတာ":
ကျမလည်း အမလို ပုံပြင်တွေ သိပ်ကြိုက်တယ်း)(နိုင်ငံရေး ပရိယာယ်ဆိုတာ အတော်လေးကို နက်နဲရှုပ်ထွေးလွန်းအားကြီးပါတယ်။)ဒီအတွေးနဲ့ပတ်သက်ပြီး တခါက ကျမနဲ့ မိတ်ဆွေတယောက် ကောက်နုတ်ချက်ချဖူးတာ ရှိပါတယ် ။ ဗမာပြည်ရဲ့ အိမ်နီးနားချင်း နိုင်ငံများဖြစ်တဲ့ အင်ဒီးယားတို့ တရုတ်တို့ ရုရှားတို့ဟာ ၊ အမေရိကားလို အင်အားကြီးနိုင်ငံတခု ဖြစ်ဖို့ ၊ ဗမာပြည်က ရသလောက်ကို စုတ်ယူပြီး ၊ ကြီးထွားဖို့ ကြိုးစားနေတယ် ။ဗမာပြည်ကို အမေရိကားတို့ ဘာတို့က ဒီမိုကရေစီအတွက် sanctions နဲ့ ဖိအားတွေ ပေးနေပေမယ့် ၊ ဗမာပြည်က တတ်နိုင်သမျှခွာယူဖို့ မျက်စိကျနေတဲ့ အဲလို အိမ်နီးချင်း နိုင်ငံတွေ ရှိနေသမျှ ၊ ဗမာလက်ရှိအစိုးရဟာ သိပ်ကြောက်ရွံ့ မှာ မဟုတ်ဘူး ။ အဲလိုအိမ်နီးချင်း နိုင်ငံတွေ လုပ်တာ မှားလား မှန်လား ဆိုတာကတော့.. အမပြောထားတဲ့ နိုင်ငံရေးပရိယာယ်နဲ့ အတော်လေး သက်ဆိုင်မယ်လို့ ထင်မိတယ် ။
..............

ပထမဆုံးတောင်းပန်ချင်တာက ကျွန်မလည်း စီးပွားရေး၊ နိုင်ငံရေး အရမ်းကြီးနားမလည်ပါဘူး။ ဥာဏ်မီသလောက်၊ နားလည်သလောက်လေး ပြောကြည့်ပါရစေနော်။ မှားယွင်းတယ်ဆိုရင်လည်း ကျွန်မရဲ့လိုအပ်ချက်ပါ။

မြန်မာနိုင်ငံရဲ့လက်ရှိအနေအထားနဲ့ ပြသနာကို သေချာနားလည်ရင် သင့်တော်မှန်ကန်တဲ့ဖြေရှင်းနည်းတွေရှာဖွေတွေ့ရှိမယ်လို့ မျှော်လင့်ပါတယ်။
တရုတ်နိုင်ငံအနေနဲ့ပြောရရင် တရုတ်ဟာ အနောက်နိုင်ငံတွေနဲ့အပြိုင်အဆိုင် စီးပွားရေးဈေးကွက်တွေချဲ့ထွင်လာပါတယ်။ europe ဘက်မှာ ပစည်းတော်တော်များများဟာ made in china တွေပဲများနေလို့ ငြင်းသံ၊ခုန်သံ၊ဆန့်ကျင်သံတွေ တော်တော်လေးကြားခဲ့ရပါတယ်။ အင်အားကြီးတဲ့ US နဲ့ အတော်လေးအပြိုင်အဆိုင် အနေအထားဖြစ်လာနေပါတယ်။ တရုတ်ရဲ့ အိမ်နီးချင်းနိုင်ငံတွေဟာ US ကိုဆန့်ကျင်တယ်ဆိုပေမဲ့ အချိန်မရွေးပြောင်းလဲသွားနိုင်ပါတယ်။ မြန်မာစစ်အစိုးရလောက် မယုံကြည်ရဘူးဆိုပါတော့။ မြန်မာနိုင်ငံမှာ နိုင်ငံရေးအပြောင်းအလဲကြောင့် ဆုံးရှုံးမှုတွေသာ မရှိဘူးဆိုရင် မြန်မာနိုင်ငံဟာ စီးပွားရေး၊ နိုင်ငံရေးအရ အရေးပါတဲ့အနေအထားမှာ ရှိပါတယ်။( ဦးခင်ညွန့်အပြောင်းအလဲမှာ ဆုံးရှုံးမှုတွေရှိဖူးတဲ့ သာဓကကြောင့်ပါ။)
ဒါကြောင့် တရုတ်ဟာ နိုင်ငံရေးတည်ငြိမ်အောင် ကြိုးပမ်းဖို့ မြန်မာကို သတိပေးနေတာပါ။)

တရုတ်တို့၊ ရှရှားတို့က မြန်မာနိုင်ငံကို ကာကွယ်တယ်ဆိုရာမှာလည်း စားကျက်ခွဲတဲ့သဘောပါပဲ။ ဒီနေရာမှာ သူတို့စီးပွားရေးအနေအထားအရ အခြေအနေကောင်းနေတယ်၊ ဝင်မရှုပ်ပါနဲ့ ဆိုတဲ့သဘောလို့ ထင်ပါတယ်။ မြန်မာနိုင်ငံအတွက် ဆိုးကျိုးအနေနဲ့ကတော့ နိုင်ငံတကာကို တရားဝင်ကူးသန်းရောင်းဝယ်ခွင့်မရတော့ ရောင်းလို့ရတဲ့နေရာမှာ အဖိုးတန်ပစည်းတွေကို အောက်ဈေးတွေနဲ့ ရောင်းနေရပါတယ်။ ခေတ်မှီနည်းပညာလိုအပ်ချက်တွေပါ ထပ်ပေါင်းလိုက်ရင် အင်မတန်ကို နစ်နာလှပါတယ်။ ဒီလောက် အဖိုးတန်သဘာဝတွေ ထွက်နေတဲ့နိုင်ငံက ကမ္ဘာမှာ အဆင်းရဲဆုံးဆိုတော့ ...တော်တော်လေး ဆိုးရွားလှပါတယ်။

တရုတ်တို့၊ ရှရှားတို့ မြန်မာနိုင်ငံကို ကာကွယ်နေတယ်ဆိုတာ ဘယ်သူအကျိုးအတွက်မှမဟုတ်ပါဘူး။ သူတို့အကျိုးစီးပွားသက်သက်အတွက်ပဲလို့ ကျွန်မတော့ထင်ပါတယ်။ တကယ်တော့ မြန်မာနိုင်ငံရဲ့အကျိုးစီးပွားကို ဘယ်သူမှ လာလုပ်မပေးပါဘူး။ မြန်မာပြည်သားတွေသာ ကြိုးပမ်းလုပ်ဆောင်နိုင်မယ်လို့ ကျွန်မတော့ နားလည်ယုံကြည်လက်ခံထားပါတယ်။

မဂျစ်ရေ ကျေးဇူးပါနော်။

ပုံပြင်များနှင့် ခဏတာ

2008-10-18T13:27:00.000-07:00

ကျွန်မ တိုနီဘလဲ အကြောင်းရေးမယ်ဆိုပြီး သူ့အကြောင်းတွေ ရှာလိုက်၊ ဖတ်လိုက်နဲ့ အလုပ်တွေရှုပ်သွားတယ်။ ကျွန်မလိုချင်တာ သူ့ကိုယ်ရေးရာဇဝင်လို ဟာမျိုး မဟုတ်ဘူး။ သူရဲ့လုပ်ဆောင်ချက်၊ ခံယူချက်တွေကို လေ့လာချင်တာပါ။ သူပြောခဲ့တဲ့ မိန့်ခွန်းတွေရော၊ သတင်းတွေရော အတော်စုံသွားတယ်။ သူ့အကြောင်းတွေသာမက ဆက်စပ်သတင်းတွေပါ လိုက်ဖတ်လေ..နိုင်ငံရေးလောက ဆိုတာ အတော်ကျယ်ပြန့်လေ ပါလားဆိုပြီး တစ်ခုခုကို ကောင်းတယ်၊ ဆိုးတယ် ဝေဖန်လေကန်ဖို့ အတော်လေး လက်တွန့်သွားတယ်။

နိုင်ငံရေး ပရိယာယ်ဆိုတာ အတော်လေးကို နက်နဲရှုပ်ထွေးလွန်းအားကြီးပါတယ်။ အဲဒိနိုင်ငံရေးနောက်မှာ ဆက်ရက်ပါလာတာကတော့ စီးပွားရေး စားကွက်လုပွဲကြီးတွေပါ။ ဟိုးအရင်တုန်းက (မရင့်ကျက်၊ မယဉ်ကျေးသေးတဲ့အချိန် ဆိုပါတော့) ခပ်ပြောင်ပြောင် ခပ်တင်းတင်း ကိုလိုနီ နယ်ချဲ့ပြီး စီးပွားရှာပါတယ်။ လောဘဇောတွေတတ် မာန်တွေတတ်ပြီး ခွက်စောင်းတွေ ခုတ်ကြတော့ သူကို ငါချ၊ ငါကို သူချနဲ့ ကမ္ဘာစစ်ကြီးတွေဖြစ်ပြီး လူတွေလည်း သေလိုက်ကြတာ အတုံးအရုံးပေါ့။ ဒီလိုနည်းက မဟန်သေးဘူးလို့ သဘောပေါက်သွားတဲ့အချိန်မှာ ခပ်ရွဲ့ရွဲ့အပြုံးကို တပ်ဆင်ပြီး စစ်အေးနည်းတွေသုံးကာ စီးပွားရေးနယ်ပယ် ချဲ့ထွင်ဆဲပါပဲ။ နိုင်ငံရေးမှာ မိတ်ဆွေမရှိ၊ ရန်သူမရှိပါတဲ့။ ဟုတ်ပါတယ်.. ခါးသက်သက်အပြုံးတွေပဲရှိပါတယ်။

ပြီးခဲ့တဲ့ အာဖဂန် နဲ့ အီရတ်စစ်ပွဲတွေအကြောင်း လေ့လာကြည့်ရင်လည်း ဘင်လာဒင်ဟာ အာဖဂန်နယ်သားမဟုတ်ပါဘူး။ သူကိုနောက်ကွယ်က ထောက်ပံ့ပေးသူတွေကြောင့်သာ အဲဒိနယ်မှာ ဗိုလ်ကျခွင့်ရခဲ့တာပါ။ ရှုပ်ထွေးတဲ့ပြသာနာတွေရဲ့နောက် အာဖဂန်ကြီးတစ်ခုလုံး မြေလှန်ပြီးတာတောင် ဘင်လာဒင်ကို မတွေ့သေးပါဘူးတဲ့။ အရပ်ထဲက ဟာသနဲ့ပြောရရင် အမေရိက က Bevery hills hotel ပဲရောက်နေသလား လန်ဒန်က Ritz hotel မှာလား Dochester hotel မှာလားဆိုတာ ဘယ်သူမှ မသိနိုင်ပါဘူး။

နောက်ပြီးတော့ အီရတ်..ဘာကြောင့် ညာကြောင့် စတဲ့အကြောင်းပြချက်များစွာနဲ့ စစ်ပွဲကြီး ပြီးသွားပါပြီ။ အလွယ်တကူ တိုက်လို့မရနိုင်တဲ့ အီရန်ကိုတော့ အခုတော့ (ဘောလုံးစကားနဲ့ပြောရရင် ဘယ်တောင်ပံ ညာတောင်ပံကနေ) အီရတ်နဲ့ အာဖဂန်ကနေ ညှပ်ပြီးသွားပါပြီ။ နောက်ဆက်တွဲသတင်းကတော့ ဆီတွေအလျှံပယ် ထွက်ပါတယ်ဆိုတဲ့ Middle East မှာ ဆီဈေးတွေတက်နေ ဆိုလား။ သဘာဝတွင်းထွက် ဘာမှသိပ်မရှိတဲ့ အင်္ဂလန်ကတော့ အခြေအနေကောင်းဆဲပါ။ အမြတ်အစွန်းတွေလည်း များဆဲပါ။ ဆီဈေးလည်း တည်ငြိမ်ဆဲပါ။

တိုနီဘလဲ လည်း အာဖရိကကို လှည့်လည်သွားလာဆဲ..

G8 အစည်းအဝေးကြီးလည်း ကျင်းပဆဲ...

ကျွန်မလည်း အတွေးတွေ ရှုပ်ထွေးဆဲ...

အတွေးတွေရှုပ်၊ စိတ်တွေရှုပ်နေတဲ့ကျွန်မ shopping center ထဲမှာ ပစည်းတွေကို လှည့်လည်ရောင်းချတတ်တဲ့ sales men တွေနားမှာ ကလေးတစ်သိုက် တိုးနေကြတာမြင်လို့ သူတို့နဲ့အပြိုင် သွားစပ်စုလိုက်တော့ Disney ကထုတ်တဲ့ ပုံပြင်စာအုပ်လေးကို အာဘောင်အာရင်းသန်သန် ကြော်ငြာပြီး ရောင်းနေတာပါ။ ကလေးတွေကြားမှာ ကြီးကောင်ကြီးမား ဝင်အားပေးတဲ့ ကျွန်မကိုတွေ့သွားတော့ မြှားဦးက ကျွန်မဘက် လှည့်လာပါတယ်။ ပုံပြင်ဆိုပေမဲ့ ကလေးတွေအတွက်သာမက လူကြီးတွေအတွက်ပါ သင့်လျော်ကြောင်း၊ family, honesty & integrity, courage & responsibility, fairness & judgement and happinessစတဲ့အကြောင်းအရာတွေအလိုက် ခွဲခြားတင်ပြထားကြောင်း၊ ရေးသားတဲ့ပုဂ္ဂိုလ်ကလည်း Ph.D ဖြစ်ကြောင်း စသဖြင့် ရွှန်းရွှန်းဝေအောင် ပြောပါတော့တယ်။ သူကပဲ အပြောကောင်းလို့လား၊ ကျွန်မကိုယ်တိုင်ကပဲ ပုံပြင်တွေကြိုက်လွန်းလို့လားတော့မသိ ( သိပ်ကြိုက်တဲ့ ဝတ္ထုတွေကိုတောင် ဝယ်မဖတ်ဖြစ်ပဲ Library ကိုသာ အားကိုးလေ့ရှိတဲ့ကျွန်မ) ဒီစာအုပ်ကိုတော့ နှမြောနှမဲ့နဲ့ ဝယ်ဖြစ်သွားတယ်။

ငယ်ငယ်ထဲက ပုံပြင်များစွာကို နားထောင်ရင်း၊ ဖတ်ရင်း ကြီးပြင်းခဲ့ရသူမို့ အိပ်ခါနီး ပုံပြင်လေးတွေဖတ်ပြီးအိပ်ရမှာကို သဘောကျတဲ့စိတ်ရယ်၊ အပြင်လောကမှာ တွေ့ရခဲတဲ့ ဖြူစင်တဲ့အပြုံးတွေ၊ ရိုးသားဖြောင့်မတ်မှုတွေ၊ တရားမျှတခြင်းတွေ၊ ချစ်ခြင်းမေတ္တာတွေ ကို ပုံပြင်လေးတွေထဲမှာ ပြန်လည်ရှာဖွေချင်တဲ့စိတ်ရယ်ပါ။

ပုံပြင်လေးတွေထဲက ပျော်ရွှင်ငြိမ်းချမ်းမှုတွေကို ကျွန်မတော့ နှစ်သက်စွဲလန်းဆဲ..ခုံမင်မြတ်နိုးဆဲပါ။

Nationalism ( သို့မဟုတ် ) အမျိုးသားရေးဝါဒ

2008-10-18T13:25:00.000-07:00

England ရဲ့ Home Secretary ဟောင်းတစ်ဦးဖြစ်တဲ့ David Blunkett က စီစဉ်တင်ဆက်တဲ့ Nationalism ဆိုတဲ့အစီအစဉ်လေးကို ကြည့်လိုက်ရတယ်။ အဲဒိအစီအစဉ်မှာတော့ ဒုတိယကမ္ဘာစစ် နောက်ပိုင်း အင်္ဂလန်နိုင်ငံကိုအမျိုးသားရေးစိတ်ဓာတ်တွေနဲ့ ပြန်လည်တည်ထောင်ခဲ့လို့ အလျင်အမြန်တိုးတက်လာပုံတွေ နဲ့ အခုနောက်ပိုင်း အင်္ဂလန်နိုင်ငံသားဖြစ်ဖို့အရေး ဘယ်လိုစီစစ်ရွေးချယ်မဲ့အကြောင်းတွေကို Immigration issue တွေ အများကြီးနဲ့ တင်ပြသွားပါတယ်။

အဲဒိ အစီအစဉ်လေးကို ကြည့်ပြီး အတွေးတွေက ဘေးချော်သွားတယ်။ သူပြောတဲ့အထဲမှာ ဒိပြင် Immigration issue တွေထက် Natioanalism ဆိုတဲ့ စကားလေးကိုပဲ သေသေချာချာ စဉ်းစားနေမိတယ်။ အမျိုးသားရေး ဝါဒဆိုပါတော့။ ကျွန်မအနေနဲ့တော့ အမျိုးသားရေးဝါဒဆိုတာကို လူမျိုးကြီးဝါဒ ဆိုတာထက် ပိုထောက်ခံပါတယ်။ နိုင်ငံတစ်နိုင်ငံမှာ အမျိုးသားရေးဝါဒဆိုတာ ရှိသင့်ရှိထိုက်တဲ့ လိုအပ်ချက်တစ်ခုပါ။

အမျိုးသားရေးဝါဒဆိုတာ ကိုယ်လူမျိုး၊ ကိုယ်တိုင်းပြည်ကို ချစ်မြတ်နိုးလို့ ကာကွယ်စောင့်ရှောက်ခြင်းတစ်မျိုးလို့ ကျွန်မတော့ နားလည် ခံယူလက်ခံထားပါတယ်။ အဲဒိလို ကာကွယ်စောင့်ရှောက်တဲ့နေရာမှာ နည်းမှန်၊ လမ်းမှန်ဖြစ်ဖို့တော့ ခေါင်းဆောင်ပိုင်းတွေ အနေနဲ့ သေချာစဉ်းစား ဆုံးဖြတ်ဖို့တော့ လိုအပ်ပါလိမ့်မယ်။

ကျွန်မနားလည်သလောက်ဆိုရင် ဟစ်တလာလည်း ဂျာမနီကိုချစ်တာပဲ။ ဒါပေမဲ့ သူ့ချစ်နည်း နည်းမကျဘူးလို့ ကျွန်မတော့ထင်တယ်။ ဂျာမနီပြည်ကြီးမှာ ဂျူးလူမျိုးတွေ အရမ်းကောင်းစားပြီး ချယ်လှယ်နေတာကို မရှုစိမ့်နိုင်လို့ ၊ ဂျာမန်လူမျိုးတွေ နောက်ကောက်ကျနေလို့ စတဲ့ ခံပြင်းဒေါသတွေနဲ့ ဟစ်တလာ တစ်ယောက် အမျိုးသားရေးဝါဒကို ပုံဖော်လိုက်တာ ဂျူးသုတ်သင်ရေး တရားဖြစ်နေတယ်။
ကျွန်မ ဂျူးလူမျိုးတွေနေရာက ဝင်ခံစားကြည့်လိုက်တော့ ခါးသီးမှုတွေပဲရတယ်။ ဒါပေမဲ့ အဆိုးထဲက အကောင်းဆုံးရလာဒ်ကို ထုတ်ပြရရင်တော့ အခုအချိန်မှာတော့ ဂျူးလူမျိုးထက်ပိုပြီး ကိုယ်လူမျိုးအရေး၊ အမျိုးသားရေးကို ထိန်းသိမ်းစောင့်ရှောက်တဲ့လူမျိုး ကျွန်မ မတွေ့သေးပါဘူး။

ကျွန်မတို့နိုင်ငံမှာလည်း နိုင်ငံခြားသား(တရုတ်၊ကုလား) က မြန်မာလူမျိုးတွေထက် ပိုကောင်းစားနေတယ်ဆိုတဲ့စိတ် အခြေခံတဲ့ မြန်မာလူမျိုးတွေအတွက် ပြည်သူပိုင်သိမ်းပေးတဲ့ ဦးနေဝင်းအကြောင်းကို မှတ်သားရဖူးတော့လည်း နည်းလမ်းမှန်ရဲ့လား လို့ ကျွန်မ စဉ်းစားခဲ့ဖူးပါတယ်။

တိုင်းပြည်ကို ခေါင်းဆောင်လုပ် အုပ်ချုပ်ရသူများဖြစ်လေတော့ သူတို့ရဲ့ အမှားအမှန်၊ အကောင်းအဆိုးဟာ တိုင်းပြည်အပေါ် အကျိုးသက်ရောက်မှုအများကြီးရှိပါတယ်။

ကဲ..ခေါင်းဆောင်ပိုင်းတွေ ထားလိုက်ပါဦး။ ကျွန်မတို့ သာမန်ပြည်သူလူထု ကနေ စဉ်းစားကြည့်ပါဦး။ အမျိုးသားရေး ပျက်စီးယိုယွင်းနေရတာ သူကြောင့်၊ ငါကြောင့်လို့ အပြစ်တွေတင်နေကြမဲ့အစား တစ်ဦးတစ်ယောက်ချင်းစီကနေ စပြီး ထိန်းသိမ်းလို့ မရဘူးလား။

ကျွန်မ မြင်သမျှ၊ ကြားသမျှ ပြောရရင်တော့ အင်္ဂလိပ်လူမျိုးကလည်း သူတို့လူမျိုးအချင်းချင်း အတော်လေးကို ပိုပိုသာသာ စောင့်ရှောက်ကြပါတယ်။ အာဖရိကတိုက်သား လူမည်းအများစုဟာလည်း နိုင်ငံချင်းမတူတာတောင်မှ တစ်ယောက်ထိ ဓားကြည့်ဆိုတဲ့ အထဲက များပါတယ်။

ကျွန်မတို့ မြန်မာချင်း နိုင်ငံခြားမှာ တွေ့ရင်လား..ပြောလက်စ မြန်မာစကားတောင်ရပ်ပြီး ဟိုမှာမြန်မာတွေ ဘယ်ကအရှုပ်ထုပ်တွေလည်းမသိဘူး ဆိုပြီး အသာလေး ကွေ့ရှောင်သွားပါတယ်။ တစ်ယောက်နဲ့တစ်ယောက် အဲဒိလောက်ချစ်ကြပါတယ်။ ကိုယ်အလုပ်ထဲ မြန်မာတစ်ယောက်ခေါ်သွင်းမယ့်အစား ကျားမြီးပြေးဆွဲချင်သူတွေ တပုံတပင်ပါ။ ဒါပေမဲ့ သူတို့ကိုချည်း အပြစ်ပြောလို့တော့လည်း မရပါဘူး။ ဘာမဟုတ်တဲ့ စိတ်အခန့်မသင့်မှုလေးတွေ၊ ကိုယ်ရေးကိုယ်တာ အဆင်မပြေမှုလေးတွေ အတွက်နဲ့ အစိုးရဌာနတွေကို ဟိုတိုင်၊ ဒီတိုင် ချောက်တွန်း စတဲ့ သာဓကတွေက ရှိဖူးလေတော့ သူတို့အဆိုး မဆိုသာပါ။အဲဒိလိုတွေ ဘာကြောင့်ဖြစ်ရတာလဲ ဆိုပြီး ကျွန်မထက်နားလည်တတ်ကျွမ်းတဲ့သူတွေနဲ့ ဆွေးနွေးမေးမြန်းကြည့်ဖူးပါတယ်။ သူတို့အဆိုအရဆိုရင် စိတ်ဓာတ်တွေကို နှစ်ရှည်လများ စနစ်တကျ ဖျက်ဆီးခြင်းခံထားရလို့ပါတဲ့။

အဲဒိလိုဖျက်ဆီးခံထားရတဲ့ စိတ်ဓာတ်ဆိုရင်တောင် တစ်စချင်း ပြန်လည်တည်ဆောက်လို့ မရနိုင်ဘူးလား..
လူကြီးပိုင်းတွေကို စောင့်မျှော်နေမဲ့အစား ကျွန်မတို့ လူငယ်ပိုင်းတွေက စလိုက်ကြရင် အဆင်မပြေ ပိုမပြေနိုင်ဘူးလား..
ကျွန်မတို့ နိုင်ငံကြီးမှာ လွဲချော်မှုတွေအများကြီးဆိုတာ လူတိုင်းအသိပါ။ အဲဒိလွဲချော်မှုတွေကိုပဲ ထပ်တလဲလဲဆိုယုံနဲ့ အမှန်မဖြစ်နိုင်ပါဘူး
တစ်ယောက်တစ်လက် ပုံဖော်မှသာ
တစ်ယောက်တစ်လှမ်း မှန်မှန်လှမ်းမှသာ
တစ်ယောက်တစ်နိုင် တာဝန်ထမ်းမှသာ..
ကျွန်မတို့အားလုံး မျှော်လင့်တောင့်တတဲ့နေ့ ရောက်ရမယ်လုိ့ ယုံကြည်လျှက်...

ဆင်ခြေများစွာနှင့်

2008-10-18T13:23:00.000-07:00

ကျွန်မတစ်ယောက် အပျင်းတွေထူပြီး blog လေးကို ပုံမှန် update မလုပ်ဖြစ်ဘူး ဖြစ်နေတယ်။ ကျွန်မက ပိုစ့်တစ်ခုကို ရေးခါနီးတိုင်း တော်တော်လေး အချိ်န်ယူရပါတယ်။ ကျွန်မအတွက်ရော စာဖတ်သူအတွက်ပါ remindဖြစ်စေမဲ့အကြောင်းအရာလေးတွေဖြစ်စေချင်တာကြောင့်ပါ။ နောက်ပြီး ကျွန်မက အနားမှာ လူရှိပြီး အာရုံနောက်ရင်လည်း သိပ်ရေးလို့မရပါဘူး။ နောက်တစ်ချက်ကတော့ အရင်တုန်းကထက် အခုနောက်ပိုင်း အလုပ်ချိန်ပိုများနေလို့ပါ။ နောက်ဆုံးတစ်ချက်ကတော့ ခပ်နည်းနည်းပဲရတဲ့ကိုယ်ပိုင်အချိန်တွေထဲမှာ စာရေးဖို့ထက် စာဖတ်ဖို့ကိုပဲ ပိုအားသန်လို့ပါရှုင်။
(ဟဲဟဲ လိုရှင်းကတော့ ပို့စ်အသစ်တွေ သိပ်မတင်နိုင်တဲ့အတွက် ဆင်ခြေတွေများနေတာပါ။)

အခုတော့ စိတ်ထဲမှာ ရေးချင်တဲ့အကြောင်းအရာတွေ သိပ်များနေတာရယ်၊ blog လေးအတွက် အလွမ်းပြေရယ်ပေါင်းပြီး ပို့စ်အသစ်တင်လိုက်ပါပြီ။ ရေးမယ်ဆိုတော့လည်း ရေးချင်တဲ့အကြောင်းအရာတွေက သိပ်များနေပါတယ်။

Disable ဖြစ်ရက်နဲ့ ကမ္ဘာကျော်တဲ့ ပုဂ္ဂိုလ်တွေအကြောင်းကို သေသေချာချာလေး ရေးချင်ပါတယ်။ ( hellen keller, stephen hawkings, david blunkett ...etc)
နောက်ပြီး ဒီနိုင်ငံမှာ disable တွေကိုသေသေချာချာစောင့်ရှောက်ပြီး အခွင့်အရေးအများအပြား ပေးထားတဲ့အကြောင်းတွေပါ။

နောက်တစ်ခုကတော့ England Home Secretary ဟောင်းတစ်ဦးဖြစ်တဲ့ David Blunkett တင်ပြတဲ့ Nationalism ဆိုတဲ့အကြောင်းနဲ့ပတ်သတ်ပြီး ဆက်စပ်အတွေးတစ်ချို့ကိုပါ။

နောက်တစ်ခုက အခုလောလောလတ်လတ် Prime Minister ရာထူးက နုတ်ထွက်ထားတဲ့ Tony Blair အကြောင်းပါ။ရေးချင်တဲ့ အကြောင်းအရာလေးတွေကိုတော့ အမြည်းပြောပြီးပြီ။ အခုလောလောဆယ်တော့ မကြာမီ လာမည် မျှော် လို့ပဲ တောင်းပန်စကား ဆိုပါရစေတော့...

"There are people who still think that the compromises that were made along the way were unacceptable. But sometimes politics is about that in order to achieve a better end. And there are always two kinds of people in politics: those who stand aside and commentate and those who get their hands dirty and do."

Tony Blair
8 May, as devolution returns to Northern Ireland

Odd to my family

2008-10-18T13:22:00.001-07:00

Understand the things I say

Don't turn away from me

Cause I spent half my life out there

You wouldn't disagree

D'you see me, d'you see

Do you like me.

Do you like me standing there

D'you notice, d'you know

Do you see me, do you see me

Does anyone care

Unhappiness, where's when I was young

And we didn't give a damn

'Cause we were raised

To see life as fun and take it if we can

My mother, my mother she hold me

Did she hold me, when I was out there

My father, my father, he liked me

Oh he liked me, does anyone care

Understand what I've become

It wasn't my design

And people everywhere think

Something better than I am

But I miss you.

I miss'Cause you liked it.

I liked itWhen I was out there

D'you know this, d'you know

You did not find me, you did not find

Does anyone care

Unhappiness was when I was young

And we didn't give a damn

'Cause we were raised

To see life as fun and take it if we can

My mother, my mother she hold me

Did she hold me, when I was out there

My father, my father, he liked me

Oh me liked me, does anyone care

Does anyone care

// that' my life-time special song. i don't play that song much if i don't have enough feelings.

But whenever i feel pain with unsaid words and thounsand frogs in my throat,

that song heel me.treat me.care me.give me.energize me.. //

The Universe

2008-10-18T13:20:00.000-07:00

ကျွန်မကလေ ကမ္ဘာမြေကြီးအကြောင်း ၊ စကြာဝဠာ ကြီးအကြောင်းဆိုရင် သိပ်စိတ်ဝင်စားတယ်သိလား
နားမလည် တလည်နဲ့ အတော်ကြိုးစားလေ့လာရတဲ့ solar system ကြီးပါ။
အဲထိအကြောင်းတွေလေ့လာရရင်၊ စဉ်းစားရရင်လည်း တမေ့တမော..
အခုဖတ်နေတဲ့စာအုပ်လေး The Universe ကနေအတွေးတွေ နယ်ချဲ့ပြီး ရောက်တတ်ရာရာအတွေးလေးတွေကို ဝေမျှချင်လာတယ်.

Judaism, Christian, Islam ဘာသာ သုံးမျိုးကတော့ ထာဝရဘုရားသခင် God ဆိုတာကို ယုံကြည်တယ်။ ဘုရားသခင် ဖန်ဆင်းလို့ ကမ္ဘာလောကကြီး ပေါ်ပေါက်လာတယ်လို့ လက်ခံတယ်။ လူဆိုတာကိုလည်း ဘုရားသခင်က မြေကြီးကနေ ဖန်ဆင်းခဲ့တယ်။ နောက်ပြီးတော့ ဝိညာဉ်တော်ကို မှုတ်သွင်းဖန်ဆင်းခဲ့တယ်လို့ မှတ်သားရဖူးပါတယ်။ အဲဒိဝိညာဉ်ဆိုတာကလည်း ဘုရားသခင်ရဲ့ အစ်ိတ်အပိုင်းတစ်ပိုင်း။ သိပ္ပံစကားနဲ့ ဥပမာပေးရရင် အရာဝတ္ထုတိုင်း atom တွေနဲ့ဖွဲ့စည်းထားတာပါ။ လူသားတွေရဲ့အသက်ဝိညာဉ်ဆိုတာလည်း ဘုရားသခင်ရဲ့ atom လေးတစ်ခုပါလို့ ကြားနားခဲ့ဖူးပါတယ်။

ဘုရားသခင်ဖန်ဆင်းထားတယ်ဆိုတဲ့ ကမ္ဘာမြေကြီးဟာ လူသားတွေအသက်ရှင်နေထိုင်ဖို့အတွက် အသင့်တော်ဆုံးနေရာလို့လည်း ဆိုပါတယ်။ သင့်တင့်တဲ့ မြေကြီးအခင်းရယ်၊ လိုအပ်တဲ့ကောင်းကင်အမိုးကြီးရယ်၊ အသက်ရှင်နေထိုင်ဖို့ မရှိမဖြစ်တဲ့ ရေ၊လေ၊တော တောင် သဘာဝတရားကြီးတွေရယ်နဲ့ စနစ်တကျ ဖန်ဆင်းထားတဲ့ကမ္ထာမြေကြီးလို့ အဆိုရှိပါတယ်။

ဘုရားသခင်ရှိကြောင်းမယုံကြည်တဲ့သူတွေကတော့ ဒီလောကကြီးဟာ စနစ်တကျဖွဲ့စည်းထားတာ မဟုတ်ရပါဘူး။ Big Bang မတော်တဆပေါက်ကွဲမှုကနေ ဖြစ်ပေါ်လာတာပါလို့ ဆိုပြန်ပါတယ်။

ကမ္ဘာကျော်သိပ္ပံပညာရှင်ကြီးတွေလည်း အငြင်းပွားကြပါတယ်။ အိုင်းစတိုင်း ကပြောတော့
“ ဘုရားသခင် ကြွေအံ မကစားပါ ” တဲ့..
ကဲ နောက်တစ်ယောက် Stephen Hawkings ကတော့ “ ဘုရားသခင် ကြွေအံ ကစားပါသည် ” လို့ ဆိုပါတယ်။
သူ့ရဲ့ အသစ်စက်စက် သတင်းကတော့ space ထဲကိုသွားဖို့ အတော်နီးစပ်လာတဲ့အကြောင်းပေါ့။
http://news.bbc.co.uk/2/hi/science/nature/6594821.stm

ဗုဒ္ဓဟောတာကတော့ “ ဒုက္ခသစ္စာ” ပါတဲ့။ သံသရာစက်ဝိုင်းထဲမှ လွတ်မြောက်ရာ လွတ်မြောက်ကြောင်း အားထုတ်ဖို့ သင်ကြားပါတယ်။
လူတွေအငြင်းပွားနေတဲ့ တည်ရှိခြင်း မရှိခြင်းကိုတော့ အဖြေမပေးခဲ့ပါဘူး။ ရှင်းပြရင် ပိုရှုပ်ကုန်မှာစိုးလို့ ဒီမှာ ဖတ်ကြည့်လိုက်ပါနော်။

ထူးခြားတာ တစ်ခုကတော့ ဘာသာတရားတွေမှာ ကမ္ဘာပျက်မယ့်နေ့ ဆိုတာတွေ ကြားကြားနေရပါတယ်။ အဓိပ္ပာယ် အနှစ်သာရ တူ မတူတော့ အသေအချာမပြောနိုင်ပါဘူး။ လေ့လာဆဲပါ။ နားလည်တဲ့သူများရှင်းပြပေးရင်တော့ ကျေးဇူးအထူးပါ။

ပညာရှင်တွေရဲ့ အငြင်းစကားတွေကို အဖြေမှန်ထုတ်နိုင်ဖို့၊ ဘုရားသခင်ကို ကိုးကွယ်သူများနဲ့ ဘုရားသခင်ထံမှ ကျရောက်လာသော ကျမ်းစာအုပ်များကို ယုံကြည်သူများအတွက် သက်သေခံနိုင်ဖုိ့၊ သက်ရှိသက်မဲ့များမှီတင်းနေထိုင်ရာ လောကကြီးကိုအကြောင်းကို ပိုမိုသိနိုင်ဖို့၊ အခုထက်ပိုမိုသာတောင့်သာယာဖြစ်စေမဲ့ ကမ္ဘာလောကကိုဖန်တီးပေးနိုင်ဖို့ စတဲ့ အမျိုးမျိုးသော ရည်ရွယ်ချက်တွေအတွက် သိပ္ပံပညာကလည်း မနေမနား ရှာဖွေနေဆဲပါ။

ကိုယ်ဆောက်တဲ့ အိမ်ကလေး

2008-10-18T13:19:00.000-07:00

ကိုယ်အိမ်ကလေး တစ်လုံးဆောက်နေတယ်..
ဟိုတုန်းကတော့ ဝိုင်းကူမယ့်သူတွေ အပြည့်နဲ့ပေါ့..
ဒါပေမဲ့ သိပ်စိတ်ကြီးတဲ့ကလေးမလေး ကိုယ်ကဝိုင်းကူရင် သိပ်မကြိုက်ချင်ဘူး..
ကိုယ်လုပ်တတ်ပါတယ်..ကိုယ်ဘာသာကိုယ် ဆောက်မယ်ပေါ့...
စမ်းသပ်ရင်း စူးစမ်းရင်းနဲ့ တဖြည်းဖြည်း ဆောက်ယူရပါတယ်...
အိမ်ပုံစံလေး ပုံပေါ်လာပေမဲ့ အရောင်တွေအကြောင်း ကိုယ်သိပ်မသိသေးဘူး...
ဘေးကနေ စိုးရိမ်ပူပန်စွာ တတွက်တွက်ပြောပေးမဲ့သူတွေရှိတော့ သိပ်မသိခင်အချိန်မှာ သူတို့စကားနားထောင်ရပါတယ်.
အရောင်တွေနဲ့ ဆော့ကစားရင်း ကျွမ်းကျင်လာတဲ့အချိန်မှာ ကိုယ်အရောင်ကိုယ်ရွေးလို့ ကိုယ်ဆေး ကိုယ်ခြယ် ရပါတယ်.
အစိုးရိမ်ကြီးတတ်တဲ့ သူတို့တွေကတော့ ကိုယ်အရောင်ရွေးမမှားအောင် သတိပေးစကားတွေ အကြိမ်ကြိမ်ဆိုပေမဲ့ နားဝင်တလှည့် မဝင်တလှည့်နဲ့ရယ်ပါ..
ှငှက်ကလေးတွေအတောင်စုံသလို ...အင်အားတွေစုံလာတဲ့ ကောင်မလေးကိုယ်ကလည်း အဝေးကြီးကို ဘာမှန်းမသိတဲ့ အကြောင်းပြချက် တပုံတပင်နဲ့ ပျံသန်းချင်နေပြီလေ..
အဝေးကြီးကိုရောက်တော့မှ ပိုသိခဲ့ရတာကတော့ အရင်တုန်းက သိပ်သတိမထားမိခဲ့တဲ့ ကိုယ်အိမ်လေးထဲက နွေးထွေးမှုတွေ၊ သင်းပျံ့တဲ့မွှေးရနံ့လေးတွေဟာ ကိုယ်အတွက် ပူပန်လွန်းတတ်သူတွေ ဖြည့်ဆည်းပေးခဲ့တဲ့အကြောင်းပေါ့...
အခုတော့လည်း အဲထိအရာတွေပြည့်စုံဖို့အတွက် ကိုယ်ဘာသာကိုယ် ကြိုးစားဖြည့်ဆည်းနေရပါတယ်...
ကိုယ်အရောင်ကိုယ် မဖြစ်မနေခြယ်ရတဲ့အချိန်ကျမှ အရင်တုန်းက သူတို့စကားတွေအကြီမ်ကြိမ် ကြားယောင်ပြီး အရောင်ရွေးမမှားအောင် အတော်လေး ဂရုစိုက်ရပါတယ်..
မိန်းမငယ်လေးကိုယ်က တစ်ယောက်ထဲနေရတာ အတော်လေး ပျင်းခြောက်ခြောက်နိုင်တယ်လို့ ထင်မြင်ယူဆတဲ့တနေ့ကျတော့ နောက်ထပ်အဖော်တစ်ယောက်ကို ကိုယ်အိမ်လေးထဲ ဖိတ်ခေါ်မိတယ်...
အဖော်ကောင်းလို့ ဆိုပေမဲ့ ဟိုအရင်တုန်းက လူတွေလောက်တော့ ကိုယ်အပေါ်စိတ်ရှည် အလိုလိုက်နိုင်မယ်လို့တော့ မထင်ပါဘူး..
အဲထိတော့ နည်းနည်းဗိုလ်ကျချင်တဲ့ ကိုယ်စိတ်ကို ဆုံးမရသေးတယ်...
အရင်တုန်းက ကိုယ်သဘောကျ အရောင်တွေခြယ်ခဲ့ပေမဲ့ အခုတော့ ကိုယ်အဖော်အလိုကိုလည်း လိုက်ရသေးတယ်..
ကိုယ်လိုချင်တဲ့အရောင် နဲ့ သူသဘောကျအရောင်တွေကြားက အဖြစ်နိုင်ဆုံးအရောင်တွေပဲ ရွေးချယ် ခြယ်မှုန်းနေတယ်..
ဘာလို့လဲဆိုတော့ နှစ်ဦးနှစ်ဖက် အဆင်ပြေပါမှ ကိုယ်အိမ်လေး သာယာမယ်မဟုတ်လား...
နွေးထွေးတဲ့ဂေဟာလေးဖြစ်အောင်လည်း တစ်ယောက်တစ်လက် ကြိုးစားဖြည့်ဆည်းရတာပေါ့..
လှပတဲ့ ရောင်စုံပန်းခင်းကြီးကတော့ ချက်ခြင်းမဖြစ်နိုင်ဘူးလေ..တော်တော်လေး အချိန်ယူရမယ့်ကိစ္စပေါ့..
ဒါပေမဲ့ ကိုယ်တို့နှစ်ယောက်လုံး မလျှော့တမ်း ကြိုးစားနေကြတယ်.. တစ်နေ့ဖြစ်ရမှာပေါ့..
တခါတရံကျရင်တော့ အထားအသို လွဲမှားမှုတွေနဲ့ ကိုယ်တို့နှစ်ယောက် အဆင်မပြေ ဖြစ်ချင်ကြသေးတယ်..
အဲလိုအချိန်ကျရင် ကိုယ်စိတ် ကိုယ်လည်း အတော်ဆုံးမရသေးတယ်..တရားသေ၊ တယူသန်မဖြစ်ဖို့...
ပတ်ဝန်းကျင်ကလည်း ကိုယ်တို့အိမ်လေးကို စိတ်ဝင်တစားကြည့်နေကြတယ်သိလား..
ကိုယ်တို့အိမ်လေး သမိုင်းကို ဘယ်လိုပုံစံ ရေးဖွဲ့သီကုံးမလဲ ဆိုပြီးတော့လေ..
အသေသပ် အလှပဆုံးနဲ့ လူသားအဆန်ဆုံးဖြစ်အောင် အကောင်းဆုံး ကြိုးစားနေရတယ်..
ကိုယ်အ်ိမ်လေး တစ်လုံးဆောက်နေတယ် သိလား....
ကိုယ်အိမ်လေး တစ်လုံးဆောက်နေတယ် သိလား....
ကိုယ်အိမ်လေး တစ်လုံးဆောက်နေတယ် သိလား..

ဈေးအကြီးဆုံး အိမ်

2008-10-18T13:17:00.000-07:00

Updown Court Price: £70 million ($138 million) Location: Windlesham, Surrey

2007 အတွက် အင်္ဂလန်ရဲ့ဈေးအကြီးဆုံးအိမ်လို့ ဆိုပါတယ်။

ဝယ်ချင်ရင် ဝယ်လို့ရအောင် အမြန်အကြောင်းကြားပေးတာပါ။

ပုံမှန်အိမ်ဈေးတွေက ပေါင်နှစ်သိန်း-သုံးသိန်းကြားရှိတတ်တာမို့ ..

သုံးသိန်းထဲလား ချက်ချင်းရှင်းပေးလိုက်မယ်လေ.. မြန်မာငွေနဲ့..လို့ အချင်းချင်း နောက်ပြောင်နေကျ ကျွန်မ...

အခုတော့ မြန်မာငွေနဲ့တောင် မရှင်းနိုင် ဖြစ်နေပါတယ်။

ဘယ်လိုပဲဖြစ်ဖြစ် အပျင်းပြေလျှောက်ကြည့်ပြီး သွားရည်ကျလို့ရတာပေါ့။

ဒိထပ်ပိုစိတ်ဝင်စားရင် အဲဒီမှာ စပ်စုလို့ရတယ်နော်။

ချစ်ခြင်း မေတ္တာ

2008-10-18T13:16:00.000-07:00

...အချစ်
မေတ္တာ
ချစ်ခြင်းမေတ္တာ...

လူတိုင်းနဲ့အလွန်နီးကပ်တယ်လို့ ထင်ရပေမဲ့ တခါတရံ လက်လှမ်းမမီသလိုမျိုး ဖြစ်တတ်ပါတယ်။

ကျွမ်းကျင်သယောင်ထင်ရပေမဲ့ ပြည့်စုံအောင်ဖန်တီးဖို့ ခက်ခဲနေတတ်ကြပါတယ်။

(လေ့ကျင့်မထားတဲ့အမုန်းတွေကျတော့ အပီပြင်ဆုံး ပုံဖော်နေဆဲပါ။)

လူတိုင်းဟာချစ်တတ်သူတွေပါလို့ ဆိုပေမဲ့ စနစ်တကျ တတ်မြောက်သူတွေ မဟုတ်ကြပါဘူး။

အဲဒိတော့ ကာရန်လေးတွေ အနည်းငယ်လွဲနေတတ်ကြပါတယ်။

မိဘ နှင့် သားသမီးကြားမှာရှိတဲ့ချစ်ခြင်းမေတ္တာတွေဟာလည်း တခါတရံ နားလည်မှုအံချော်နေတတ်ပြီး ပွင့်လင်းတဲ့ဆက်ဆံရေးမျိုးကနေ နည်းနည်းသွေဖယ်နေသယောင် ရှိနေတတ်စမြဲပါ။

ချစ်သူရည်းစား၊ လင်မယားကြားမှာလည်း ချစ်နည်းမမှန်၊ ချစ်လမ်း မကျလေတော့ တချို့တလေတွေမှာ ဟန်ပုံမရပါ။

တိုင်းပြည်၊လူမျိုးပေါ်ကိုလည်း တကယ်စိတ်ရင်း ချစ်ခြင်းမှန်ပေမဲ့ ပြသပုံလွဲ အသုံးမတည့် ဖြစ်တတ်ဆဲပါ။

အဲဒီလို အလွဲလွဲ အဖုံဖုံ မှားပွဲတွေမကြုံရအောင် “ ချစ်ခြင်းမေတ္တာ” ဆိုတဲ့ဘာသာဗေဒကို စနစ်တကျ ဆန်းစစ်လေ့လာပြီး ငယ်စဉ်ကစ သင်ကြားပေးခဲ့ရင် မနက်ဖြန်ကမ္ဘာဟာ ဒီနေ့ကမ္တာထက် နားလည်မှုချစ်ခြင်းတရားတွေနဲ့ ပိုမိုနွေးထွေး အသက်ဝင်လေမလားလို့..

ပိတောက်ပန်း

2008-10-18T13:15:00.000-07:00

ခူးချင်စမ်းပါနဲ့ နှစ်ဆန်းခါတော်မှီမို့

ဇမ္ဖော်ရည်ပြေပြေလိမ်းတာပါ ခပ်သိမ်းနယ်စုံစုံတို့

ပွင့်ငုံကိုလင့်ကုန်ကြတော့လို့ ခေါင်းကြွကာဆာဝေဝေနဲ့

သူလဲလေ လောကီသားလိုပါ့ ကြွားချင်လှပေလိမ့်မယ်

တသိန်တင့်ပါဘိ တိမ်မြင့်ရီပြာပြာက

ကြည်သာသာပင့်လေအဖျားတွင်ဖြင့် တီတာတာပွင့်ရွှေဖူးငယ်တို့

လည်ယှက်ကာ ဘယ်ညာလူးလေတော့ သူတို့လိုဘယ်သူမြူးနိုင်ပါ့

ထူးပါဘိတယ်...

တဝါဝါသင်္ကန်းရယ်က ကမ္ဘာမှာဘဝင်ချမ်းစေတဲ့

သာသနာရွှင်လန်းအောင်လို့ တမင်မှန်းတာပေါ့ သတိသွယ်

ရည်ရွယ်တော့သလား ခူးပါနဲ့ကွယ်

ပွင့်ဖူးမှာအဝါခြယ်၍ မာလာအလယ်မှာနွဲ့ချင်တဲ့နှလုံးရယ်ကြောင့်

နှစ်ဆုံးကုန်အတာဝင်သို့ မာန်အင်ကိုဥာဏ်ဆင်မွေးကာပါ့

အရေးအခါသာမှ ခမျာမှာတဂုဏ်ဆန်းရတယ်

ပန်းပိတောက်များ

ဆရာဇော်ဂျီ

နှစ်သစ် မင်္ဂလာ

2008-10-18T13:14:00.001-07:00

မြန်မာပြည်နဲ့ ဝေးတာကြာပြီဆိုတော့ သင်္ကြန်ကိုမေ့တေ့တေ့ဖြစ်နေတဲ့ကျွန်မ သူငယ်ချင်းနှစ်ယောက်အလည်လာမှပဲ စကားတွေပြောရင်း ဒီနေ့သင်္ကြန်စပြီဆိုတာ အမှတ်ရမိပါတော့တယ်။ အတူတူရောက်ပြီး အတူတူပျော်ရွှင်စရာအချိန်များစွာ ဖြတ်သန်းခဲ့ဖူးကြတဲ့ သူငယ်ချင်းတွေဆိုပေမဲ့ ကိစ္စကိုယ်စီနဲ့ နောက်ပိုင်း သိပ်မတွေ့ဖြစ်ကြပါဘူး။ ဒီနေ့မှ မှတ်မှတ်ရရ ပြန်ဆုံတာရယ်၊ သင်္ကြန်အထိမ်းအမှတ်ရယ် ပေါင်းပြီး မုန့်သွားစားပြီး လျှောက်လည်ကြပါတယ်။ ထုံးစံအတိုင်း စကားတွေဖောင်ဖွဲ့ ကြတာပေါ့။ သူငယ်ချင်းထဲမှာ စကားကိုတော်တော်မြန်မြန်ပြောတတ်ပြီး စလို့ နောက်လို့ ကောင်းတဲ့ အစ်ကိုတစ်ယောက်ပါ ပါတယ်။ သူနဲ့စကားပြောရင်ကို ရယ်စရာကောင်းပါတယ်။ သူကိုနောက်ရင်လည်း စိတ်ဆိုး၊ စိတ်ကောက်သိပ်မရှိပါဘူး။ တလမ်းလုံး သူကိုစရင်း၊ နောက်ရင်းနဲ့ တကယ့်ကိုပျော်စရာပါ။

အရင်နဲ့မတူတဲ့ထူးခြားချက်ကတော့ အရင်တုန်းက လျှောက်သွားကြရင် သူတုိ့ကို အိမ်မှာမျှော်မဲ့သူများမရှိလို့ ကြိုက်တဲ့အချိန်မှ ပြန်လို့ရပါတယ်။ အခုတော့ အိမ်မှာမျှော်သူကိုယ်စီ၊ ဖုန်းတွေကလည်း တတီတီဆိုတော့ အရင်တုန်းက စံချိန်တွေနဲ့စာရင် ခပ်စောစောပြန်ခဲ့ကြတယ်ဆိုပါတော့။ ဘယ်လိုပဲဖြစ်ဖြစ် ပျော်ရွှင်စရာ ညနေချမ်းလေးနဲ့ နှစ်သစ်ကိုအစပျိုးရတာ ကျေနပ်စရာပါ။

အားလုံးပဲ နှစ်သစ်မှာ ပျော်ရွှင်ကြပါစေနော်။

Babie Genius

2008-10-18T13:12:00.001-07:00

ကျွန်မ internet ထဲမှာ ဟိုကြည့် ဒီကြည့်လျှောက်ကြည့်ရင်း youtube ထဲ ဘာရယ်မဟုတ် myanmar ဆိုပြီး search လုပ်လိုက်မိတယ်။ မြန်မာနဲ့ပတ်သတ်တဲ့အကြောင်းအရာတော်တော်များများပါတဲ့ video clipတွေ ကျလာတယ်ဆိုပါတော့။ အိပ်ငိုက်စပြုနေတဲ့ကျွန်မကို မျက်စိကျယ်သွားစေတဲ့ video clip လေးကတော့ Baby Genius from myanmar ပါတဲ့ရှင်။ MRTV4 မှာပါတဲ့သတင်းကို youtubeပေါ်ပြန်တင်ပေးထားတဲ့သူကို တော်တော်လေးကျေးဇူးတင်သွားတယ်။ အရမ်းစိတ်ဝင်စားသွားတာနဲ့ ဒိပြင်နိုင်ငံက ကလေးတွေအကြောင်းပါ ထပ်ရှာကြည့်တော့ ကြည့်ကြပါဦးရှင်။

http://www.youtube.com/watch?v=MwjwSCTnBBE&mode=related&search

http://www.youtube.com/watch?v=g0UpCrEd4l0&mode=related&search

သူတို့လို ကောင်းမြတ်တဲ့အရည်အချင်းပိုင်ရှင် အနာဂတ်စွမ်းအင်တွေရဲ့လက်ထဲမှာ ကျွန်မတို့နေထိုင်မှီတင်းရာကမ္ဘာမြေကြီးဟာ အခုထက်ပိုမို လှပပြည့်စုံလာမယ်လို့ အတိအကျယုံကြည်မိပါတယ်ရှင်။

ဆရာ မြသန်းတင့်သို့ အမှတ်တရ

2008-10-18T13:10:00.000-07:00

ကျွန်မ ပထမဆုံးစဖတ်ဖူးတဲ့ ဆရာရဲ့စာအုပ်က “ လေရူးသုန်သုန် ” ပါ။ ဖတ်ဖတ်ချင်းထဲက အရမ်းနှစ်သက်ခဲ့ရပြီး အခုအချိန်ထိလည်း အကြိုက်ဆုံးစာအုပ်စာရင်းထဲမှာ ပါ ပါတယ်။ ဘာသာပြန် ဆိုပေမဲ့ အရေးအသားက အရမ်းကို ညက်ညောလွန်းပါတယ်။ နောက်ပိုင်းကြားဖူးတာက ဆရာဘာသာပြန်ရင် စာတကြောင်းဖတ်၊ တကြောင်းပြန်နဲ့ ဆက်တိုက်ရေးတာဆိုလို့ အရမ်းအထင်ကြီးလေးစားရခဲ့ဖူးပါတယ်။ ဒုတိယမြောက်ဖတ်ဖူးတဲ့စာအုပ်က ကိုယ်တိုင်ရေးဝတ္ထုတစ်ပုဒ် ဖြစ်တဲ့ “ ဓားတောင်ကိုကျော်၍ မီးပင်လယ်ကို ဖြတ်မည် ” ပါ။ အသက်ခပ်ငယ်ငယ်တုန်းက ဖတ်ဖူးတာမို့ ဇာတ်လမ်းကိုသာ မှတ်မိနေတဲ့ကျွန်မ ဆယ်နှစ်လောက်အကြာမှာ ပြန်ဖတ်တော့ ဆရာပေးချင်တဲ့ ဒသနတွေ၊ လေးနက်တဲ့ခံယူချက်တွေ အံသြတကြီး တွေ့ခဲ့ရဖူးပါတယ်။ တတိယမြောက်ဖတ်ဖူးတဲ့စာအုပ်က “ စစ်နှင့် ငြိမ်းချမ်းရေး ” ပါ။ ဇာတ်လမ်းကို သိပ်မကြိုက်လှပေမဲ့ ဆရာရဲ့ အမာခံ ပရိသတ်အဖြစ် ကိုယ်ကိုယ်ကို သေချာခဲ့ရပါတယ်။ အဲဒိနောက်ပိုင်း တတ်နိုင်သမျှ ဆရာစာအုပ်တွေ ရှာဖွေ ဖတ်ရှုခဲ့ပြီး အကြိုက်ဆုံးစာရေးဆရာတစ်ယောက်အဖြစ် သတ်မှတ်ခဲ့တာပါ။

မိန်းမတို့အကြောင်း စာအုပ်မှာဆိုရင်လည်း မူရင်းစာအုပ်နဲ့တိုက် ဖတ်ကြည့်ရင် ဆရာ ဘယ်လောက်တော်တယ်ဆိုတာ အသေအချာတွေ့ရမှာပါ။ မူရင်းစာအုပ်က ကျမ်းငယ်ဖြစ်ပြီး စာရေးသူကလည်း မိန်းမ၊ ရေးထားတဲ့အကြောင်းအရာကလည်း မိန်းမတို့အကြောင်း။ ဒါပေမဲ့ အဲဒိကျမ်းငယ်ကို တအုပ်လုံး ဘာသာပြန်လိုက်ရင် မြန်မာစာဖတ်သူများအနေနဲ့ ပျင်းရိသွားနိုင်ပါတယ်။ အဲဒိတော့ဆရာက သူပေးချင်၊ ပြောချင်တဲ့အကြောင်းအရာကိုပဲ ကွက်ကွင်းကွင်းကွင်း မြင်သာထင်သာအောင် ဖော်ပြထားတာ တကယ်ကို ချီးကျူးစရာပါ။

“လွမ်းမောခဲ့ရသော တက္ကသိုလ်နွေညများ” ဆိုရင် ကျွန်မရဲ့အသည်းစွဲ။ ဘယ်တော့ဖတ်ဖတ်မရိုးတဲ့စာအုပ်။ ပြန်ဖတ်တိုင်းလည်း ကျောင်းတွေပြန် တက်ချင်လောက်အောင် ဆွဲဆောင်နိုင်တဲ့စာအုပ်။ တက္ကသိုလ်ဆိုတာ ဘဝရဲ့ အမှတ်တရပါ။

တခါတရံ ဘာသာပြန်မှု ဆိုတာ ဘာသာစကား ကျွမ်းကျင်ရုံလောက်နဲ့ မလုံလောက်သေးပါဘူး။ ဇာတ်လမ်း နောက်ခံအကြောင်းအရာ၊ သမိုင်းအနေအထား နှင့် ခေတ်ကာလအခြေအနေကိုပါ နားလည်မှ ပိုမိုပြည့်စုံပြီး ဖတ်လို့ကောင်းတတ်တာမျိုးပါ။ ကျွန်မက ဘာသာပြန်စာအုပ်ကို ဖတ်တော့မယ်ဆိုရင် ဘာသာပြန်သူနာမည်ကို အရင်ကြည့်တတ်ပါတယ်။ ဘာသာပြန်သူကောင်းမှ စာအုပ်အရသာက ပိုမိုပေါ်လွင်လေးနက်လာစေလို့ပါ။ တချို့ဘာသာပြန်သူများဆို စာအုပ်အရသာဖျက်ဆီးရုံတင်မက လုံးဝဆက်မဖတ်ချင်လောက်တဲ့အထိ အစွမ်းအစရှိကြလို့ပါ။

ဆရာကတော့ ဘာသာပြန်တင် ကောင်းတာလားဆိုတော့ မဟုတ်ပါဘူး။ ကိုယ်တိုင်ရေး စာအုပ်တွေလည်းကောင်းပါတယ်။ ဝတ္ထုတိုတွေဆိုရင်လည်း အင်မတန်ဖတ်လို့ကောင်းလှပါတယ်။ ကျွန်မသိပ်ကြိုက်တာကတတော့ “ပန်းတပွင့်၏လူသတ်ခန်း” ဆိုတဲ့ ဝတ္ထုတိုလေးပါ။ ဆရာပေးချင်တဲ့ ဒသနတွေ၊ အယူအဆတွေကို သိမ်သိမ်မွေ့မွေ့လည်း ပေးထားတယ်လို့ ကျွန်မတော့ ယူဆပါတယ်။

ဒုတိယကမ္ဘာစစ်ကြီးရဲ့သမိုင်းတဲ့...ဟားဟား .. သူတို့ပဲမြူးနစ်စာချုပ်နဲ့ ဟစ်တလာကို ပလူးပြီးတော့ သူတို့ပဲဟစ်တလာကို ပြန်တိုက်တယ်။ သူတို့ပဲ လူ 55 သန်းကို သတ်ပစ်ပြီး သူတို့ပဲ လူ 55 သန်းသတ်တဲ့အကြောင်းကိုစာအုပ်ရေးပြီး ရုိုက်ထုတ်ရောင်းတယ်။ ဒီ လူတွေကျတော့ မရူးဘူး။ ငါ့ကျမှ ရူးသတဲ့....

တဂိုးဝတ္ထုတွေမှာဆိုရင်လည်း ဆရာရဲ့ ဗဟုသုတ နဲ့ စာဖတ်များပုံတွေကို တွေ့မြင်ရမှာပါ။ ချီးကျူးအမွှမ်းတင်ရမည်ဆိုလျှင် ကုန်နိုင်အံမထင်။ ဂျာနယ်ကျော်မမလေးအကြောင်းရေးထားတဲ့စာအုပ်မှာဆိုရင်လည်း ဆရာရဲ့ပြတ်သားတဲ့အယူအဆနဲ့ ခံယူချက်တွေကို ထင်ထင်ရှားရှားတွေ့ရမှာပါ။ ဒိလောက်စာဖတ်နာတဲ့၊ ဗဟုသုတကြွယ်ဝတဲ့၊ စာတွေအများကြီးရေးခဲ့တဲ့ ဆရာက မချမ်းသာပါဘူး။ ဆင်းရဲတယ်လို့တောင် ပြောလို့ရပါတယ်။ အင်မတန်ချစ်ခင်ရင်းနှီးတဲ့ မိတ်ဆွေတွေရဲ့အကူအညီကိုတောင် မယူတတ်သူပါ။ သူတပါးအထောက်အပံနဲ့ အသက်မရှုတတ်သူပါ။ ပြတ်သားတဲ့ခံယူချက်တွေနဲ့ ထောင်နန်းစံဖို့လည်း ဝန်မလေးတတ်သူပါ။
ဆရာ .... ဆရာပရိသတ်အတွက် ဘယ်တော့မှ မသေမဲ့ စာပေသူရဲကောင်း၊ ခေတ်တခေတ်ရဲ့လိုအပ်ချက်၊ သမိုင်းတခုရဲ့ ရုပ်ကြွင်းပါ..
ဆရာစာပေတွေဟာလည်း အမြဲတမ်းရှင်သန်လန်းဆန်းနေမှာပါ။။

http://www.planet.com.mm/bookplanet/?linkpage=writers_detail&poet_id=9

အင်တာနက် မရှိသောနေ့ရက်များ

2008-10-18T13:08:00.000-07:00

ကျွန်မတို့နှစ်ယောက်ရဲ့ပေါ့လျော့မှု တခုကြောင့် အင်တာနက်နဲ့ တပတ်လောက်အဆက်ပြတ်သွားရပါတယ်။ ဘာလိုလို့ လိုမှန်းမသိ တော်တော်လေးကို အနေရ အထိုင်ရ ခက်လှပါတယ်။ ပုံမှန်ဆို မနက်နိုးတာနဲ့ ကွန်ပြူတာလေးအရင်ဖွင့်၊ coffee လေးသောက်ရင်း email လေးချက်၊ ပုံမှန်စစ်ရတဲ့ website တချို့ကိုစစ်၊ ကမ္ထာသတင်း၊ မြန်မာသတင်းလေး အမြန်ဖတ်။ ပြီးတာနဲ့ ရေမိုးချိုးး အလုပ်သွားလေ့ရှိတဲ့ ကျွန်မ။ ဒီတပတ်တော့ မိုးလင်းတာနဲ့ ယောင်ချာချာ ဘာလုပ်လို့ လုပ်ရမှန်းမသိ။ ခံစားချက်က မကောင်းလှတာတော့ သေချာပါတယ်။

အဆိုးဆုံးအချိန်ကတော့ ညနေအလုပ်ပြန်တဲ့အချိန်ပါ။ ပုံမှန်ဆို အလုပ်ကပြန်လာလို့ အိမ်ထဲဝင်တာနဲ့ ပထမဆုံးလုပ်တဲ့အလုပ်က ကွန်ပြူတာဖွင့်တဲ့အလုပ်ပါ။ သီချင်းလေးဖွင့်ထားပြီး ညနေစာလေး ပြင်ဆင်၊ စားသောက်ပြီးတာနဲ့ အင်တာနက် စသုံးတော့တာပါပဲ။
အဲဒိတပတ်မှာတော့ ညရောက်ရင် ဘာလုပ်ရင်ကောင်းမလဲတွေး တွေးပြီး တကယ် စိတ်လေပါတယ်။

မြန်မာပြည်နဲ့ဝေးနေတာကြာနေတဲ့ကျွန်မအဖို့ မီးပျက်ရင်ခံစားရတဲ့ခံစားချက်မျိုး မခံစားရတာအတော်လေးကြာပြီလို့ ဆိုရပါမယ်။ အင်တာနက်ပျက်တဲ့ ခံစားချက်က မီးပျက်တဲ့ ခံစားချက်လိုပဲ အခံရခက်လှပါတယ်။ အင်တာနက်ပဲ အပြင်မှာသွားသုံးပေါ့၊ မရဖူးလားလို့မေးခဲ့ရင် ဟုတ်ကဲ့ သုံးလို့တော့ ရပါတယ်။ ဒါပေမဲ့ အိမ်မှာသုံးနေကျ ကျွန်မအတွက် အပြင်မှာအင်တာနက်သုံးရတာ အိမ်မှာမီးပျက်လို့ မီးလာတဲ့ လမ်းထိပ်မုန့်ဆိုင်မှာ သွားထိုင်သလိုပါပဲ။ သိပ်တော့ သက်တောင့်သက်သာ မဖြစ်လှပါဘူး။

ဒါပေမဲ့ ဒိတပတ်အတွင်း ညဘက်ပျင်းတိုင်း၊ အင်တာနက်မရှိတိုင်း စိတ်နာနာနဲ့ ဖတ်လိုက်တာ စာအုပ်တွေ တော်တော်များများ ပြီးသွားပါတယ်။မြသန်းတင့်ရှဲ့“ဓားတောင်ကိုကျော်၍မီးပင်လယ်ကို ဖြတ်မည်” ပြန်ဖတ်ဖြစ်တယ်။
How to become a great boss ဆိုတဲ့စာအုပ်ကို ကြီးကြီးကျယ်ကျယ် စိတ်ကူးတွေယဉ်ပြီး ဖတ်ဖြစ်တယ်။ letters from inside ဆိုတဲ့ 16နှစ်အရွယ် ကလေးမလေးနှစ်ယောက် pen friend ဖြစ်ပြီး တယောက်နဲ့တယောက်အပြန်အလှန်စာတွေရေးတဲ့အကြောင်း
ရေးထားတဲ့စာအုပ်က ဖတ်လက်စ တန်းလန်း။ဒိတပတ်လုံးနီးပါး စိတ်ဝင်တစားနဲ့ကို ဖတ်ဖြစ်တာက world book တွေပါ။ စာလုံးတလုံးကို စာတအုပ်ဆိုတော့ အကုန်တော့မပြီးပါဘူး။ a , c , l , t လေးအုပ်ပဲပြီးပါသေးတယ်။တော်တော်လေး စိတ်ဝင်စားစရာကောင်းပါတယ်။ အဲဒိစကားလုံးနဲ့ပတ်သတ်တဲ့ ထင်ရှားကျော်ကြားတဲ့ ပစ္စည်းတွေ၊ မြို့တော်တွေ၊ အကြောင်းအရာတွေ နဲ့ ကမ္ဘာကျော် ပုဂ္ဂိုလ်တွေအကြောင်းမကျန် စုံစုံလင်လင်ပါပဲ။ ဥပမာပြောရရင် t ဆိုပါစို့။ စာအုပ် စစချင်း T ဆိုတဲ့ စကားလုံး စတင်ပေါ်ပေါက်လာပုံ ရှင်းပြထားတယ်။ ပြီးရင် teeth, telephone, telescope, television, theater စတဲ့ အကြောင်းအရာတွေ ၊timezone က အစ ဘယ်လိုသတ်မှတ်တယ်ဆိုတာတွေ ဓာတ်ပုံတွေနဲ့ အသေအချာကို ရှင်းပြထားပါတယ်။

အခုတော့ အင်တာနက်ပြန်ရပြီဆိုတော့ အဲဒိစာအုပ်တွေ ခဏမေ့ထားလိုက်ပါဦးမယ်။ ကြည်အေး စကားနဲ့ပြောရရင်
“ အင်တာနက်တောမှာ မျောပါရစေဦး...”

အမေ

2008-10-18T13:05:00.000-07:00

လွန်ခဲ့သော တနှစ်လောက်က ကျွန်မ နောက်ထပ်အမေတယောက်ကို ထပ်မံပိုင်ဆိုင်ခွင့်ရခဲ့ပါတယ်။ ကျွန်မနဲ့ တကြိမ်ထဲသာ ဆုံခဲ့ဖူးပေမဲ့ သူ့ပုံရိပ်က ကျွန်မအာရုံထဲမှာ စွဲထင်နေလို့ ဒီနေ့မှာ သူကိုလည်း အမှတ်တရပါ။

သူနဲ့ကျွန်မနဲ့ စတင်တွေ့ဖူးတဲ့အချိန်မှာ ဘယ်လိုပတ်သတ်တော်စပ်ရမယ်ဆိုတာ အတိအကျ မသိနိုင်သေးတဲ့အချိန်ပါ။ ဒါပေမဲ့ သူရဲ့နွေးထွေးတဲ့စေတနာ တွေကိုတော့ အတိအကျ ကျွန်မနားလည်နိုင်ခဲ့ပါတယ်။ ကျွန်မ ရန်ကုန်ကို အလည်ခဏပြန်တုန်း သူသားလူကြုံပေးလိုက်တဲ့ ပစ္စည်းတွေကို ပေးဖို့ သူတို့ဇနီးမောင်နှံနဲ့တွေ့တဲ့အချိန်မှာ သူပထမဆုံး လုပ်တာက ပစ္စည်းတွေထက် ကျွန်မလက်ကို လှမ်းကိုင်ပြီး သူအိမ်ကို အလည်တခါတည်း လိုက်ခဲ့ပါတဲ့။ ဘာပြန်ပြောရမှန်းမသိဖြစ်နေတဲ့ကျွန်မအတွက် လိုက်ပို့တဲ့အစ်ကိုဆီမှာ ထပ်ပြီးခွင့်တောင်းပါတယ်။ သမီးကို အိမ်အလည် ခဏခေါ်သွားပါရစေတဲ့။ အစ်ကိုကတော့ အဆင်ပြေအောင် ပြောတတ်ပါတယ်။ ဒီနေ့မှ ပြန်ရောက်တာမို့ နောက်နေ့ကျမှ လွှတ်လိုက်ပါမယ်တဲ့။ ကျွန်မကိုလည်း သူအိမ်ကို နောက်နေ့အလည်လာဖြစ်အောင်လာဖို့ အထပ်ထပ်အခါခါ မှာ ကြားသွားပါတယ်။

နောက်နေ့ ကျွန်မအလည်သွားတဲ့နေ့မှာ ကျွန်မဘာကြိုက်တတ်မှန်း၊ ဘာစားတတ်မှန်းမသိလို့တဲ့ လုပ်ထားလိုက်တဲ့ မုန့်တွေ စုံနေတာပဲ။ မုန့်တွေအဝကျွေးရုံနဲ့အားမရသေးပဲ သူအိမ်နားမှာ ရှိတဲ့ဆွေမျိုးသားချင်းတွေရော၊ ရပ်ဆွေရပ်မျိုးတွေနဲ့ရော စုံနေအောင်မိတ်ဆက်ပေးပါတယ်။ မိတ်ဆက်သာပေးနေတာ ဘယ်လိုအနေအထားနဲ့ မိတ်ဆက်ပေးရမှန်း မသိဖြစ်နေတဲ့သူက တွေ့သမျှကို “ ဒါ ဟိုကနေ အလည်ခဏပြန်လာတဲ့ သမီးလေ” ဆိုတဲ့စကား အတွင်တွင်သုံးပြီး မိတ်ဆက်ပေးပါတယ်။ တနေကုန်နီးပါး စကားပြောပြီး ညနေစောင်းအိမ်တိုင်ရာရောက် ပြန်ပို့ပေးတဲ့ သူပုံရိပ်က ကျွန်မကြောက်ရွံ့ခဲ့ဖူးတဲ့ တဦးတည်းသောသားတွေရဲ့ အမေ ပုံစံ သိပ်မပေါက်တာတော့ သေချာပါတယ်။

အဲဒိအချိန်တုန်းက ကျွန်မရဲ့ဘာမှန်းမသိသေးတဲ့ လူတယောက် ရန်ကုန်ပြန်လည်ချိန်မှာလည်း ကျွန်မအတွက်ဆိုပြီး အမေသေသေချာချာ ထည့်ပေးလိုက်တဲ့မုန့်တွေ၊ စားစရာတွေအတွက် အတော်လေး ပျော်ရွှင်ကြည်နှူးခဲ့ဖူးတာအသေချာပါ။

နောက်ထပ်နှစ်နှစ်လောက်ကြာတဲ့အခါမှာ တိတိကျကျသေသေချာချာ ပတ်သတ်ရတော့မဲ့အနေအထားတခုကို ရောက်လာပါတော့တယ်။ ကျွန်မအိမ်ကို လာနားဖောက်ချင်တဲ့အကြောင်း အဖေကို အသိပေးတဲ့အခါမှာ အဖေဟာ တော်တော်ကြီး ထိခိုက်ခံစားသွားရပါတယ်။ မိသားစုတွေကို စကားကောင်းကောင်း ပြန်မပြောနိုင်တော့ဘဲ အငယ်ဆုံး သမီးလေးအတွက် စိုးရိမ်ပူပန်စွာ စဉ်းစားခန်းတွေဝင်လိုက်တဲ့အတွက် တော်တော်လေးနေမကောင်းဖြစ်သွားတဲ့အထိပါပဲ။ ကျွန်မမိသားစုတွေလည်း အဖေကို ကြောက်ရသူတွေပီပီ အဲဒိကိစ္စ ဘယ်သူမှ ထပ်မမေးရဲပါဘူး။ နှစ်လလောက်ကြာမှ အဖေပြန်ပြောတဲ့ စကားက သူဖြစ်ချင်တာတွေ လိုက်လျောပေးနိုင်ရင် စကားလက်ခံပြောပါမယ်တဲ့။ ကျွန်မအိမ်ဘက်က အဲဒိလောက် လိုက်လျောရင်ပဲ အတော်ဝမ်းသာကျေနပ်ဖွယ်ကိစ္စမို့ ဘာဆိုဘာမှ ထပ်ပြီး အထွန့်မတက်ရဲပါဘူး။

ကျွန်မအ်ိမ်ဘက်က ပြန်ပြောတဲ့စကားကိုတောင် တဖက်မှာပြန်ပြောဖို့အတော်လေး သတ္တိမွေးရပါသေးတယ်။ ကျွန်မတို့နှစ်ယောက်ကြားမှာ ရှိတဲ့ ကွာခြားချက်အဟန့်အတားကြီးက အတော်လေး ကြီးမားခိုင်ခန့်လွန်းတာမို့ အဆင်ပြေဖို့ဆိုတဲ့ကိစ္စက အတော်လေး မဖြစ်နိုင်တဲ့ကိစ္စပါ။ လိုက်လျောမယ့်သူက လိုက်လျောမဲ့ဟန်ရှိရင်တောင် တောင်းဆိုရမဲ့ကျွန်မက အားနာနေမိပါတယ်။

သူတို့နဲ့ဖုန်းပြောဖို့ သတ္တိမရှိဖြစ်နေတဲ့ကျွန်မကို သူကိုယ်တိုင်ဖုန်းခေါ်ခိုင်းပါတယ်။ ဖုန်းကိုင်ကိုင်ချင်း ဘာပြောရမှန်း ဘယ်လိုခေါ်ရမှန်းမသိဖြစ်နေတဲ့ကျွန်မကို “ သမီး ဘာမှ စိတ်မပူနဲ့။ အမေ အကုန်လုံးအဆင်ပြေအောင် ညှိပေးမယ်။ သမီး မျက်နှာမငယ်ရအောင် အမေ စီစဉ်ပေးမယ် ” ဆိုတဲ့စကားက ကျွန်မကို ဘယ်လောက်အားဖြစ်စေတယ်ဆိုတာ ကျွန်မကိုယ်တိုင်သာအသိဆုံးပါ။ သူပြောတဲ့စကားအတိုင်း အလုပ်နဲ့သက်သေပြသွားတဲ့ သူရဲ့မေတ္တာ၊ စေတနာတွေအတွက် တကယ်ကို ကျေးဇူးအထူးပါ အမေ။

ဘယ်လိုပဲဖြစ်ဖြစ် ကျွန်မဘဝမှာ သိပ်ကို ချစ်စရာကောင်းတဲ့၊ အကြင်နာမေတ္တာကြီးမားလွန်းတဲ့၊ အမေ သိပ်ပီသတဲ့ အမေနှစ်ယောက်ကို ပိုင်ဆိုင်ခွင့်ရတာ အတော်လေးကျေနပ်ဂုဏ်ယူစရာကောင်းတဲ့ ကိစ္စပါ။ အမေတွေရဲ့ မေတ္တာတွေကို ခံစားနေရပြီး ကိုယ်က ဘာမှ ပြန်မပေးဆပ်နိုင်သေးတဲ့အတွက်လည်း ကိုယ်ကိုယ်ကို အားမလို၊ အားမရဖြစ်ရတဲ့ အကြိမ်ပေါင်းလည်း မနည်းတော့ပါဘူး။

ဒါပေမဲ့ အခုတလော အမေ သိပ်နေမကောင်းဖြစ်နေပါတယ်။ သိပ်စိတ်ထက်ပြီး အလုပ်ကို ကိုယ်တိုင်ကိုယ်ကျ လုပ်ရမှကျေနပ်တတ်တဲ့ အမေ၊ စိတ်သွားတိုင်း ကိုယ်သိပ်မပါနိုင်လို့ အားမလိုအားမရဖြစ်နေတဲ့အမေကို ဒီနေ့မှာ မေးခွင့်ရမယ်ဆိုရင် စကားလေးတခွန်းမေးချင်ပါတယ်...

မေမေ နေကောင်းလား မေမေ....

ချစ်စွာသော အမသို့ ( အမေများနေ့ အမှတ်တရ )

2008-10-18T13:03:00.001-07:00

ဒီနေ့ ကျွန်မနေတဲ့ နိုင်ငံရဲ့ အမေများနေ့ပါ။ အမေများနေ့ဟာ တနိုင်ငံနဲ့ တနိုင်ငံ သတ်မှတ်ထားတဲ့နေ့တွေ မတူညီကြပါဘူး။ ပြီးတော့ တနှစ်နဲ့ တနှစ်လည်း ရက်တွေမတူညီကြပါဘူး။ ဒါကတော့ သတ်မှတ်ချက်တွေပေါ့လေ။ ထားပါတော့။ အဓိက ကတော့ ရင်ထဲမှာ သတ်မှတ်ထားဖို့ပဲ လိုအပ်တာပါ။

တချို့လူမျိုးအစွဲ၊ ဘာသာရေးအစွဲတွေမှာ ယောင်္ကျားအဖြစ်ကို ရရှိတာဟာ မြင့်မြတ်တယ်လို့ ယူဆကြပါတယ်။ ကျွန်မအတွက်ကတော့ (မိန်းမသားဖြစ်နေလို့လားမသိ) မ်ိန်းမတယောက်ဘဝမှာ အမေအဖြစ်ကို ရရှိတာဟာ မြင့်မြတ်တယ်လို့ ယူဆပါတယ်။ ကျွန်မကြားဖူးတဲ့ စကားလေးအရဆိုရင် ကမ္ဘာပေါ်မှာ ရှိတဲ့ဘာသာတိုင်းဟာ ပေါ်ပေါက်တဲ့ ခုနှစ်သက္ကရာဇ်ခြင်းလည်း မတူညီကြပါဘူး၊ ဘာသာရေးခေါင်းဆောင်များ ပေါ်ပေါက်တဲ့ တိုင်းပြည်၊နေရာဒေသများလည်း မတူညီကြပါဘူး။ ဒါကြောင့် နေရာဒေသတိုင်း၊ အိမ်တိုင်းကို ဘုရားသခင်မကြွရောက်နိုင်တဲ့အတွက် နေရာတိုင်း၊အိမ်တိုင်းမှာ အမေတွေကို ဆောင်ကြဉ်းပေးထားတာပါတဲ့။

ကျွန်မ မိသားစုမှာ အမေကို မောင်နှမတွေအားလုံးက “အမ”လို့ ခေါ်ကြပါတယ်။ ဟိုးအရင်တုန်းက အမေက ကျောင်းဆရာမလုပ်ခဲ့ဖူးသူမို့ ကျောင်းအမ လို့ခေါ်ရင်းပဲ အမ လို့ခေါ်လေသလား။ ဒါမှမဟုတ် အထက်အညာဒေသကလို အမေကို အမ ရယ်လို့ပဲခေါ်လေသလားတော့မသိ။ ဘယ်လိုကြောင့်မှန်းတော့မသိ ကျွန်မသိတတ်စ အရွယ်ထဲကနေ အခုအချိန်ထိ ချစ်ခင်မြတ်နိုးစွာ ခေါ်ဝေါ်မိတာကတော့ “အမ”ရယ်ပါ။

ကျွန်မတို့အိမ်မှာ မောင်နှမတွေများတာကြောင့် မောင်နှမချင်းရန်ပွဲတွေအတွက် အမကို လိုအပ်သလို စနေသားပီပီ သိပ်စိတ်ကြီးတတ်တဲ့ အဖေအနားမှာနေဖို့အတွက်လည်း အမ ကို မရှိမဖြစ်လိုအပ်ပါတယ်။ တအိမ်သားလုံးအတွက် မိုးလင်းကနေ မိုးချုပ် မရှိမဖြစ်လိုအပ်ချက်ကတော့ အမ ရယ်ပါ။ ကျွန်မမိဘတွေ လက်ထက်တုန်းက အရမ်းကို ရုန်းကုန်လှုပ်ရှားခဲ့ရပြီး ပညာကိုလည်းတော်တော်လေး ကြိုးကြိုးစားစား သင်ခဲ့ရဖူးတော့ သားသမီးတွေလက်ထက်မှာ လိုလေသေးမရှိ ထားပေးချင်ခဲ့တာ သူတို့ရဲ့ မေတ္တာတွေပါ။ အဲဒါတွေကို နားမလည်တတ်ခဲ့တဲ့၊ မိုက်မဲတတ်တဲ့ ကျွန်မတို့မောင်နှမတွေဟာ ဆိုးသွမ်းမိုက်မဲတယ်လို့ မဆိုသာရင်တောင် သိပ်လိမ္မာတဲ့ သားသမီးတွေ မဖြစ်ခဲ့ကြပါဘူး။ အထူးသဖြင့် အမ အပေါ်မှာ ဆိုးသွမ်းအနိုင်ယူခဲ့ကြပါတယ်။

အမ ဘာကြိုက်တတ်သလဲဆိုတာ ဘယ်သူမှ မသိပေမဲ့ အဖေအကြိုက်၊ ကျွန်မတို့မောင်နှမ အားလုံးရဲ့အကြိုက်ကို ပြည့်စုံအောင် ဖန်တီးပေးစွမ်းတာ အမ ရယ်ပါ။ မနက်မိုးလင်းတာနဲ့ အမဟာ ဈေးကို အမြန်ပြေးရပါတယ်။ အဖေကလည်း မနက်စာကို သူစားနေကျမုန့် နဲ့ ပုံစံကနေ သိပ်ပြောင်းပြီး စားလေ့မရှိပါဘူး။ နေ့တိုင်းလည်း မထပ်အောင် သူအကြိုက်လည်းဖြစ်အောင် အဆင်ပြေအောင်စီစဉ်ပေးရပါတယ်။ မောင်နှမတွေရဲ့အကြိုက်ချင်းဟာလည်း တယောက်နဲ့တယောက် လုံးဝကိုမတူပါဘူး။ ပြီးတော့ ဝယ်ရတဲ့ နေရာချင်းတွေလည်း သိပ်မနီးလှပါဘူး။ ဒါပေမဲ့ အမ ဟာအားလုံးကို အဆင်ပြေအောင် အတတ်နိုင်ဆုံး ကြိုးစားဖြည့်ဆည်းပေးပါတယ်။ အဲဒိလောက်လုပ်ပေးတဲ့ကြားကမှ အကြိုက်မဟုတ်ခဲ့ရင် သိပ်ကိုလိမ္မာတဲ့ ကျွန်မတို့မောင်နှမတွေက အပြိုင်အဆိုင် စိတ်ကောက်ကြပါသေးတယ်။

မနက်မုန့်ကိစ္စပြီးသွားတော့ ဟင်းကိစ္စကျတော့ကော။ အဖေက အသားသိပ်စားလေ့မရှိပါဘူး။ နေ့တိုင်း ချဉ်ရည်ဟင်းတခွက်ပါအောင်ချက်ရပါတယ်။ အကိုများကတော့ အသားဟင်းမပါရင် စကားများကြပါတယ်။ ကျွန်မကတော့ အရိုးများတဲ့ငါးဟင်းကိုချက်ရင်၊ ဟင်းတွေသိပ်စပ်ရင် ဂဂျီဂဂျောင်ကျပါတယ်။ ပြောရရင် တယောက်တမျိုး မရိုးရအောင် ဦးနှောက်စားကြပါတယ်။

အိမ်ကိစ္စတွေမှာတင် ဒိလောက်အလုပ်တွေရှုပ်နေတော့ အိမ်အလုပ်ချည်းလုပ်ရတဲ့အမေလားဆိုတော့ မဟုတ်သေးပါဘူး။ အဖေကို ဝိုင်းကူပြီး စီးပွားလည်းရှာရပါသေးတယ်။ အဲဒိတော့ ဘယ်အချိန်နားရသလည်းဆိုရင် ကျွန်မမှတ်မိသလောက် အမ အညောင်းပြေ၊ အညာပြေ ထိုင်နားနေတတ်တယ် ဆိုတာတောင်ရှားပါတယ်။ အိပ်ချိန်ကျမှသာ အိပ်ရင်းနားတာလောက်ပါပဲ။ တပတ်တရက်ရတတ်တဲ့ တနေင်္ဂနွေဆိုင်ပိတ်ရက်မျိုးမှာလည်း မောင်နှမတွေ လိုအပ်ချက်တွေဝယ်ပေးဖို့၊ မိသားစုကို အိမ်မှာလုပ်တဲ့ ငါးထမင်းချဉ်၊ မုန့်ဟင်းခါး၊ ကျောက်ကျော စသည်ဖြင့် တခုပြီးတခု လုပ်ကျွေးဖို့နဲ့ မအားလပ်တတ်အောင်ပါပဲ။ သူဘယ်လောက် အလုပ်တွေရှုပ်ရှုပ် သားသမီးတွေကို ကူပါလို့ အတော်ပြောခဲတဲ့အမပါ။ ရှိသမျှကိစ္စ တယောက်တည်း သိမ်းကျုံးလုပ်ပြီး သားသမီးတွေကို ဘယ်တော့မှ မခိုင်းရက်တဲ့အမပါ။

အမက သားသမီးတွေကို ဘယ်လောက်တောင် ဂရုစိုက်သလဲဆိုရင် ငယ်ငယ်တုန်းက မောင်နှမတွေ ခဏခဏ ဖျားချင်မိတဲ့အထိပါပဲ။ဖျားတော့မှ အမကို နှစ်ဆတိုးဂျီကျပြီး အမရဲ့အပြုစု အယုယကို နှစ်ဆတိုး ခံရမှာမို့လေ။ အဲဒိလောက်တောင် အမဟာ သားသမီးကို ဂရုစိုက်ပါတယ်။

အငယ်ဆုံးမို့တမျိုး၊ မောင်နှမတွေထက် စာပိုဖတ်လို့ဆိုပြီး တဖုံ အမျိုးမျိုး အလိုလိုက်ခံခဲ့ရတဲ့ ကျွန်မဟာ အမကိုရော၊ မိသားစုကိုပါ ခွဲပြီး အဝေးကြီးကို လာခဲ့ရတဲ့အချိန်မှာ ထမင်းတအိုးဖြစ်ဖို့တောင် အတော်ကြိုးစားချက်ယူခဲ့ရပါတယ်။ ဟင်းဆိုတာတော့ အဝေးကြီးပေါ့။ အမ ကျွန်မဆီလာလည်တဲ့ အချိန်မှာလည်း ကျွန်မအကြိုက်တွေ တနေ့တမျိုး ချက်ကျွေးရင်း မအားနိုင်အောင်ပါပဲ။ ကိုယ်ဘာသာ ကိုယ်ဘယ်လိုပဲ ဘယ်နေရာမှာ လူကြီးဖြစ်နေနေ အမ နဲ့တွေ့လိုက်ချိန်တိုင်း ကျွန်မဟာ ကလေးတယောက်လိုပါပဲ။

ကျွန်မ အာရုံမှာ အစွဲထင်ဆုံးပုံရိပ်ကတော့ နောက်ဆုံးတခေါက်တွေ့ခဲ့တဲ့ပုံရိပ်ပါပဲ။ ကျွန်မကိစ္စတခုနဲ့ သွားရမယ့်နိုင်ငံကို ကျွန်မကိုတွေ့ချင်စိတ်နဲ့အမလည်း လာလည်ပါတယ်။ လေယာဉ်ချိန် သိပ်မကွာတဲ့အတွက် လေဆိပ်မှာဆုံဖို့ပဲ ချိန်းလိုက်ပါတယ်။ ကျွန်မရဲ့လေယာဉ်အချိန်က စောနေတဲ့အတွက် အမတို့လာမယ့်အချိန်ကို စောင့်နေလိုက်မိတယ်။ အမကို အဝေးကြီးထဲကလှမ်းတွေ့နေရပါတယ်။ လက်ထဲမှာ ခွက်တခုရယ်၊ အထုပ်တထုပ်ရယ်နဲ့ပါ။ ဘာများလည်းလို့လှမ်းကြည့်နေမိတဲ့ကျွန်မကို အမ တွေ့တွေ့ချင်းလှမ်းပေးတာက အဲဒိခွက် နဲ့ အထုပ်ရယ်ပါ။ ဘာဖြစ်မယ်လို့ထင်မိပါသလဲရှင်။ ကျွန်မစားချင်တယ်လို့ ဘယ်အချိန်တုန်းက ရွတ်လိုက်မိမှန်းတောင် မသိတဲ့၊ လေယာဉ်ခရီးမှာတောင် တကူးတကသယ်လာတဲ့ ရွှေပုစွန်က ဖာလူဒါ နဲ့ ဌက်ပျောသီးရွှေကြည် ရယ်ပါ။

အမရယ်။ အမခြေဖဝါးအောက်မှာ ရှိတဲ့ နိဗာန်ဘုံလေးမှာ သမီးကို ခိုနားခွင့် ပေးသနားတော်မူပါ...

မြန်မာ ယဉ်ကျေးမှုသမိုင်း

2008-10-18T13:01:00.000-07:00

စာအုပ်လေးက ခပ်သေးသေးပေမဲ့ သိမှတ်စရာအပြည့်နဲ့ တကယ်ကောင်းတဲ့ စာအုပ်လေးပါ။ ပုံနှိပ်ထုတ်ဝေတဲ့နှစ်ကို ကြည့်လိုက်တော့1974 တဲ့။ စာအုပ်လေးက ကျွန်မထက် အသက်ကြီးနေတယ်။ စာ တကယ်ကောင်းရင် အချိန်ကာလ သတ်မှတ်ချက်တွေကို ကျော်လွှားဖြတ်သန်းနိုင်တယ် ဆိုတဲ့စကားလေးကို ဒီစာအုပ်လေးက ရဲရဲဝင့်ဝင့် သက်သေပြနေသလိုပါပဲ။

ငယ်ငယ်တုန်းက စာအုပ်ဖတ်ရင် အရှေ့က မာတိကာတွေ၊ မိတ်ဆက်တွေ အမြဲကျော်ဖတ်တတ်တဲ့ ကျွန်မကို အဖေကို အဲဒိလို ကျော်မဖတ်ဖို့နဲ့ အဲဒါတွေ အရင်ဖတ်မှသာလျှင် စာအုပ်နောက်ခံအကြောင်းအရာ နဲ့ သဘောတရားတွေကို ပိုပြီး နားလည်နိုင်တဲ့အကြောင်း ပြောပြဆုံးမခဲ့ဖူးတာမို့ အဲဒိနောက်ပိုင်း စာအုပ်တွေကို အစအဆုံး သေသေချာချာ ဖတ်ကျင့်ရခဲ့တဲ့ ကျွန်မ၊ အခုလည်း မာတိကာ ကနေ စဖတ်တော့ မြန်မာသမိုင်းကို ဒီလို အခန်း ၈ ခန်းခွဲပြီး တင်ပြထားတာ တွေ့ရပါတယ်။

၁။ ယဉ်ကျေးမှု၏ အဓိပ္ပာယ် နှင့် သဘောတရား

၂။ အရှေ့တောင်အာရှ၏ ယဉ်ကျေးမှုရှုခင်း

၃။ ဧရာဝတီမြစ်ဝှမ်းမှ မြန်မာပြည်အသွင်သို့

၎။ မြန်မာအစ

၅။ မြန်မာ့ယဉ်ကျေးမှု၏ အခြေခံအုတ်မြစ်များ

၆။ မြန်မာယဉ်ကျေးမှု၏မဏ္ဍိုင်ကြီးများ

၇။ မြန်မာ့လူမှုရေးစနစ်

၈။ မြန်မာယဉ်ကျေးမှု၏ သွင်ပြင်လက္ခဏာများ

မူလပထမ ထဲက အခြားသောအရပ်များမှ ရွှေ့ပြောင်းလာပြီး အခုအချိန်ထိတိုင်အောင် “မြန်မာ” ဟူ လူမျိုးတမျိုး တည်ထောင်နိုင်ခဲ့တာ၊ တခြားတပါး ယဉ်ကျေးမှုများကိုလည်း ကိုယ်ပိုင်ယဉ်ကျေးမှုဟန် အသွင်ပြောင်း ထ်ိန်းသိမ်းနိုင်တာ၊ ဘာသာတရားမှာလည်း အခြားအရပ်မှာ စတင်ပေါ်ပေါက်ခဲ့ပေမဲ့ ကိုယ်ဒေသမှာ ပျံနှံ့ အဓွန့်ရှည်အောင် နှစ်ကာလရှည်လျားစွာ ထိန်းသိမ်းနိုင်စွမ်းရှိတာတွေဟာ မြန်မာတို့၏ ကောင်းမြတ်သော အရည်အချင်းဟု ချီးမွှမ်းထိုက်ပါသည်။ ဘာကြောင့် ကျွန်မအဲဒိလိုို ပြောရသလည်း ဆိုတော့ ပျူလူမျိုး နှင့် ပျူယဉ်ကျေးမှုများဟာ အဆင့်အတန်း အတော်မြင့်မားစွာ တည်ထောင်နိုင်ခဲ့ပြီးမှ လုံးဝ ပျက်စီးပျောက်ကွယ်သွားခဲ့ရလို့ပါ။

ကျွန်မအတွက်တော့ သမိုင်းအကြောင်းအရာရော ဗဟုသုတပါ ပေးစွမ်းနိုင်ရှိတဲ့ စာအုပ်လေး တအုပ်အဖြစ် မှတ်ထားလိုက်ပါတယ်ရှင်။

မေငြိမ်း အမှတ်တရ

2008-10-18T13:00:00.000-07:00

အင်တာနတ်ထဲမှာ အကြောင်းအရာတခု လိုက်ရှာနေတုန်း e-zine တခုထဲမှာ စာရေးဆရာမ မေငြိမ်း ရေးတဲ့ ဆောင်းပါးလေး တပုဒ်တွေ့လိုက်မိတယ်။ တွေ့တွေ့ချင်း တော်တော်လေး ဝမ်းသာသွားတယ်။ ကိုယ်ကြိုက်တဲ့ စာရေးဆရာမ တယောက်၊ မဖတ်ရ မမြင်ရတာ ကြာနေပြီ ဖြစ်တဲ့ စာရေးဆရာမ တယောက်ရဲ့စာကို ပြန်ဖတ်ရတော့မယ် ဆိုပြီးတော့လေ။ ဒါပေမဲ့ အဲဒိအချိန်မှာ အလုပ်ရှုပ်နေတော့ အားတော့မှဖတ်မယ်ဆိုပြီး web page ကို save လုပ်လိုက်မိတယ်ထင်တာပဲ ။ အားတဲ့နေ့ကျမှ ဖတ်မယ်ဆိုပြီး ပြန်ရှာတော့ ဘယ်လိုမှ ရှာလို့မတွေ့တော့ဘူး။ website နာမည်လည်း မမှတ်မိလိုက်ဘူး။ ဖြစ်နိုင်ချေရှိတဲ့ website တွေကိုလည်း ပြန်ရှာတာ တော်တော်စုံနေပြီ။ ဒါပေမဲ့ အခြေအနေက ထူးမခြားနား။ စိတ်ဆိုးစရာ ကောင်းလိုက်တာ။ ဘယ်သူ စိတ်ဆိုးရမယ်မှန်းလည်း မသိတော့ ကိုယ်ကို ကိုယ်ပဲ အပြစ်တင်လိုက်ပါတော့တယ်။

မေငြိမ်းကို ဟိုးအရင်ထဲက တော်တော်သဘောကျတာ။ သူရဲ့စာအရေးအသားလေးတွေ၊ တင်ပြပုံလေးတွေက ချစ်စရာကောင်းတယ်။ YIT ကျောင်းထွက် ထင်ပါရဲ့၊ တက္ကသိုလ်နောက်ခံ ဇာတ်လမ်းလေးတွေလည်း များတယ်။ စာအုပ်နည်းနည်းပဲ ထွက်ခဲ့ဖူးပေမဲ့ ထွက်သမျှ အကုန်လုံးလည်း သဘောကျတာချည်းဘဲ။ အခု မေငြိမ်း အကြောင်းရေးနေတော့ သူရေးသား ဖန်တီးခဲ့ဖူးတဲ့ ဇာတ်ကောင်လေးတွေ သူအကြောင်းရေးပါ၊ ငါအကြောင်းရေးပါ လို့ ပြောနေသလိုခံစားရတယ်။ အဲဒိအထဲကမှ အစွဲဆောင်နိုင်ဆုံး ( ကိုယ်အဖို့ပေါ့လေ ) ဇာတ်ကောင်လေးတွေက ပဉ္စမနှစ် YIT ကျောင်းသားလေး “ထင်အောင်ဇော်” နဲ့ သူထက် အသက်တော်တော်ငယ်တဲ့ ချစ်စဖွယ် မိန်းကလေး “မီ”။ သူတို့ အချစ်ဇာတ်လမ်းလေးက ကြည်နူး ဆွတ်ပျံချင်စရာ။ အဲဒိ ဝတ္ထုထဲမှာ ပါတဲ့ ကဗျာလေးကိုလည်း ဖတ်ကြည့်ပါအုံး။ ကျွန်မ ချစ်တဲ့ ကဗျာလေး တပုဒ်ပါ။

စုံတွဲ

တယောက်က သူဖြစ်ဆဲ ပန်းပွင့်နှင့်

လျှို့ဝှက် တိတ်ဆိတ်မှုကို ရှက်စနိုး မြှင့်တင်

ကမ္ဘာကို အစဉ်စီးဆင်းမဲ့

မိုးစက်ပွင့်ရဲ့ တိမ်တတိုက်

ဒါမှမဟုတ်

မြစ်ကြီး တစင်းရဲ့ တာလွှတ်ရာ

မာယာနဲ့ စိတ်ကူးယဉ် လှပ

သူ့နေ့တွေကို အစီအစဉ်ချလို့...

အခြားတယောက်က

တဒင်္ဂ မိန်းမောမှုမှာ

သူအပေါင်းအသင်း သူခိုင်မြဲ

တည်ဆောက်ဆဲ လမ်းအသစ်

သူဒုက္ခ ဓားမြိနဲ့

သူအတွေ့အကြုံ တတိတိချွန်

သူတီထွင်ရာ အိမ်မက်ထဲ

အအိပ်မက်တဲ့ သူတန်ခိုးတွေ

နှိုးမယ့်သူ ရှာနေလေရဲ့...

သူတို့မျက်ဝန်းပေါ်က ချောက်နက်ထဲ

တွေ့ဆုံ နစ်မြှုပ် နက်ရှိုင်းကြ

တယောက်မေ့လျော့မှု တယောက်ကိုဆွဲ

တယောက်အတွေးထဲ တယောက်စိမ့်ဝင်

နေ့စဉ်ရဲ့အစကို ပျံသန်းဖို့

တယောက် ကမ်းပါးပေါ် တယောက်

ရေကြည်မြက်နုဖို့

တယောက်အတောင်ပံ တယောက်

တပ်ဆင်ချော့မြူကြ...

ကမ္ဘာဦးက အတိုင်းပေါ့

နေရောင်ခြည်တွေက

မျှော်လင့်ချက်တွေအပေါ် စူးစူးရဲရဲ

ဖြာကျနေဆဲ။ ။

မောင်နန္ဒ ( ပဉ္စမနှစ် မြို့ပြ )

ဒေါက်တာ မတင်ဝင်း

2008-10-18T12:57:00.001-07:00

လောကမှာ သေတာထက် သည်းတဲ့ (ဆိုးတဲ့ ) ပြသနာဆိုတာမရှိဘူး။ အခုအသက်ရှိနေသေးတယ် ဆိုရင် ရင်ဆိုင်ရတဲ့ ပြသနာက တကယ်မကြီးသေးဘူး။ အသက်ဆိုတဲ့ ရင်းစားမဆုံးသေးသမျှ ရှုံးနေတာကို နိုင်အောင် ပြန်လုပ်လို့ရတယ်။ ကိုယ်ကို နားမလည်တဲ့သူတွေကို နားလည်အောင် ရှင်းလင်းစည်းရုံးနိုင်တယ်။ ကိုယ်ထက်သာသွားတဲ့လူတွေကို အမီလိုက်နိုင်တယ်။ သူတုိ့ထက်သာသွားအောင် ကြိုးစားဖို့ အချိန်ရှိတယ်။ အခွင့်အလမ်း ရှိနေသေးတယ်။

စပ်မိစပ်ရာ စကားဝိုင်း

2008-10-18T12:53:00.002-07:00

ကျွန်မတို့ နှစ်ယောက်ရယ်၊ မိတ်ဆွေ အင်္ဂလိပ် အမျိုးသားတစ်ယောက်ရယ် ပြောခဲ့ကြတဲ့ စကားဝိုင်းလေး တခုအကြောင်း ဖောက်သည်ချချင်လို့ပါ။
ပြောမိတဲ့အကြောင်းအရာကတော့ အင်္ဂလန်နိုင်ငံနဲ့ စီးပွားရေးအကြောင်းတွေပဲဆိုပါစို့။ ရောက်တက်ရာရာလေးတွေ လျှောက်ပြောရင်းက စီးပွားရေးအကြောင်းရောက်သွားပါတယ်။
အခုနောက်ပိုင်း အင်္ဂလန်မှာ နိုင်ငံခြားသားပေါင်းများစွာဟာ စီးပွားရေးရင်းနှီးမြုပ်နှံမှုမျိုးစုံနဲ့ ဈေးကွက်အတွင်းကို ထိုးဖောက်ဝင်ရောက်လာပါတယ်။ အဲဒိတော့ အင်္ဂလန်ရဲ့စီးပွားရေး အသွင်ပုံစံလည်း အနည်းငယ်ပြောင်းလဲလာပါတယ်။ အောက်ခြေအဆင့် နဲ့ အလယ်အလတ်အဆင့်မှာ ဆိုရင် နိုင်ငံခြားသားတွေရဲ့ ထိုးဖောက်မှုတွေက သိသိသာသာပါ။ အင်္ဂလိပ်တွေထက် အမြတ်လျှော့ယူနိုင်ပြီး ပိုကြိုးစားလုပ်ကိုင်နိုင်တဲ့အတွက် အောင်မြင်မှုတွေတော်တော်ရရှိလာတယ်လို့လည်း ထင်ပါတယ်။ အဲဒိတော့ ထုံးစံအတိုင်း ဒေသခံလူမျိုးတွေရဲ့ မျက်စိနောက်ခံရတာ၊ ချီးကျူးထောပနာအပြုခံရတာတွေကလည်း မကြာခဏ ဆိုသလိုပေါ့။

ကျွန်မတို့ရဲ့မိတ်ဆွေကလည်း ဒီကိစ္စကို သ်ိပ်မကျေလည်ဘူးထင်ပါရဲ့။ ကျွန်မတို့ကတော့ အာရှတိုက်သားအချင်းချင်း အားပေးပါတယ်။ တကယ်တမ်းပြောရရင် သူတို့ အင်္ဂလိပ်လူမျိုးတွေပဲ ကမ္ဘာတဝှမ်းမှာ “ နေမဝင် အင်ပါယာ” ရယ်လို့ ဗိုလ်ကျခဲ့လို့ အခုအခါ သူတို့မြေမှာ တိုင်းပြည်ပေါင်းစုံက လူမျိုးပေါင်းစုံ ရောက်နေရတာပါ။ ဒါတောင်သူတို့ကို ပြန်ဗိုလ်ကျတဲ့အဆင့် မရောက်သေးပါဘူး။

ဒါပေမဲ့ သူပြောလိုက်တဲ့ စကားတစ်ခွန်းကတော့ ဘာမှကိုပြန်မပြော လိုက်နိုင်လောက်အောင်ကိုပါဘဲ။ အာရှသားတွေ ဘယ်လောက်တော်တော်ပါတဲ့။ အခု တိုးတက်လှပါချည်ရဲ့ဆိုတဲ့ ဂျပန်၊ တရုတ် နဲ့ အိန္ဒိယ တွေမှာ အဓိက ရင်းနှီးမြုပ်နှံသူတွေဟာ ဘယ်သူတွေပါလဲတဲ့။ ငြင်းလို့မရတဲ့ အမှန်တရားတခုက ဒင်းတို့ အင်္ဂလိပ်လူမျိုးတွေဘဲ ဖြစ်နေပါတယ်။ ဒါကြောင်မို့ ဘာထွက်ကုန်မှ မရှိဘဲ ငွေကြေးစနစ်ကို ခိုင်မာအောင် တည်ဆောက်ထားနိုင်တာပါ။ သူတို့တွေရဲ့ နည်းဗျူဟာတွေက အာရှတိုက်သားတွေထက် သာနေသေးတာကတော့ အမှန်ပါ။

ကျွန်မရဲ့အမြင်ကိုပြောရရင် သူတို့အားသာချက်ကို သိရင်၊ ကိုယ့်အားနည်းချက်ကိုလည်း မြင်နိုင်မယ်ဆိုရင် သူတို့နဲ့အမှီလိုက်နိုင်ရမှာပေါ့။ ကျွန်မတို့ အာရှသားတွေရဲ့ အားနည်းချက်ကို ကျွန်မမြင်သလောက်ပြောရရင်
လူတယောက်ရဲ့ တပတ်စာ လိုအပ်ငွေဟာ 300 ဆိုပါစို့။ ဒါပေမဲ့ သူဟာ နာရီ 40 အလုပ်လုပ်မှ 100 ပဲ ရတယ်။ အဲဒါဆိုရင် သူလိုအပ်တဲ့ငွေပမာဏ ပြည့်ဖို့အတွက် သူဘာလုပ်မလဲ။
အဲဒိနေရာမှာ အာရှတိုက်သားတွေက အချိန်နာရီ ပိုတိုးလုပ်ခြင်းအားဖြင့် ဖြေရှင်းဖို့ကြိုးစားကြတယ်။
အင်္ဂလ်ိပ်တွေကတော့ လုပ်ခတန်ဖိုးတိုးရဖို့ကြိုးစားကြတယ်။ ဆိုလိုတာကတော့ နာရီ 40 နဲ့ 300 ရအောင်ဘယ်လိုလုပ်မလဲဆိုတာမျိုးပေါ့။

ဟုတ်ကဲ့ လူတိုင်း စဉ်းစားအဖြေရှာကြရင် နည်းလမ်းကောင်းလေးတွေ မလွဲမသွေ တွေ့လာကြမှာပါ လို့...။

ရပ်ကွက်ထဲက ဒီမိုကရေစီ

2008-10-18T12:53:00.001-07:00

လူ့အခွင့်အရေးတွေ၊ ဒီမိုကရေစီင်္ ဆိုတာတွေနဲ့ စကားလုံးကြီးကြီးကျယ်ကျယ်တွေ သုံးပြီး စာတမ်းတစောင် ရေးသားဖို့လည်းမဟုတ်ပါဘူး။ ဘာညာ အဓိပ္ပာယ်ဖွင့်ဆိုချက်တွေ ထုတ်ဖို့လည်း မဟုတ်ပါဘူး။ ကျွန်မနေထိုင်တဲ့ ပတ်ဝန်းကျင်လေးမှာ တွေ့သမျှ၊ မြင်သမျှလေးတွေကို တဆင့်ဖောက်သည်ချယုံသက်သက်ပါ။

ကျွန်မ ဒီပတ်ဝန်းကျင်လေးမှာနေတာ သုံးနှစ်ကျော်သွားပြီ။ အလုပ်ရော၊ အိမ်ရော ဒီနားတဝိုက်လေးတွင်ဆိုတော့ ဒီဒေသလေးဟာ ကိုယ့်ဝန်းကျင်၊ ကိုယ့်အရပ်လေးဖြစ်လာတယ် ဆိုပါတော့။ ကျွန်မအိမ်လေးနဲ့ လမ်းလျှောက်ရင် ငါးမိနစ်လောက်လှမ်းတဲ့နေရာလေးမှာ ဒီရပ်ကွက်ရဲ့ shopping centre ရှိတယ်။ မြန်မာလို ဈေးလို့ပဲခေါ်ပါစို့။ ဈေးဆိုပေမဲ့ တခြားဈေးတွေမှာလို လူရှုပ်ရှုပ်၊ ရောင်းသူ ဝယ်သူချင်းမသိ စီးပွားရှာရုံသက်သက်လာကြတဲ့ လူတွေနဲ့ ဖွဲ့စည်းထားတဲ့ ဈေးမဟုတ်ပါဘူး။ ရပ်ကွက်တခု၊ ဒေသတခုရဲ့ လိုအပ်ချက်တွေကို ဖြည့်စည်းပေးဖို့အတွက် တည်ဆောက်ထားတဲ့ ဈေးလို့်ဆိုရင် ပိုမှန်ပါလိမ့်မယ်။ ဘာလို့လဲဆိုရင် အောက်ထပ်မှာ ဈေးဆိုင်ခန်းတွေ၊ ဒုတိယထပ်မှာ ရုံးခန်းတွေ နဲ့ ဘေးပတ်ပတ်လည်မှာ အင်္ဂလန်ရဲ့ ရှားပါးပစ္စည်း လူနေအိမ်တိုက်အမြင့်ကြီးတွေရှိနေလို့ပါပဲ။ ဈေးထဲမှာ bank တွေရှိတယ်၊ post office ရှိတယ်၊ library ရှိတယ်၊ လူမှု့ဘဝ ပြသနာအထွေထွေကို ကူညီမယ့် social security office လည်းရှိတယ်။ ဒုတိယထပ်မှာတော့ ဒေသပိုင် ရှေ့နေရုံးခန်း (ကိုယ်ရဲ့ပြသနာအထွေထွေအတွက် လိုအပ်တဲ့လမ်းညွှန်မှုတွေပေးပါတယ်)၊ learning centre၊ dental clinic နဲ့ အလုပ်ရှာပေးတဲ့ agency အစရှိသဖြင့် စုံစုံလင်လင်လေးရှိပါတယ်။ အဲဒိတော့ ဒီဒေသတွင်းကလူတွေအတွက် ဒီဈေးနားမှာပဲ နေတိုင်းလိုလို တဝဲလည်လည်ပေါ့။ နောက်ပြီး ဒီနားမှာ ပင်စင်စားအငြိမ်းစားသမားတွေလည်း များပါတယ်။ အချိန်ပိုများတဲ့ သူတို့အတွက် ဈေးဟာ အပျင်းပြေ လည်ပတ်စရာနေရာတခုပါ။ ဒီလိုနဲ့ ဈေးထဲမှာ လူတော်တော်များများဟာ မျက်မှန်းတွေ တန်းမိပြီး ရယ်ပြနှုတ်ဆက်ရင်း ရင်းနှီးလာတဲ့အထိပါပဲ။ သူတို့ကလည်း အရမ်းကို ခင်မင်ရင်းနှီးချင်ပါတယ်။ စကားပြောဖော်လိုနေတဲ့ သူတို့အတွက် နားထောင်မယ်သူသာရှိ သူတို့ရဲ့ ဘဝအတွေ့အကြုံမျိုးစုံကို ပြောပြချင်သူများပါတယ်။

တနေ့တော့ ကျွန်မနဲ့ အဲဒီလိုနည်းနဲ့ ခင်မင်ရင်းနှီးနေတဲ့ ပင်စင်စားဦးလေးကြီးတယောက်က သူ စာကြည့်တိုက်ထဲမှာ ခါးပိုက်နှိုက်ခံရတဲ့အကြောင်းပြောပါတယ်။ ဟုတ်လား ကျွန်မလည်း စိတ်မကောင်းပါဘူးပေါ့။ ရဲစခန်းမှာ တိုင်ချက်ဖွင့်လိုက်ပါပေါ့။ သူက ရဲစခန်းမှာ တိုင်ပြီးပြီ ဖြစ်တဲ့အကြောင်း၊ ဒါပေမဲ့ သူမကျေနပ်သေးကြောင်း၊ စာကြည့်တိုက်ထဲမှာ ဖြစ်ရတာဟာ မသင့်တော်ကြောင်း၊ ရဲတွေက ဖိဖိစီးစီး အလုပ်မလုပ်ဘူးလို့ထင်ကြောင်း စုံနေတာပဲ သူ့ရဲ့မကျေနပ်ချက်တွေ။ ကျွန်မလည်း ဆက်ပြီး အားမပေးတတ်တော့ဘူး ဖြစ်လာတယ်၊ ဘာပြောရမှန်းမသိ ဖြစ်လာတယ်။ ကိစ္စမရှိပါဘူး။ သူဘာသာ သူဆက်ပြောတယ်။ ဒေသထဲမှာ ဒီလိုတွေဖြစ်လာတဲ့အကြောင်း MP ( Members of Parliment ) ကို သူသွားတိုင်မည်ဖြစ်ကြောင်း၊ ဒီလိုတိုင်ရတာလည်း သူအကျိုး သက်သက်အတွက်ထက် ဒီဒေသအတွက်ဖြစ်ကြောင်း ပြောလိုက်တာ စုံလို့ပါပဲ။ ကျွန်မလည်း ဟုတ်ကဲ့ပါ ပေါ့။ သူက ထပ်ပြောပါသေးတယ်၊ တိုင်ပြီးသွားရင် အကျိုးအကြောင်းပြန်လာပြောပြအုံးမယ်ဆိုပြီး နှုတ်ဆက်သွားပါတယ်။

နောက်တခါကတော့ ဈေးထဲက ဆိုင်ပိုင်ရှင် အဒေါ်ကြီးတယောက်ပါ။ သူပြသနာကျတော့ တမျိုး။ ဆိုင်ခန်းကတွေ မတရားသဖြင့် ဈေးပိုတောင်းတယ်လို့ ထင်တဲ့ပြသနာပါ။ ဈေးရဲ့ management ကိုရော၊ head office အထိပါ မကျေနပ်ကြောင်း စာတင်ပြီးပေမဲ့ အခြေအနေ မထူးခြားလို့ MP နဲ့ သွားတိုင်မယ့်အကြောင်းပြောပြန်ပါတယ်။

ဒီတခါတော့ အဲဒိ MP ဆိုတာ ကျွန်မလည်း စိတ်ဝင်စားသွားပြီ။ သူတို့တွေ ဘယ်လိုတိုင်မှာလဲ။ အဲဒိ MP ဆိုတာရော ဘယ်လိုအလုပ်လုပ်မှာလဲ ဆိုပြီးတော့ပေါ့။ အဲဒိ MP ရုံးခန်းဟာ ဈေးကနေဆက်လျှောက်သွားရင် ငါးမိနစ်လောက်အကွားအဝေးမှာရှိပါတယ်။ appointment ယူပြီး ကိုယ်ရဲ့ပြသနာအထွေထွေကို တင်ပြလို့ရပါတယ်။ သူကလည်း တတ်နိုင်သလောက်ကူညီပါတယ်။ သူပါဝင်ကူညီရင်တော့ ပြသနာက တော်တော်လေးထိရောက်မှုရှိတယ်လို့ ဆိုရမှာပါပဲ။ ပုလိပ်ဋ္ဌာန၊ တရားစီရင်ရေးဋ္ဌာန စသည်ဖြင့် ဋ္ဌာနဆိုင်ရာမျိုးစုံအပေါ် MP တွေရဲ့ သြဇာသက်ရောက်မှု တော်တော်လေးရှိပါတယ်။ ဒီနိုင်ငံကို အုပ်ချုပ်နေတဲ့၊ ဥပဒေပြုနေတဲ့ သူတွေထဲမှာ တယောက်အပါအဝင်ဆိုတော့ ဋ္ဌာနဆိုင်ရာတွေလည်း လန့်လောက်တယ်လေ။

MP တွေက ကိုယ်တာဝန်ယူရတဲ့ ဒေသအတွင်းက ပြသနာတွေကို တက်နိုင်သလောက် ကူညီဖြေရှင်းပေးရပါတယ်။ ကြီးမားလာတဲ့ ပြသနာတွေ၊ ဒေသခံပြည်သူတွေရဲ့ သဘောထားတွေကိုတော့ House of Commons မှာ ပြန်လည်တင်ပြ ဆွေးနွေးအဖြေရှာကြပါတယ်။

MP တွေအနေနဲ့ ဒေသခံပြည်သူတွေရဲ့ သဘောထားတွေ၊ ပြသနာတွေကို လျစ်လျူရှုလို့ မရပါဘူး။ ဘာဖြစ်လို့လဲဆိုတော့ ဒေသခံပြည်သူတွေက ဒီလူဟာ သူတို့ရဲ့ မကျေနပ်ချက်တွေ ပြသနာအထွေထွေတွေ ကို ဆွေးနွေးဖြေရှင်းပေးနိုင်မယ်၊ သူတို့ဒေသကို ကောင်းမွန်တိုးတက်အောင် ဆောင်ရွက်နိုင်မယ် ထင်လို့ မဲပေးထားတာပါ။ ဒီလိုမှ မဆောင်ရွက်နိုင်ရင် နောက်တကြိမ် မဲမရနိုင်တော့ပါဘူး။ အဲဒိတော့ သေသေချာချာတွေးကြည့်ရင် တိုင်းပြည်ရဲ့အာဏာ ပြည်သူလက်မှာရှိတယ်ဆိုတာ ဒီလိုပါလား၊ ဒီမိုကရေစီင်္ ဆိုတာ ဒီလိုမျိုးကိုခေါ်တာပါလား လို့ ခပ်ရေးရေးလေး သဘောပေါက်မိကြောင်းပါ။

lyrics

2008-10-18T12:51:00.000-07:00

ဆာလောင်သံတွေ.. ငိုယိုသံတွေ.. နာကျင်သံတွေ.. ဆူပွက်နေဆဲလေ
တိုင်တည်သံတွေ.. ကျိန်ဆိုသံတွေ.. ခေါ်နေသံတွေ.. ငါကြားနေဆဲလေ
ဒီကမ္ဘာကို ပြောင်းလဲဖို့တော့ မဖြစ်နိုင်သေးခိုက်
ဒဏ်ရာတွေ ပျောက်ကင်းသွားအောင် မတက်နိုင်သေးခိုက်

cho :
ပန်းတပွင့်အဖြစ် ဖူးပွင့်လိုက်ပါ
လိုနေတဲ့ နှလုံးသားကွက်လပ်တွေကြားထဲမှာ
မြင်သူတကာ ရွှင်ကြည်ဖွယ်ရာ လှပတဲ့ ရနံ့ပေးပါ

ပန်းတပွင့်အဖြစ် ဖန်ဆင်းလိုက်ပါ
ဆာလောင်တဲ့ မွတ်သိပ်မှုနဲ့ ဘဝအမောကြားမှာ
နင်ဟာ သယ်ဆောင်လာပါ နှစ်သိမ့်မှုများစွာ......
:

လောကကိုတည်ဆောက်ပေးပါ ပန်းပျိုးလက်များစွာ။ ။

သေခြင်း၏ အခြားတစ်ဘက်

2008-10-18T12:50:00.000-07:00

ကျွန်မရဲ့ အာရုံထဲမှာ သေခြင်းတရားနဲ့ပတ်သတ်ရင် စွဲစွဲထင်ထင်အရှိဆုံး စာအုပ်တအုပ်ပါ။ဒါပေမဲ့ သေခြင်းတရားနဲ့ပတ်သတ်ပြီး ပထမဆုံး ဖတ်ဖူးတဲ့စာအုပ်တော့မဟုတ်ပါဘူး။ ပထမဆုံးဖတ်ခဲ့ဖူးတဲ့စာအုပ်က ချစ်စံဝင်းရဲ့ ဤခရီးနီးသလား ဆိုတဲ့စာအုပ်ပါ။ အရွယ်ခပ်ငယ်ငယ်မှာ ဖတ်ဖူးတော့ စာရေးသူပေးလိုတဲ့ ဆိုလိုရင်းကိုသိပ်မရဘဲ မန္တလေးကျုံးဘေးမှာ အပြေးကျင့်နေကြတဲ့ လူတစုလောက်ကိုဘဲ အာရုံထဲ စွဲနေပါ တယ်။ ဒုတိယစာအုပ်ဖြစ်တဲ့ “နံရံ၏အခြားတစ်ဘက်” ကျတော့ သုတရော၊ ရသပါ စုံလင်တာကတစ်ကြောင်း၊ ပုဂ္ဂိုလ်ခင်လို့ တရားမင်တယ်ပဲ ဆိုရမလားမသိ ကျွန်မအရမ်းကို နှစ်သက်လေးစားရတဲ့ စာရေးဆရာမဖြစ်တာက တစ်ကြောင်း တော်တော်လေးကို မှတ်မှတ်ထင်ထင်ဖြစ်မိပါတယ်။

နောက်ပြီး ဇာတ်ကောင်ကိုယ်တိုင်က လူငယ်မိန်းကလေးတယောက်ဖြစ်နေတာက ကျွန်မစိတ်ကို ပိုဖမ်းစားနိုင်တယ်လို့ ထင်ပါတယ်။ အဲဒီစာအုပ်လေးကို ပြန်ဖတ်တိုင်းလဲ သေခြင်းတရား နဲ့ အသက်ရှင်နေထိုင်မှုကြားမှာ အတွေးတွေ ဗရပွနဲ့ ရှုပ်ထွေးခဲ့ရတဲ့အကြိမ်ပေါင်းလည်း မနည်းတော့ပါဘူး။ နှောင်းခင်ဇော်ရဲ့ သေခြင်းတရားအတွက် ရင်ဆိုင်နေရတဲ့ သောကတွေ၊ ဒေါက်တာအောင်စည်နှင့် မသီသီ ကြားက အယူအဆခြားနားချက်တွေက ပြန်ဖတ်လိုက်တိုင်း ဘယ်တော့မှရိုးမသွားဘဲ အတွေးသစ်တွေပဲ ထပ်ပေးပါတယ်။

နှောင်းမေးခဲ့တဲ့ မေးခွန်းလေးရဲ့အဖြေကို တကယ်ပဲ ကျွန်မလည်း သိချင်ပါတယ်။

“ ဆရာ ဟိုဘက်မှာ ဘာရှိတယ်ဆိုတာ နှောင်း မသိဘူး။

နှောင်းမြင်နေရတဲ့ နံရံကြီးရဲ့ အပြင်ဘက်လေ၊ အဲဒီမှာ ဘာရှိလဲဟင်...” တဲ့။

မမြင်ရတဲ့ ဘေးအန္တရာယ်ရဲ့ ကံကြမ္မာဆိုးတွေ အကြောင်းကို ဂျူးရဲ့ “ ချစ်သူရေးတဲ့ ကျွန်မရဲ့ ညတွေ” စာအုပ်မှာလည်း ဒီလိုလေး ပြောထားပါသေးတယ်။

“ ကိုယ့်ကြမ္မာ ကိုယ်မြင်နိုင်စွမ်း မရှိနေတာ စိတ်သက်သာစရာအဖြစ်လား၊ ကံကြမ္မာကို ကာကွယ်လို့မရသေးတာ ချောက်ချားစရာမဟုတ်ဘူးလား ...”

ဆိုတဲ့ စကားလေးက ကျွန်မရဲ့အတွေးတွေကို ပိုမိုနက်ရှိုင်းစေပါတယ်။

ဒီထပ်ပိုပြီး ထပ်တွေးမိတာက ဟာသမြောက်တဲ့ လူ့သဘော သဘာဝ ကိုပါ။သေခြင်းတရားဆိုတာ တချိန်ကျရင် မလွဲမသွေ ကိုယ်ဆီကို တည့်တည့်ကြီးရောက်လာမယ်ဆိုတာ သိထားရက်နဲ့ ကိုယ်နဲ့မဆိုင်သလို ခပ်တည်တည် မေ့မေ့လျော့လျော့ နေနိုင်တဲ့ သဘာဝကိုပါ။ လောကကြီးမှာ လူတွေအဆီငေါ် မတည့်မှုတွေ၊ နိုင့်ထက်ဆီးနင်းမှုတွေ၊ မတရား ကျင့်ကြံမှုတွေ တွေ့တိုင်း စိတ်ထဲကနေ အဲဒီလူတွေကို အော်ဟစ်ပြီး မေးလိုက်ချင်ပါတယ်။ “ ရှင်တို့မကြောက်ကြဘူးလား ” လို့။

ဒါမှမဟုတ် သူတို့ကြောက်တဲ့အရာနဲ့ ကျွန်မကြောက်တဲ့အရာပဲ မတူလေလို့လားမသိ လို့သူတို့ဘက်ကလည်း တွေးမိပါတယ်။ ကျွန်မစိတ်ထင် သူတို့က ပစ္စုပ္ပန်မှာ ကိုယ်၊ စိတ် နှစ်ပါး ဆင်းရဲကျပ်တည်းမှာကို ကြောက်ကြတယ် ထင်ပါရဲ့။

ကျွန်မကတော့ ငယ်ငယ်ထဲက သွန်သင်ဆုံးမမှုတွေနဲ့ အစွဲတွေကြောင့်ပဲလား၊ ဘာသာတရားတွေရဲ့ ပြောဆိုညွှန်ကြားချက်တွေကြောင့်ပဲလား မသိ ကျွန်မလိုက်မမှီနိုင်တဲ့၊ မသိနိုင်တဲ့ သေပြီးနောက်ဆိုတာထက် မသေခင်အချိန်မှာ မကောင်းတာလုပ်ခဲ့ဖူးရင် ပြန်ခံစားရမယ်ဆိုတဲ့ ဆင်းရဲဒုက္ခတွေနဲ့ ပူလောင်မှု နောင်တတွေကို ပိုကြောက်ပါတယ်။ အဲဒိအချိန်မှာ အိုမင်းမစွမ်း ဆိုတာတွေ၊ ရောဂါဝေဒနာဆိုတာတွေ က မလှုပ်နိုင်လောက်အောင် အခိုင်ခန့်ဆုံး ချည်နှောင်ထားပြီးမှ ခံစားရမယ်ဆိုတာက တွေးကြည့်ရုံနဲ့ ကြက်သီးထလောက်ပါတယ်။ အဲဒိတော့ ကျွန်မနေထိုင်ခဲ့တဲ့ သက်တမ်းတလျှောက် “သူများကိုလုပ်မိလို့ ကိုယ်ပြန်ခံရတယ်ဆိုတဲ့နောင်တ”မျိုး မကျန်ရလေအောင် အတတ်နိုင်ဆုံး သတိထားရှောင်ကြဉ်ပါတယ်။ ဒီကြားထဲကမှ မရှောင်လွှဲသာလို့ ကြုံတွေ့လာနိုင်တဲ့ သဘာဝ ဘေးအန္တရာယ်ဆိုး ဆိုရင်လည်း အသက်ရှင်စဉ်မှာ ကောင်းမွန်ရဲရင့်စွာ နေထိုင်ခဲ့ဖူးရင် အသေရဲမယ်လို့ ထင်ပါတယ်။

ကျွန်မမှတ်သားဖူးတဲ့ စာလေးတပိုဒ်အရ ဆိုရင်

“လူရဲ့လုပ်ဆောင်ချက် ဟူသမျှဟာမိမိကိုယ်ကို ချစ်ခြင်းတည်းဟူသောအတ္တမှပေါ်ထွက်လာတယ် ” တဲ့။

အဲဒိစကားအတိုင်းဆိုရင်တော့ ကျွန်မလိုအတွေးမျိုးနဲ့ မကောင်းတာရှောင်ကြဉ်တာဆိုရင် ကိုယ်ပြန်ခံရမှာ ကြောက်လို့ ဆိုတဲ့ အတ္တကြောင့်ထင်ပါရဲ့။

ဖေဖော်ဝါရီ ၁၄

2008-10-18T12:49:00.002-07:00

ချစ်သူများရဲ့နေ့မှာ ကျွန်မချစ်တဲ့သူများရဲ့အချစ်တွေက ကျွန်မရဲ့နေ့လေးကို ပိုမိုလှပ ပြည့်စုံစေပါတယ်။ ည 12 နာရီတိတိမှာ အိမ်ဖုန်းမြည်သံကြားပေမဲ့ ဘယ်သူမှန်းမသိဘူးဆိုပြီး ထမကိုင်ဖြစ်တဲ့ ကျွန်မ နောက်ထပ် 2 နာရီမှာ တခါ ဖုန်းထပ်လာတော့ ဘယ်သူများ အရေးကြီးလို့လဲ မသိ ဆိုပြီး ဖုန်းကိုင်တော့ ဒီနှစ်ရဲ့ ပထမဆုံး ဆုတောင်းလေးကို စကြားရတော့ပါပဲ။ ချစ်ရတဲ့ ငယ်သူငယ်ချင်းတယောက် ကျွန်မနေတဲ့ နိုင်ငံရဲ့ ည12 ထိုးကတည်းက ကျွန်မအတွက် ဆုတောင်းပေးဖို့ ကြိုးစား ခေါ်နေတာပါ။ သယ်ရင်းကို အရင်ထက်နှစ်ဆ ပိုချစ်ပြီး ကျေးဇူးတင်သွားတယ်။

tvတွေကြည့် internet တွေသုံးရတာ ဝသွားတော့မှ အိပ်တော့မယ်ဆိုိပြီး alarm ပေးဖို့ hp လေးကို ယူလိုက်တဲ့ မနက် 5 နာရီအချိန်လောက်မှာ နောက်ထပ်သူငယ်ချင်းတယောက်ရဲ့ သိပ်ချစ်စရာကောင်းတဲ့ ဆုတောင်း msg လေးတခု ဝင်လာပါတယ်။ ကျေးဇူးတင်တဲ့အကြောင်း ကျွန်မကပြန်ပို့၊ သူက မအိပ်သေးဘူးလားဆိုပြီး ပြန်ပို့ နဲ့ အပြန်အလှန် တွေပို့လိုက်ကြတာ တယောက် 5 စောင်လိုက်ဆီ ပို့ပြီးမှ ကျေနပ်သွားကြတော့တယ်။

အဲဒီအချိ်န်မှာပဲ ကျွန်မရဲ့ thousandth man လေးလဲနိုးလာပြီး ကျွန်မအတွက် ဆုတောင်းအနမ်းလေး ထပ်ပေးတော့ ကျွန်မအတွက် အရာရာပြည့်စုံ လှပသွားပြီပေါ့။

ဒီနှစ်အတွက်လည်း အပျော်ခံစား၊ အရင်နှစ်တွေက ကြည်နူးမှုတွေကို ပြန်ပြောင်းတသနဲ့ စိတ်တွေက ဟိုရောက် ဒ်ီရောက်ရယ်ပေါ့။ ချစ်သူများနေ့ဆိုတာ ရည်းစားချစ်မှရယ်မဟုတ်၊ ကိုယ်ချစ်တဲ့လူတွေ၊ သူငယ်ချင်းတွေကို အမှတ်ရတမ်းတတဲ့နေ့ဆိုပြီး အမှတ်တရ ကဒ်လေးပေးခဲ့ဖူးတဲ့ အထက်တန်းကျောင်းတုန်းက ချစ်လှစွာသော သူငယ်ချင်းတယောက်ကိုလည်း ဒီနေ့မှာ မှတ်မှတ်ယယပါ။ ကျွန်မ ဘဝမှာ ပထမဆုံး ပိုင်ဆိုင်ခွင့်ရခဲ့တဲ့ အဲဒိvalentine card နီနီရဲရဲလေးကို ခုထိမြတ်မြတ်နိုးနိုး သိမ်းထားဆဲပါ။

နောက်ထပ်အမှတ်ရစရာ တခုက (1999 ခုနှစ်တုန်းက ထင်ပါရဲ့) ၊ J'donut မှာလည်း ပထမဆုံးအကြိမ် ချစ်သူများနေ့ ကျင်းပမယ်၊ တခြားဆိုင်တွေမှာလည်း ကျင်းပမယ်ဆိုတော့ တွဲသွားစရာ ချစ်သူဆိုတာ က မူးလို့တောင် ရှုစရာမရှိပါဘူး။ ဒါပေမဲ့ ကိစ္စမရှိ၊ ချစ်သော သူငယ်ချင်းတွေရှိတယ်ဆိုပြီး သူငယ်ချင်းလေးယောက် တနေကုန် လျှောက်လည်ခဲ့ဖူးကြတာကိုလည်း မမေ့နိုင်အောင်ပါပဲ။

ရယ်စရာအကောင်းဆုံး ကိစ္စကတော့ မနှစ်ကပါပဲ။ လက်ထပ်ထားတာ တလတောင်မပြည့်သေးတဲ့ ကျွန်မတို့နှစ်ယောက်ကတော့ ညဘက်အပြင်ထွက်လည်ပြီး dinner သွားစားမယ်ပေါ့။ ဒါပေမဲ့ အဲဒိအချိန်မှာ သတိရသွားတာက ဒီနိုင်ငံမှာ ကျွန်မရဲ့အရင်းနှီး၊ အချစ်ခင်ရဆုံး အမကြီးတယောက်ကိုပါ။ သူက တကိုယ်တည်း သမားဆိုတော့ အိမ်မှာ ပျင်းနေရှာမှာပဲဆိုပြီး လှမ်းခေါ်လိုက်ပါတယ်။ သူကလည်း ဒေါသတကြီးနဲ့ကို လိုက်ပါမယ်တဲ့။ သူ့အလုပ်ထဲမှာ လူတိုင်းနီးပါးက သူ့ကို ဒီညဘယ်မှမသွားဖူးလား၊ ခေါ်မဲ့သူမရှိဖူးလားဆိုပြီး စကြလွန်းလို့ သူစိတ်ဆိုးနေတာ။ ကျွန်မတို့ကလှမ်းခေါ်လိုက်တော့ သူလည်း ချက်ချင်းပဲလိုက်လာတာ။ ပြသနာက ဆိုင်ရောက်တော့မှ တက်တာပါ။ ယိုးဒယားစားကြမယ်ဆိုပြီး thai restraunt တခုကိုသွားကြ ပါတယ်။ ခါတိုင်းစားနေကြဆိုင်က အဲဒိနေ့ကမှ ထူးထူးခြားခြား decoration တွေလည်း ပြောင်းထားတယ်။ ဆိုင်ထဲကိုလည်း ဒီအတိုင်းဝင်လို့မရဘူး။ waiter လာခေါ်မှ လိုက်ဝင်လို့ရပါတယ်။ သူပြပေးတဲ့နေရာမှာပဲ ထိုင်ရပါတယ်။ ဝင်ဖို့အရေးတန်းစီနေလိုက်ကြတာလည်း လူတွေက ဆိုင်အပြင်တောင် တော်တော်ရောက်နေပြီ။ ကျွန်မတို့လည်း ဝင်တန်းစီကြတာပေါ့။ အကုန်လုံးက အတွဲတွေချည်းဘဲ။ ထူးထူးခြားခြား ကျွန်မတို့ပဲ သုံးယောက်။ ကျွန်မရဲ့ thousandth man ကလည်း ပြုံးဖြီးဖြီးပေါ့။ ဒီလိုနေ့မျိုးမှာ အကုန်လုံးက အဖော်တယောက်စီပဲ၊ သူကျမှ ဘယ်တယောက် ညာတယောက်ဆိုတော့ ..အင်း ဂုဏ်ယူမယ်ဆို ယူလောက်စရာပါ။ (အမကြီးက ကျွန်မထက် အသက်အများကြီး ကြီးပေမဲ့ မထင်ရလောက်အောင် နုပျိုလှပသူပါ။) ရှေ့က ဝင်သွားတဲ့လူတွေကိုကြည့်တော့ ဝင်ဝင်ချင်း waiter က နှင်းဆီပန်းလေးတပွင့် ပေးပါတယ်။ ပြီးတော့ ထိုင်ရမဲ့ စားပွဲပေါ်မှာလည်း လက်ဆောင်ဗူးလေး တင်ထားပါတယ်။ ကျွန်မတို့အလှည့်လည်း ရောက်ရော waiter လည်း ဘာလုပ်ရမယ်မှန်းမသိ စိတ်ညစ်သွားပုံရပါတယ်။ သူ့ သူဌေးကို အပြေးအလွှား သွားခေါ်တယ်။ အကုန်းလုံး က ကျွန်မတို့ကို ဝိုင်းကြည့်ကြတော့ ရယ်ချင်လိုက်တာအရမ်းပါပဲ။ သူတို့စိတ်ထဲမှာ တော်တော်ထူးဆန်းနေမှာ အသေအချာပါ။ နောက်ဆုံးတော့ သူဌေးရဲ့ ရက်စက်တဲ့ ဆုံးဖြတ်ချက်အောက်မှာ ကျွန်မတို့ နှင်းဆီပန်းရော၊ လက်ဆောင်ရော ဘာမှမရခဲ့ကြပါဘူး။ ဘယ်လိုပဲဖြစ်ဖြစ် အရသာရှိတဲ့ အစားအသောက်တွေရယ်၊ ကြည်နူးချမ်းမြေ့စရာ ကောင်းတဲ့ ညလေးတည ရယ် ပိုင်ဆိုင်ခဲ့ဖူးတာကတော့ အသေအချာပါ။

ဖေဖော်ဝါရီ ၁၃

2008-10-18T12:49:00.001-07:00

ဒီနေ့ ဖေဖော်ဝါရီ 13 ဆိုတော့ အားလုံး သိကြတဲ့အတိုင်း လွတ်လပ်ရေး ဗိသုကာကြီး ဗိုလ်ချုပ်အောင်းဆန်း ရဲ့မွေးနေ့ပါ။ ကျွန်မလည်း ဘယ်သူတွေဘာလုပ်ကြမလဲဆိုပြီး မှာ internet ဟိုကြည့် ဒီကြည့်လျှောက်ကြည့် တော့ ချီးမွှမ်းသံတွေ၊ကဗျာရွတ်ဆိုသံတွေ၊ ထောပနာပြုသံတွေ၊ ဆုတောင်းသံတွေ စီစီညံနဲ့ ကြည်နူးစရာပါ။
အဲဒီအထဲက သဘောကျတဲ့ ကဗျာလေးတပုဒ်ကို ခံစားကြည့်ကြပါအုံး။

ပြည်သူ့ကျေးဇူးရှင်

ပြည်သူလူထုရဲ့ ကျေးဇူးရှင်
ဗိုလ်ချုပ်အောင်ဆန်းပင်
ကိုယ်ကျိုးမဖက် အသက်စွန့်သွား
ပြည်သူကောင်းဖို့ သူကြိုးစား
မတရားတဲ့ အာဏာရှင်
ဘယ်သူဖြစ်ဖြစ် သူဆန့်ကျင်
သူလို စိတ်ထားမွေးသူများ
မကြောက်တရား လက်ကိုင်ထား
ဖေဖော်ဝါရီ 13ဖွား ဦးအောင်ဆန်းလိုဗျား... တဲ့။

သဘောကျစရာကောင်းလိုက်တာနော်။ နောက်တဆက်တည်း ဆက်တွေးမိတာကတော့ ဗိုလ်ချုပ်ဟာ တော်လိုက်တာ။ အသက် 17 မှာ တက္ကသိုလ်ရောက်တယ်။ အသက် 20 လောက်မှာ အမျိုးသားပညာရေးအတွက် ဦးဆောင်တိုက်ပွဲဝင်သူဖြစ်နေပြီ။အဲဒီနောက်မှာတော့ ကြိုးပမ်းမှုတွေ၊ အောင်မြင်မှုတွေက အဆင့်ဆင့်။ သပိတ်ပွဲတွေ၊ သမဂ္ဂတွေမှာ ဦးဆောင်သူ။ အစည်းအရုံးတွေ၊ အဖွဲ့အစည်းတွေရဲ့ ဥက္ကဌ။နောက်ပြီး မြန်မာ့တပ်မတော်ကြီးကို စတင်ဖွဲ့စည်းတည်ထောင်နိုင်ခဲ့သူ။ နောက်ထပ် မြန်မာ့သမိုင်းမှာ အမြင့်မားဆုံး စွမ်းဆောင်ချက်ဖြစ်တဲ့ ပြည်နယ်၊ပြည်မ မခွဲခြားဘဲ တမျိုးသားလုံး သွေးစည်းညီညွတ် ချစ်ခင်မှုကို ဆောင်ကြဉ်းပေးနိုင်သူ။ သက်သေ က “ပင်လုံစာချုပ်”။ အဲဒီစာချုပ်ရဲ့ အနှစ်သာရ၊ သဘောတရား နဲ့ လေးနက်မှု ရာဇဝင်တွေကို ဦးဖေခင်ရေးတဲ့ “ပင်လုံသမိုင်း” ဆိုတဲ့ စာအုပ်လေး ဖတ်ဖူးတော့မှပဲ ရေရေလည်လည် သဘောပေါက်တော့တယ်။

အသက် 33 နှစ်ဆိုတဲ့အရွယ်ဟာ လူဘဝမှာ အအောင်မြင်၊ အတက်ကြွဆုံး အရွယ်၊ ရွှေရောင်အလင်းလက်ဆုံး အခါသာမယ တွေပါ။ အဲဒီလိုအချိန်မှာ ဗိုလ်ချုပ်လို လူတော်တယောက်ကို ဆုံးရှုံးလိုက်ရတာဟာ အင်မတန် နှမြောစရာပါ၊ တိုင်းပြည်အတွက်လည်း အလွန်နစ်နာလှပါတယ်။ ဒါပေမဲ့ လူဘဝ ကို ရလိုက်တဲ့ ခဏတာအချိန်ကာလ လေးမှာ မြန်မာက သာမက ကမ္ဘာကပါ လေးစားကြည်ညိုလောက်အောင် စွမ်းဆောင်နိုင်ခဲ့တဲ့ သူရဲ့စွမ်းဆောင်ချက်တွေ ၊ စိတ်ဓာတ် နဲ့ စွမ်းရည်တွေကတော့ မြန်မာတည်သရွေ့၊ ကမ္ဘာတည်သရွေ့ ရှိနေမှာပါ။ စာရေးဆရာမ ဂျူးပြောတဲ့ စကားလေးနဲ့ပဲ ဗိုလ်ချုပ်ကို ဂုဏ်ပြုချင်ပါတော့တယ်။
“ သေသောသူ၌ မသေသော ဂုဏ်သတင်းရှိပါစေသတည်း”

အကြွေးရှိမှ သူဋ္ဌေးဖြစ်မည်

2008-10-18T12:46:00.000-07:00

နိုင်ငံရပ်ခြား ရောက်နေကြသူတိုင်းအတွက်တော့ credit card, loan, mortgage ဆိုတာတွေနဲ့ သိပ်မစိမ်းလှပါဘူး။

credit card ဆိုတာကတော့ အကြွေးဝယ်ယူခွင့်ကဒ်ပြား။ ထုတ်ပေးတဲ့ ဘဏ်အပေါ်မူတည်၍သော်လည်ကောင်း၊ ကဒ်ပေါ်မူတည်၍သော်လည်းကောင်း ( initial, gold, platinum စသည်ဖြင့်) ထုတ်ချေးတဲ့ ငွေကြေးပမာဏ နဲ့ အတိုးနှုန်းထားတွေက မတူညီကြပါဘူး။

loan ဆိုတာကတော့ ရေရှည်ချေးငွေ လို့ဆိုရမယ်ထင်ပါတယ်။ ချေးချင်တဲ့ ငွေပမာဏ၊ ပြန်ဆပ်ချင်တဲ့ နှစ် ကာလအရေအတွက်အပေါ်မှာမူတည်ပြီး ကျသင့်တဲ့ အတိုးနှုန်းထားကို တခါတည်း တွက်ချက်ပြီး တလမှာ ဘယ်ရွေ့ဘယ်မျှ ပြန်ဆပ်ရမည် ဆိုတဲ့ သဘောတူညီချက်နဲ့ ချေးတဲ့ ပုံစံတမျိုးပါ။ credit card တွေထက် အတိုးနှုန်းထား သက်သာ ပါတယ်။

mortgage ဆိုတာကတော့ အိမ်ဝယ်တဲ့အခါမှာ အိမ်ဖိုးပိုက်ဆံ အပြည့်မရှိလို့ လိုတဲ့ငွေကို ဘဏ်က ထုတ်ချေးတဲ့ ရေရှည်ချေးငွေ ပုံစံ တမျိုးပါပဲ။ သူရဲ့အတိုးနှုန်း တွက်ပုံတွေက နည်းနည်းလေးရှုပ်ထွေးပါတယ်။ ငွေကြေးတန်ဖိုးတွေက အမြဲတမ်း အတက်အကျဖြစ်နေတတ်လို့ fixed rate ရယ် flat rate ရယ်ဆိုပြီး တွက်ချက်နည်း ပုံစံနှစ်မျိုး ရှိပါတယ်။ နှစ်တော်တော်ကြာကြာချေးရတဲ့ ရေရှည်ချေးငွေ တမျိုးဖြစ်တာကြောင့် ချေးလိုသူရဲ့ အသက်အရွယ် နဲ့ တကိုယ်တည်းသမားလား ဆိုတဲ့ အချက်တွေကလည်း အရေးကြီးတဲ့ အချက်တွေထဲမှာပါ ပါတယ်။

ဘဏ်တွေနဲ့ ချေးငွေတွေအကြောင်းကို အဲဒီလို ယေဘုယျ သဘောလောက်သာ သိထားတဲ့ ကျွန်မအတွက်တော့ jeffrey archerရဲ့ kane & abel ဆိုတဲ့စာအုပ်ရယ်၊ arthur hailey ရဲ့ the money changers ဆိုတဲ့စာအုပ်ရယ် ဖတ်အပြီးမှာတော့ ကျွန်မပတ်ဝန်းကျင်မှာ ရှိနေတဲ့ ဘဏ်တွေဟာ ပိုပြီး စိတ်ဝင်စားစရာ ကောင်းလာပါတော့တယ်။ တကယ့်ကို ကမ္ဘာကျော်စာရေး ဆရာကြီးတွေ ပီပီ ဘဏ်တွေအကြောင်း အသေးစိတ်လေ့လာပြီး ဘဏ်တွေအလုပ်လုပ်ပုံ အနုစိတ်ကို ချယ်မြုန်းထားပါတယ်။ စီးပွားရေးလုပ်ငန်းတရပ်အနေနှင့် ဘဏ်လုပ်ငန်းက စိတ်ဝင်စား စရာကောင်းလှပါတယ်။ ဘဏ်လုပ်ငန်းရဲ့ အဓိကလုပ်ငန်းလို့ ဆိုရလောက်အောင် ဒီအကြွေးကဒ် စနစ်ကလည်း နှစ် 40-50အတွင်း အောင်အောင်မြင်မြင်ကြီးကို တိုးတက် ကြီးထွားလာပါတယ်။ ဘဏ်လုပ်ငန်းရှင်တွေဟာ လိုအပ်တာထက် အဆပေါင်းများစွာပိုပြီး အတိုးနှုန်းထားတွေယူကြတယ်။ လူသားတွေ ဒုက္ခရောက်အောင် မွဲဆေးဖော်ပေးကြတယ်။ အကြွေးစနစ်နဲ့ စာရိတ္ဘတွေ ဖျက်ဆီးတယ်။ လက်ငင်းပေးစရာမလို၊ တသက်လုံး ကုန်းဆပ်ဖို့သာလိုသည် စသည်ဖြင့် အမျိုးမျိုးဝေဖန်တိုက်ခိုက်မှုတွေကြားကပဲ အောင်မြင်မှုသရဖူတွေဆောင်းလာလိုက်တာ အခုဆိုရင် credit card ကလေးမှမရှိရင် မျက်နှာငယ်သလိုလို၊ ခေတ်မမှီသလို အခြေအနေမျိုး အထိပါပဲ။

ဒီထက်ပိုဆိုးတာက ဖေဖော်ဝါရီ 1 ရက်နေ့ က The wall street journal မှာပါတဲ့ The suprising borrowing habbits of the rich ဆိုတဲ့ ဆောင်းပါးလေးကို ဖတ်ကြည့်လိုက်မှပဲ ချမ်းသာတဲ့လူများလည်းကြွေးနဲ့ မကင်းနိုင်ပါလား လို့သိလိုက်ရပါတယ်။

A closer look at the nation's personal borrowings shows that the rich are piling on debt faster than the middle class -- though for very different reasons.
According to the Federal Reserve Board's Surveys of Consumer Finance, the nation's richest 1% loaded up on $342 billion in new debt between 1998 and 2004, the latest year for which data are available. (The 1% represents households with net worths, including primary residence, of at least $6 million.) Economists say that debt number has probably continued to grow since 2004, because interest rates remain low by historical standards.

In fact, some sociologists and economists say the rise in wealthy people's debt stems in large part from the growing pressure among the elite to keep up with richer peers. The biggest disparities in wealth today are among the rich, with mere millionaires getting shoved aside by decamillionaires, centimillionaires and billionaires.
So the haves are borrowing more to keep up with the have-mores. Those in the 95th percentile to 99th percentile of wealth have almost twice as much debt as the top 1%, as measured against assets. Economists and wealth managers say it's the single-digit millionaires who are becoming the most stretched, as they borrow to match the lifestyle of even-wealthier people.
The result, says Dalton Conley, a sociologist at New York University who studies status, is even more debt. "What we're seeing is the top 1% struggling to keep up with the top 1/10th of 1%," he adds. "And those people trying to keep up with the top 1/100th of 1%. There is a drive by the merely rich to keep up with the obscenely rich."

စကားမစပ် နောက်ထပ် ရယ်စရာတခုပြောရရင် ဒီနှစ် x'mas sale ချတဲ့အထဲမှာ ဘဏ်တွေလည်း ပါပါတယ်။ ဘဏ်တွေရှေ့မှာ sale ဆိုတဲ့ စာတန်းကြီးတွေကို တခမ်းတနား ချိတ်ဆွဲထားတာ မြင်တော့ ကျွန်မလည်း နည်းနည်း ကြောင်တောင်တောင် ဖြစ်သွားပါတယ်။ ဘဏ်တွေက ဘယ်လိုများ sale ချလေမလဲ ဆိုပြီးတော့ ပေါ့။ နောက်သေသေချာချာ ဖတ်ကြည့်လိုက်တော့မှ loan ယူထားတဲ့သူများ သတ်မှတ်ကာလထက် စောပြီး အကြေဆပ်နိုင်လျှင် အတိုး ဘယ်ရွေ့ဘယ်မျှ ပြန်ပေးမည့်အကြောင်း၊ credit card သမားများကတော့ ဘယ်နှစ်လ အတွင်း အတိုးမယူကြောင်း၊ လျော့ပေးမည့်အကြောင်း စုံလို့ပါပဲ။

ဟုတ်ကဲ့ အကြောင်းအရာ အချက်အလက်တွေပြောတာများသွားပြီး ကျွန်မရဲ့ ကိုယ်ပိုင်အမြင်လေး မပါသေးဘူးဖြစ်နေတယ်။ ဒီနိုင်ငံတွေမှာ ကြီးလှပါတယ်ဆိုတဲ့ အတိုးနှုန်းဟာ ကျွန်မတို့ နိုင်ငံနဲ့ ယှဉ်ကြည့်ရင် တော်တော်လေးကို သက်သာနေပါသေးတယ်။loan နဲ့ချေးမယ်ဆိုရင် pound 5000 ကို နှစ်နှစ်အတွင်းပြန်ဆပ်မယ်ဆိုရင် ပုံမှန်အတိုးနှုန်း တစ်လကို pound 50 ထက်မကျော်ပါဘူး။ 1% လောက်ပဲ ရှိပါတယ်။ ဒီတော့ အလွန်အကျွံသဘောမဟုတ်ဘဲ သုံးတတ်ရင်တော့ ဆေး လို့ ယူဆပါတယ်။ money management နိုင်နင်းတဲ့ သူတွေအတွက် အကျိုးရှိတဲ့ သာဓကတွေ အများကြီးပါ၊ ပညာရှာလိုသူများအတွက် student loan နဲ့ uni သွားနိုင်သလို စီးပွားရေးသမားတွေအတွက် လည်း လည်ပတ်နေတဲ့ စီးပွားရေးမှာ ချင့်ချိန်သုံးရင် အကျိုးများနိုင်ပါတယ်။ လိုရာခရီးကို အချိန်မြန်မြန်နဲ့ ရောက်နိုင်တာပေါ့။ mortgage နဲ့ အိမ်ဝယ်သူများအနေနဲ့လည်း အမြဲတမ်း တက်နေတဲ့ ဒီနိုင်ငံရဲ့ အိမ်ဈေးတွေကြောင့် အရှုံးနဲ့ ရင်ဆိုင်ရသူ ရှားမှရှားပါ။ အဲဒီလိုမှမဟုတ်ဘဲ သုံးဖို့၊ ဖြုန်းဖို့အတွက် သုံးမယ်ဆိုရင်တော့ ဒုက္ခရယ်၊ လှလှရယ်၊ ကိုယ်ရယ် ပျော်ပျော်ပါးပါးကြီး တွေ့သွားရဖို့အကြောင်း တော်တော်လေးရှိကြောင်းပါ။

စာစု

2008-10-18T12:45:00.001-07:00

လောကကြီးမှာ လူသားတွေအားလုံးဟာ အသက်ရှင်နေစဉ်မှာ လုပ်သင့်လုပ်ထိုက်တဲ့ အကျိုးရှိတဲ့ အလုပ်တွေလုပ်ရင်း မျှော်လင့်ချက်တွေနဲ့ ရဲရဲရင့်ရင့် နေထိုင်နေကြတယ်။ မနက်ဖြန်ကိုယ်သေချင်သေမယ်။ ဘယ်သူမှ တပ်အပ်မပြောနိုင်ဘူး။ ဒါပေမဲ့ ကိုယ်လုပ်စရာ ရှိတာတွေကို လုပ်ရမယ်။ ဖြူစင်တဲ့ စေတနာနဲ့ ရဲရင့်တဲ့စိတ်ရှိဖို့ လိုတယ်။ လူတယောက်ဟာ လူဖြစ်လာပြီးပြီဆိုရင်လဲ ရလာတဲ့လူ့ဘဝအပေါ် ကျေနပ်ပျော်ရွှင်ရဲတဲ့ သတ္တိရှိရမယ်။
ဂျူး -- ချစ်သူရေးတဲ့ ကျွန်မရဲ့ညတွေ-

ကြီးကြီးကျယ်ကျယ်ဖြစ်ဖို့အတွက် ကြီးကြီးကျယ်ကျယ် ကြိုးစားဖို့ပဲရှိပါတယ်။ တခြားနည်းလမ်း မရှိပါဘူး။
နန္ဒာသိန်းဇံ---- ခယောင်းလမ်းကို ဖြတ်ကျော်ခြင်း

အမေ ဘယ်လိုသိပ်သိပ် ကိုယ်အိပ်မှ ပျော်မယ့်ညပါ
ကိုယ်မီးအိမ် ကိုယ်တိုင်မြှောက်လို့
ကိုယ်မီးတောက် ကိုယ်ထွန်းညှိခဲ့ပါတယ်။
မောင်သာချို

အလှကိုယ်စီ

2008-10-18T12:44:00.000-07:00

~
ဖိုးလမင်းလည်း သူ့အဆင်းနှင့် သူ့အလင်းနှင့်
မီးတိုင်ငယ်လည်း သူ့အရွယ်နှင့် အစွယ်နှင့်
စံပယ်ဖူးလည်း သူ့ဂုဏ်ထူးနှင့် ငုံဖူးနှင့်
ပိတောက်ဝါလည်း သူ့အခါနှင့် နံ့သာနှင့်
မြေပြင်နက်လည်း သူ့သိုင်းကွက်နှင့် လှိုင်းယက်နှင့်
စမ်းချောင်းခွေလည်း သူ့ချောင်းရေနှင့် လောင်းလှေနှင့်
မည်သည့်အရာ မဆိုသာတည့် သူမှာကိုယ်မှာ အလှသာတည့်
သဘာဝလျှင် အလှကိုယ်စီ စွမ်းရည်ကိုယ်င လက်ဆောင်ငှ၏
အလှဝန်တို မငြိုငြင်နှင့်
ဝန်တိုမှုသာ မလှရာတည့်
သူဂုဏ် သူသိန် သူအရှိန်နှင့်
အချိန်အခါ နေရာဒေသ
ဋ္ဌာနအလျှောက် အရေးရောက်သည်
စွမ်းလောက်နိုင်သူ ချည်းပါတကား........

တင်မိုး

ကျွန်မနေသော နိုင်ငံ

2008-10-18T12:43:00.000-07:00

ကျွန်မနေတဲ့ နိုင်ငံကို ခေါ်တာနာမည်တွေစုံနေတာပဲ.. englandတဲ့၊ great britain တ၊ဲ့ UK တဲ့။ ကျွန်မကိုယ်တိုင်လည်း ဘာကိုဘယ်လိုသတ်မှတ်ပြီးခေါ်လည်းဆိုတာ မကွဲပြားပါဘူး။ ဟိုနေ့ကမှ europian business law ဆိုတဲ့စာအုပ်ထဲမှာ ရှင်းထားတာတွေ့တော့မှ သိသွားတာပါ။
britain --> england, scotland, wales
UK --> britain, northern ireland, the isles of man, the channel islands, the orkneys and various other offshore islands

အဲဒီစာအုပ်လေးဖတ်ပြီး အင်္ဂလန်ကို ပိုစိတ်ဝင်စားသွားတယ်။ ဘာလို့လဲဆိုတော့ europe ထဲမှာ အင်္ဂလန်ဟာ သိပ်ချမ်းသာလှတဲ့ နိုင်ငံထဲမှာတော့ မပါပါဘူး။ GDP ကလည်းသိပ်မမြင့်လှပါဘူး။ ဒါပေမဲ့ ဒီနေ့ကမ္ဘာမှာ အင်္ဂလန် စတာလင်ပေါင်ဟာ တန်ဖိုးအမြင့်ဆုံးပါ။ သေချာစဉ်းစားကြည့်ရင် စိတ်ဝင်စားဖို့ကောင်းပါတယ်။ အင်္ဂလန်ဟာ ပထဝီအနေအထားအရ နိုင်ငံငယ်လေးတခုပါ။ ရာသီဥတုကလည်း တော်တော်လေး ဆိုးဝါးပါတယ်။ အဓိကထွက်ကုန်လည်း သိပ်မရှိသလောက်ပါပဲ။ ဒီပြင့်နိုင်ငံတွေရဲ့ ကိုလိုနီလုပ်ခြင်းကိုလည်း ခံခဲ့ရဖူးပါတယ်။ ဒါပေမဲ့ ဒီလိုအခြေအနေမျိုးတွေနဲ့တောင် ကမ္ဘာမှာ နေမဝင် အင်ပါယာကြီးကို တည်ထောင်နိုင် ခဲ့ဖူးပါတယ်။ပြီးတော့သူတို့ရဲ့ ဘာသာစကားကို တကမ္ဘာလုံးပျံနှံ့အောင် ဖြန့်ဖြူးနိုင်ခဲ့ပါတယ်။ ဒီနေ့ ဒီအချိန်ထိလည်း သူတို့ရဲ့ငွေကြေးတန်ဖိုးကို ထ်ိန်းသိမ်းထားနိုင်တယ်ဆိုတော့ သူတို့မှာ သူများထက်သာတဲ့ အရည်အချင်းရှိလုိ့ဘဲ ဖြစ်ရမယ်လုိ့ ကျွန်မကတော့ ယူဆပါတယ်။

ကျွန်မလေ့လာကြည့်ရသလောက်လဲ အင်္ဂလိပ်တွေဟာ တခြားလူမျိုးတွေထက် စည်း၊စနစ်လဲကျပါတယ်။ စဉ်းစားချင့်ချိန် သေချာတွက်ချက်ပြီး အလုပ်လုပ်တတ်ပါတယ်။အချိန်ကာလ နဲ့ နေရာဋ္ဌာန ကို တော်တော်လေးသဘောပေါက်တယ်လို့ ထင်ပါတယ်။ အာရှသားတွေမှာ သူတို့ထက် ထူးခြားသာလွန်တဲ့ အရည်အချင်းကတော့ အရမ်းကြိုးစားခြင်းပါဘဲ။ အင်္ဂလိပ်တွေကို ဥာဏ်အရည်အချင်းအရ မသာနိုင်ရင်တောင် ကိုယ်ရတဲ့အခြေအနေ အနေအထားတခုမှာ ရနိုင်သလောက်စွမ်းအားအပြည့် ကြိုးစားခြင်းပါပဲ။ အာရှသားတွေအတွက် ခွင့်၊ အပန်းဖြေခြင်း တို့ဆိုတာ သိပ်အရေးတကြီးကိစ္စမဟုတ်ပေမဲ့ အင်္ဂလိပ်တယောက်အတွက်တော့ တော်တော်လေးအရေးပါ ပါတယ်။

နောက်ပြီးကျွန်မ မှတ်သားဖူးတဲ့ စကားလေး ကတော့ အမေရိကားကို “ လွတ်လပ်တဲ့ သမီးပျို ” တဲ့။ မစဉ်းစား မဆင်ခြင်ဘဲ ထင်ရာစိုင်းတက်တဲ့ ကောင်မလေးပေါ့။ အင်္ဂလန်ကိုတော့ “ လွတ်လပ်တဲ့ အဘိုးအို” ပါတဲ့။ စဉ်းစား ဆင်ခြင် ချင့်ချိန်တတ်တဲ့ လူကြီးတယောက်ပေါ့လေ။ နောက်ထပ်စိတ်ဝင်စားဖို့ကောင်းတာက အင်္ဂလန်ရဲ့ prime ministerဟာ အင်္ဂလန်နိုင်ငံအတွက်သာမက တကမ္ဘာလုံးအတွက်လည်းအရေးကြီးတဲ့ အနေအထားမှာ ရှိတယ်လို့ဆိုပါတယ်။ ကျွန်မဒီကိုစရောက်တဲ့ 2000လောက်ကတည်းက အခုအချိန်ထိ ဝန်ကြီးချုပ်ဖြစ်နေတဲ့ tony blair ဟာဆိုရင်လည်း ကျွန်မအတွက်တော့ စိတ်ဝင်စားစရာကောင်းတဲ့ ပုဂ္ဂိုလ်တဦးပါ။ ဘာလို့လဲဆိုတော့ သူ့ရဲ့ထက်မြက်တဲ့အရည်အချင်း နဲ့ မနားမနေလုပ်ဆောင်ကြိုးပမ်းမှုတွေကြောင့်ပါ။ oxford university ထွက် barrister တဦးပီပီ သူတပါးလက်ခံချင်လာအောင်၊ မငြင်းချင်လောက်တော့အောင် ဆွဲဆောင်နိုင်တဲ့ စကားပြော အရည်အချင်းကလည်း အံ့မခန်းပါ။

ကျွန်မက သူတော်လိုက်တာလို့ ထင်မိတော့ ကျွန်မထက်နားလည်သူတွေ ဘာပြန်ပြောလဲဆိုရင် အဲဒီလူတွေတော်တာထက် အဲလိုတော်တဲ့လူတွေကို ရွေးချယ်နိုင်တဲ့၊ မဲပေးနိုင်တဲ့ ပြည်သူတွေကမှ တကယ်တော်တာပါတဲ့။ ဘာလို့လဲဆိုရင် စစ်တိုက်ဖို့လိုအပ်တဲ့ကာလမှာ စစ်သားတယောက်ကို မဲပေးခဲ့ပါတယ်။ သူတို့တွက်ထားတဲ့အတိုင်း အဲဒီစစ်သားဟာ ရွံရွံချွံချွံ တိုက်ခိုက်ပြီး အောင်ပွဲတွေယူဆောင်လာနိုင်ခဲ့ပေမဲ့ သူကို နောက်တကြိမ် ရွေးကောက်ပွဲမှာ ထပ်ပြီးမဲမပေးပါဘူး။ စစ်သွေးကြွပြီး စစ်ပွဲတွေ ထပ်တိုက်နေမှာစိုးတဲ့အတွက် ပြန်လည်တည်ဆောက်ရေးလုပ်နိုင်တဲ့ သူတယောက်ကိုပဲ မဲပေးခဲ့ပါတယ်။

ကျွန်မဒီလောက်တောင် အင်္ဂလိပ်တွေအကြောင်းပြောနေတော့ သူတို့ဟာ သိပ်တော်၊ သိပ်ကောင်းတဲ့ လူတွေလားလို့မေးလာခဲ့ရင် ကျွန်မက မဟုတ်ပါဘူးလို့ ချက်ချင်းဖြေမှာပါ။ သူတို့ဟာ ပညာတတ်တွေပီပီ ပြုံးပြုံး ပြုံးပြုံးနဲ့ ပညာရှိနည်းတွေနဲ့လည်း နှိပ်စက်တက်ပါတယ်။ ကမ္ဘာနိုင်ငံရေးလောကမှာလည်း နောက်ကနေ လိုသလို ကျားကွက်ရွေ့နိုင်ပါတယ်။ နောက်ပြီး ကမ္ဘာမှာ တောင်ကိုရီးယားနှင့် မြောက်ကိုရီးယား ၊ အိန္ဒိယ နှင့် ပါကစ္စတန်၊ မြန်မာပြည်မှာတောင် အထက် နှင့်အောက် မြန်မာပြည်ရယ်လို့ စသည်ဖြင့် သေသေချာချာ သွေးခွဲနိုင်ခဲ့တာ သူတို့ပါ။ ဒါပေမဲ့ သူတို့ဘယ်လောက်တော်လဲဆိုရင် သူတို့နယ်ချဲ့ခဲ့ပေမဲ့ နယ်ချဲ့ခံခဲ့ရတဲ့သူတွေဟာ သူတို့ကို မမုန်းကြပါဘူး။ သူတို့ကို အထင်ကြီးလေးစားခဲ့ကြဖူးပါတယ်။ ကိုလိုနီခေတ်၊ မဆလ ခေတ်၊ နအဖ ခေတ်တွေထဲမှာ ဘယ်ခေတ်ကိုကြိုက်သလဲမေးရင် ရှေ့မှီနောက်မှီတွေထဲမှာ ကိုလိုနီခေတ်ကို ကြိုက်နှစ်သက်သူတွေအများကြီးပါ။

နယ်ချဲ့ချင်း အတူတူ ဂျပန်နယ်ချဲ့က အင်္ဂလိပ်နယ်ချဲ့ထက်ပိုဆိုးတာ မြန်မာနိုင်ငံသားတိုင်းအသိပါ။ အင်္ဂလိပ်နယ်ချဲ့ကို ဆိုးဆိုးရွားရွား မုန်းတဲ့သူ ကျွန်မတော့ သိပ်မတွေ့ဖူးပါဘူး။ လွတ်လပ်ချင်တဲ့ စိတ်အရင်းခံနဲ့ဘဲ တော်လှန်ကြတာပါ။ ဒါပေမဲ့ ဗီယက်နမ်ကတော့ အမေရိကန်နယ်ချဲ့ကို သေသေချာချာကြီးကို မုန်းပါတယ်။ ဟုတ်ကဲ့ ..ကျွန်မကတော့ အင်္ဂလိပ်တွေကို လူကောင်းမဟုတ်တဲ့ လူတော်တွေလို့ဘဲ ဆိုချင်ပါတော့တယ်။

ကျွန်မရဲ့ ကိုယ်ပိုင်အမြင် သက်သက်ပါ။ နားလည်ယူဆပုံ မတူတာမျိုးလည်း ဖြစ်နိုင်ပါတယ်။

ကချေသည်မလေးများ

2008-10-18T12:42:00.000-07:00

တာရာမင်းဝေ ရဲ့ စာအုပ်တွေထဲမှာ ဒီစာအုပ်ကို အကြိုက်ဆုံးလို့တောင် ပြောလို့ရပါတယ်။ ဖတ်လိုက်တိုင်း ဘယ်တော့မှ ရိုးမသွားဘဲ အင်အားတွေ အမြဲတမ်းပေးတဲ့ စာအုပ်လေးပါ။

မြတ်ငြိမ်း ဘာသာပြန်တဲ့စာအုပ်ကို ဖတ်ဖူးတော့မှ တာရာမင်းဝေ ဟာ ဇာတ်လမ်းကြောရိုးကို နည်းနည်းများ မှီငြမ်းသလားလို့ ထင်မိပါတယ်။ ဒါပေမဲ့ နှစ်အုပ်လုံးဟာ အရသာတမျိုးစီနဲ့ တကယ်ကိုကောင်းတဲ့ စာအုပ်တွေပါ။

ငယ်ငယ်ထဲက တာရာမင်းဝေရဲ့ ကချေသည်မလေးဂျူနို ကို စွဲလန်းခဲ့ရသလို မြတ်ငြိမ်းရဲ့ ကချေသည်မလေး ဆာရာ ကလည်းတော်တော်နှစ်သက်စရာကောင်းလှပါတယ်။ သူတို့နှစ်ယောက်လုံး ကျွန်မကို ဘယ်လောက်တောင် စွဲဆောင်လိုက်နိုင်သလဲဆိုရင် သူတို့ဝိဥာည်တွေ၊ စိတ်ဓာတ်တွေဟာ ကျွန်မရဲ့သွေးထဲကို စီးဆင်းလာသလို ခံစားရပြီး သူတို့နဲ့အတူတူ မဆုံးတမ်း မမောတမ်း ကချင်နေမိတဲ့ အထိပါပဲ။

သိပ္ပံပညာက တို့လူသားတွေကို ကျောက်ခဲတွေပေးခဲ့တယ်။ လူသားတွေကလည်း အဲဒီကျောက်ခဲတွေနဲ့ မြို့တည်လိုက်တယ်။ဒါပေမဲ့ ဘာမြို့လဲ၊ ဘယ်လိုမြို့လဲဆိုတာကိုတော့ ဘယ်သူမှမသိကြဘူး.....

အရှေ့ဘက်မြို့ရိုးမှာတော့ သူ့နာမည် သူထိုးထားလိမ့်မှာပေါ့

ခုထိတော့ ဖတ်လို့မရသေးဘူး

မိုးကြီးရွာရမယ်... မိုးကြီးရွာရမယ်...........

အဲဒီလိုမိုးကြီးရွာမှ မြို့ရိုးမှာရေးထားတဲ့စာက ပေါ်လာလိမ့်မယ်

အရှေ့ဘက်မြို့ရိုးမှာ မိုးတွေရွာရမယ်...

အရှေ့ဘက်မြို့ရိုးမှာ မိုးတွေရွာမှ ဖြစ်မယ်.....

အရှေ့မြို့ရိုးမှာဖြင့် (တစက်မျှသာဖြစ်စေ၊ တစက်လောက်သာဖြစ်စေ) မိုးကတော့ ရွာခဲ့ပါပြီ။ ဘာစာလုံး၊ ဘာသင်္ကေတကို မြင်ကြရပြီလဲ။ ကြေကွဲစွာတော့ ဖတ်ရလိမ့်ဦးမည်။

ကကွက်စည်းဝိုင်း၏ အနီးဆုံးစားပွဲလေးပေါ်မှာတော့ ဓာတ်ပုံတပုံ၊ နှင်းဆီပန်းတပွင့်။

မေမေတယောက်နှင့် သမီးလေးတယောက် လူ့လောကထဲကို ရောက်လာခဲ့ဖူးလေသည်။

ပေးစာများ

2008-10-18T12:41:00.000-07:00

ဘာစာအုပ်ဖတ်ရင်ကောင်းမလဲလို့ စာအုပ်တွေရွေးနေရင်း letters to lilyဆိုတာတွေ့တာ နဲ့ နာမည်လေးနဲ့တင် သဘောကျသွားတယ်။ နောက်က summary လိုဟာမျိုးလေး ဖတ်ကြည့်လိုက် တော့လည်း အဘိုးကနေ စပ်စုတတ်တဲ့ 7နှစ်အရွယ်သူ့မြေးမလေးဆီ ရေးတာဆိုတော့ပိုတောင်ဖတ်ကြည့်ချင်စိတ်ပေါက်သွားသေးတယ်။ ဖတ်ကြည့်လိုက်တော့ သိပ်မဆိုးပေမဲ့ အရမ်းမျှော်လင့်ထားတဲ့ ကျွန်မအတွက်တော့ သိပ်အာသာ မပြေသလို ဖြစ်သွားတယ်။ ကျွန်မမျှော်လင့်ထားတာက အစိုးရိမ်ကြီးတတ်တဲ့ အဘိုးတယောက်က မြေးတယောက်ကို ဆုံးမတဲ့၊ ရှင်းလင်းပြောပြတဲ့ personalဆန်ဆန် လမ်းညွှန်သွန်သင်မှုတွေနဲ့ ချစ်ခင်မှုတွေပါ။ တကယ်တမ်းကျတော့ facts တွေကိုအဓိကထားပြီး စကားပြေဆန်တဲ့ အရေးအသားတွေနဲ့ ဆောင်းပါးလို သဘောတွေများနေတယ်။ ကျွန်မ မျှော်လင့်တဲ့ ပေးစာပုံစံမျိုး ကို သိပ်မတွေ့ရဘူးဖြစ်နေတယ်။ဒါပေမဲ့ နောက်ဆုံးမှာ သူ့အမေက သူ့အစ်မဆီရေးထားတဲ့ ဟောဒီကဗျာလေးနဲ့ အဆုံးသတ်ထားပုံကတော့ တော်တော်လေး သဘောကျစရာကောင်းလှပါတယ်။

Petition for my daughter

Time be kind. The dangerous world

Presses on the petals furled,

But as bruising years go by

Promise her a sanctuary.

Let her grow with great surprise,

Guard the wonder in her eyes

For a shinning sea-washed stone,

For leaves of satin, twigs of bone.

Trust her with your mysteries,

Butterflies and bark of trees.

Woo her with your winds and grasses

comfort her when summer passes.

Given her body's flower grace

Into Galahad's embrace,

That in peace she may discover

Man as friend and friend as lover.

Time be kind, be gentle. Teach her

There are woods where naught can reach her,

There are mornings none can borrow,

Love enough for each tomorrow.

ပေးစာတွေနဲ့ပတ်သတ်လို့ ကျွန်မစိတ်ကို ဖမ်းအစားနိုင်ဆုံးစာအုပ်တအုပ်ကိုပြောပါဆိုရင် မြသန်းတင့် ဘာသာပြန်တဲ့ လူကလေးသို့ ပေးစာများကို ပြရမှာပါ။ စာအသိရော၊ ဘဝအသိပါ ပြည့်စုံကြွယ်ဝလှတဲ့ English Politician တစ်ဦးဖြစ်တဲ့ Lord Chesterfield ကနေ သူ့သားလေး Philip Stanhope လောကအလယ်မှာ လူတလုံး၊ သူတလုံးဖြစ်ဖို့အတွက်၊ အစစအရာရာမှာ အမှားအယွင်းတွေနဲ့ မကြုံတွေ့မိစေဖို့အတွက် စိုးရိမ်တကြီးနဲ့ တတွက်တွက်သင်ကြားနေတဲ့ ဖခင်တယောက်ရဲ့ ဂရုဏာ၊ စေတနာ တွေကိုအပြသနိုင်ဆုံး ပေးစာတွေပါ၊

ဒီပေးစာတွေကို သူ့သားတော့ ဘယ်လောက်တန်ဖိုးထားသလဲ မသိပေမဲ့ ကျွန်မကတော့ ကျွန်မအိမ်ကနေ ပထမဆုံးအကြိမ် လောကကြီးထဲကို သွားရမဲ့ခရီး၊ မိသားစုဝင်တွေမပါ တကိုယ်တည်း ချီတတ်ရမယ့် မိုင်ထောင်ချီ ခရီးမှာ မှတ်မှတ်ရရ သယ်လာခဲ့တဲ့ စာအုပ်ပါ။ ခုချိ်န်ထိလည်း စာအုပ်စင်မှာ မြတ်မြတ်နိုးနိုး သိမ်းထားရတဲ့ စာအုပ်လေးပါရှင်။

ခေါက်ထီးလေး မလုံ့တလုံ

2008-10-18T12:40:00.001-07:00

ကျွန်မ သိပ်ကြိုက်တဲ့စာအုပ်တအုပ်ပါ။ ပြည့်တန်ဆာ ပပျောက်ရေး ကိုစွမ်းစွမ်းတမံ ကြိုးစားခဲ့တဲ့ စာရေးသူရဲ့ အမှာစာကို ပကြိမ် ပုံနှိပ်ခြင်းတုန်း က တွေ့လိုက်ပေမဲ့ အခု ဒုကြိမ် ပုံနှိပ်မှာတော့ မတွေ့မိပါဘူး။ ခေတ်တွေ၊ စနစ်တွေ မတူတော့ဘူး လို့ဘဲ ယူဆလို့လား မသိပါဘူး။ ဘာဖြစ်လို့လဲဆိုတော့ သမိုင်းနောက်ခံက 1977 ပတ်ဝန်းကျင်လောက်ကမို့လို့ပါ။ ဒါပေမဲ့ အကြောင်းအရာကတော့ ခုထိ မဟောင်းသေးဘဲ ဘောင်ဝင်နေတုန်းပါ။

အပြင်ဆောင်တခုမှာ တခန်းထဲ အတူတူနေခဲ့ကြဖူးတဲ့ သူငယ်ချင်းနှစ်ယောက် ဝေးသွားကြပြီးမှ ပထမဆုံးပြန်တွေ့တဲ့ နေရာ က “တရားရုံး”၊ အမှုက ပြည့်တန်ဆာမှု၊ တယောက်က အစိုးရ သက်သေ၊ နောက်တယောက်က အစိုးရ ရှေ့နေ။

ဘဝကို တန်ဖိုးမထား၊ ပျော်ပျော်နေတက်တဲ့ “ကြွေ”၊

စားဝတ်နေရေးအတွက် မဟုတ်ဘဲ အလှအပ အတွက် ပိုက်ဆံကို လွယ်လွယ်ကူကူ ရှာတက်တဲ့ ကြွေ၊

မပြစ်မှားသင့်တဲ့ ကိုယ့်အစ်မ ယောက်ျား ခဲအိုကိုမှ ချစ်ချင်တဲ့ကြွေ၊

ဒီမိန်းကလေးရဲ့ ဘဝနိဂုံး က ကြောက်စရာကောင်းလှပါတယ်။

ကိုယ်မေတ္တာထားမိတဲ့ ရှေ့နေမလေး မွန်မွန်ကို လိုက်ပါကူညီရင်း ပေးဆပ်တက်တဲ့ ယောက်ျားကောင်းတယောက်ရဲ့ စိတ်ဓာတ်ကို အကောင်းဆုံးလှစ်ဟပြသွားတဲ့ တရားသူကြီး ကိုခင်ဇော်။

သုံးပွင့်ဆိုင်ဇာတ်လမ်းလေးကလည်း ညှုို့နိုင်စွမ်းသလို စာရေးသူရဲ့စေတနာကလည်း လေးစားဖွယ်ပါ။

ဘယ်လိုပဲဖြစ်ဖြစ် စာရေးသူ၏ ဆန္ဒအတိုင်း “ ပြည့်တန်ဆာ ကုန်ကူးခြင်းစနစ်” ကျဆုံးပါစေလို့ပဲ ခပ်တိုးတိုးလေး ဆုတောင်းပေးနေမိပါတယ်။

အောင်မြင်သော ဘဝ

2008-10-18T12:39:00.001-07:00

ခဏ ခဏ ရယ်ရယ်မောမော
ပညာရှိသူ၏ လေးစားခြင်းနှင့် ကလေးတို့၏ ချစ်ခြင်းကိုရသော

ရိုးသားသော ဝေဖန်သူ၏ နှစ်သက်ခြင်းကို သိမ်းပိုက်နိုင်၍
မိတ်ဆွေတုများ၏ သစ္စာမဲ့မှုကို ခံနိုင်သော

လူအများ၌ အကောင်းကိုမြင်တတ်၍
ကျန်းမာသော ကလေးတယောက်
ဥယျာဉ်တကွက်၊ လူမှူကယ်တင်ရေးတခုနှင့်
ကမ္ဘာကြီးကို အနည်းငယ်ပို၍ သာတောင့်သာယာဖြစ်စေသော

သင်ရှိခြင်းကြောင့် အခြားဘဝတခု၊ ဆေးတအိုး၊ အသက်တရှူ
ပို၍လွယ်ကူစေသည်ဟု သိသော

ထိုသူ၏ဘဝသည် အောင်မြင်သော ဘဝ ဖြစ်သည်။

ကိုတာ

ဂျူး -- ဝတ္ထုတိုများ

2008-10-18T12:37:00.000-07:00

ကျွန်မ သိပ်ကိုလေးစားနှစ်သက် သဘောကျရတဲ့ စာရေးဆရာမ တယောက်ပါ၊ ဘယ်လောက်တောင် ကြိုက်သလဲဆိုရင် သူမရဲ့အတွေးတွေ၊ စိတ်ကူးတွေ၊ ထွက်တဲ့စာအုပ်တွေ အားလုံးကို အပိုင်သိမ်းထားချင်မိတဲ့ အထိပါပဲ။ အတွေးတွေ၊ စိတ်ကူးတွေကို အပိုင်သိမ်းဖို့မဖြစ်နိုင်တော့ ဖြစ်နိုင်တဲ့ စာအုပ်တွေကိုပဲ ဝယ်သိမ်း ထားရတာပေါ့၊ လိုချင်တဲ့စာအုပ်တော်တော်များများ ဝယ်လို့ရပေမဲ့ အခုထိမရသေးတာက “ကံကြမ္မာကို မယုံကြည်ကြသူများ “ ပါ၊ ebooks တွေမှာ ရှာရတာလည်းမောလှပါပြီ၊ အခုထိတော့ မတွေ့သေးပါဘူး၊

လောလောဆယ်တော့ ရှိနေတဲ့စာအုပ်အဟောင်းလေးတွေ ပြန်ဖတ်ရင်း၊ စက်ထဲမှာသိမ်းထားတဲ့ ဝတ္ထုတိုလေးတွေပြန်ကြည့်ရင်းပဲ ကျေနပ်လိုက်ပါတော့တယ်၊
အမှတ်တရ - စာစု
ပျောက်ဆုံးနေသော
ကမ္ဘာမြေရဲ့ချစ်သူ

ခရမ်းပြာ ပန်းတိုင်

2008-10-18T12:35:00.000-07:00

..
ချစ်သူ
ရှေ့ကိုကြည့်စမ်း လန်းဆန်းဝင့်ကြွား
အားနှင့်မာန်နှင့် သည်ပန်းပွင့်က
လွင့်မျောလှုပ်လဲ့ ချောင်းရဲ့ရေစီး
သည်ခရီးထဲ ဇွဲကိုကိုးစား
ပျော်များနေရဲ့ မင်းချစ်တဲ့ပန်း
ခရမ်းပြာလေ၊

ဗေဒါရဲ့လမ်း စခန်းဘယ်ဆီ
မှန်းရည်သော်လည်း ခက်ခဲပင်ပန်း
ဒီရေကြမ်းမှာ သာသာတမျိုး
ဆိုးဆိုးတဖုံ ကြုံမြဲကြုံလျှက်
ရောက်ခက်နိုင်ခဲ့ မင်းချစ်တဲ့ပန်း
ခရမ်းပြာလေ။

ဗေဒါခရီး နီးနီးဝေးဝေး
အေးအေးကြမ်းကြမ်း သည်လမ်းစုန်ဆန်
ရင်ခုန်သံဖြင့် ချစ်ခြင်း၊မုန်းခြင်း
ဖြတ်နင်းကျော်သွား လူသားဆန်စွာ
ပန်းဗေဒါလို မငြိုမငြင်
လမ်းသစ်ထွင်လျှက် ဆက်လျှောက်ပါနော်

အဖော်ခဏ ခေါ်မရလဲ
တယောက်တည်းပေါ့ ခေါင်းမော့စမ်းပါ
ခရမ်းပြာပန်း ခြေလှမ်းမြဲခိုင်
ပန်းတိုင်မြင်မှ သတိရလည်း
ဝမ်းနည်းမနေ လေပြေလေးဖြစ်
ကျေနပ်နေရစ်ပါရစေနော်။ ။

ခရမ်းပြာပန်းတိုင်
ရှား